ជាតិ
×![]()
បណ្ឌិតសភាបេតិកភណ្ឌចិន នៅថ្ងៃទី២២ មិថុនា បានអនុស្សរណៈយោគយល់ជាមួយស្ថាប័ន អាជ្ញាធរជាតិអប្សរា ដើម្បីស្រាវជ្រាវ និងប្រមូលទិន្នន័យ សម្រាប់ការងារជួសជុលប្រាសាទ បេងមាលា។ ដំបូង ស្ថាប័នចិនមួយនេះ ហាក់ស្ទាក់ស្ទើរ ក្នុងការចូលរួមជួសជុលប្រាសាទ បេងមាលា តាមការស្នើសុំរបស់អាជ្ញាធរជាតិអប្សរា ព្រោះប្រាសាទនេះស្ថិតនៅក្រៅឧទ្យាន អង្គរ។
តាមអ្នកនាំពាក្យអាជ្ញាធរជាតិអប្សរា អនុស្សរណៈជាមួយបណ្ឌិតសភាបេតិកភណ្ឌចិន គឺធ្វើឡើងក្រោយការខិតខំប្រឹងប្រែងរបស់អាជ្ញាធរជាតិអប្សរា ដែលកន្លងមក ភាគីចិន ហាក់ស្ទាក់ស្ទើរក្នុងការចូលរួមជួសជុលប្រាសាទបេងមាលា ដែលនៅក្រៅឧទ្យានអង្គរ។ ក្នុងន័យនេះ លោក ឡុង កុសល បញ្ជាក់ថា ទោះដៃគូ អភិវឌ្ឍមួយចំនួន មានឆន្ទៈជួសជុលប្រាសាទក្តី តែសម្រាប់បណ្តាប្រាសាទក្រៅឧទ្យាន ឬមិនស្ថិតក្នុងតំបន់បេតិកភណ្ឌពិភពលោក គឺមានការលំបាកបន្តិច។
លោក ឡុង កុសល ក៏បានលើកឡើងពីបញ្ហាមួយចំនួន ដូចករណីសង់សំណង់ខុសច្បាប់ និងចាក់ដីក្នុងរមណីយដ្ឋានអង្គរជាដើម ប្រសិនណារមណីយដ្ឋានអង្គរ អាចត្រូវដកចេញពីតំបន់បេតិកភណ្ឌពិភពលោក នោះដៃគូសហប្រតិបត្តិការអភិវឌ្ឍ ក៏ត្រូវបាត់បង់ដូចគ្នា។
នៅថ្ងៃដដែលនោះ ក្រៅពីចុះអនុស្សរណៈជាមួយភាគីចិនហើយនោះ អាជ្ញាធរជាតិអប្សរា ក៏បានចុះកិច្ច ព្រមព្រៀងជាមួយ មជ្ឈមណ្ឌលសិល្បៈជាតិអ៊ិនឌីរ៉ាហ្គិនធី (Indira Gandhi National Center for the Arts) ហៅកាត់ថា IGNCA នៃប្រទេសឥណ្ឌាផងដែរ។ អនុស្សរណៈនេះ ក្នុងបំណងដើម្បីប្រមូលទិន្នន័យជារូបភាព និងវីដេអូនៃប្រាសាទផ្សេងៗ ដើម្បីរក្សាទុកក្នុងប្រព័ន្ធបច្ចេកវិទ្យា។ គម្រោងនេះ ដើម្បីរក្សាទុករូបភាពនានា ដែលជាភស្តុតាងសំខាន់សម្រាប់ជួយដល់ការងារជួសជុលទៅពេលខាងមុខ។ បច្ចុប្បន្ន ការងារ ជួសជុលប្រាសាទជាច្រើន ពឹងលើរូបភាពដែលបន្សល់ទុកក្នុងសម័យបារាំង។
គួររម្លឹកថា អនុស្សរណៈទាំងពីរ ត្រូវបានធ្វើឡើងនៅព្រឹកថ្ងៃទី២២ មិថុនា គឺជាថ្ងៃទីពីរនៃកិច្ចប្រជុំបច្ចេកទេស នៃគណៈកម្មាធិការអាយស៊ីស៊ី-អង្គរ ដែលរៀបចំធ្វើនៅស្នាក់ការអាជ្ញាធរជាតិអប្សរា៕
តាមអ្នកនាំពាក្យអាជ្ញាធរជាតិអប្សរា អនុស្សរណៈជាមួយបណ្ឌិតសភាបេតិកភណ្ឌចិន គឺធ្វើឡើងក្រោយការខិតខំប្រឹងប្រែងរបស់អាជ្ញាធរជាតិអប្សរា ដែលកន្លងមក ភាគីចិន ហាក់ស្ទាក់ស្ទើរក្នុងការចូលរួមជួសជុលប្រាសាទបេងមាលា ដែលនៅក្រៅឧទ្យានអង្គរ។ ក្នុងន័យនេះ លោក ឡុង កុសល បញ្ជាក់ថា ទោះដៃគូ អភិវឌ្ឍមួយចំនួន មានឆន្ទៈជួសជុលប្រាសាទក្តី តែសម្រាប់បណ្តាប្រាសាទក្រៅឧទ្យាន ឬមិនស្ថិតក្នុងតំបន់បេតិកភណ្ឌពិភពលោក គឺមានការលំបាកបន្តិច។
លោក ឡុង កុសល ក៏បានលើកឡើងពីបញ្ហាមួយចំនួន ដូចករណីសង់សំណង់ខុសច្បាប់ និងចាក់ដីក្នុងរមណីយដ្ឋានអង្គរជាដើម ប្រសិនណារមណីយដ្ឋានអង្គរ អាចត្រូវដកចេញពីតំបន់បេតិកភណ្ឌពិភពលោក នោះដៃគូសហប្រតិបត្តិការអភិវឌ្ឍ ក៏ត្រូវបាត់បង់ដូចគ្នា។
នៅថ្ងៃដដែលនោះ ក្រៅពីចុះអនុស្សរណៈជាមួយភាគីចិនហើយនោះ អាជ្ញាធរជាតិអប្សរា ក៏បានចុះកិច្ច ព្រមព្រៀងជាមួយ មជ្ឈមណ្ឌលសិល្បៈជាតិអ៊ិនឌីរ៉ាហ្គិនធី (Indira Gandhi National Center for the Arts) ហៅកាត់ថា IGNCA នៃប្រទេសឥណ្ឌាផងដែរ។ អនុស្សរណៈនេះ ក្នុងបំណងដើម្បីប្រមូលទិន្នន័យជារូបភាព និងវីដេអូនៃប្រាសាទផ្សេងៗ ដើម្បីរក្សាទុកក្នុងប្រព័ន្ធបច្ចេកវិទ្យា។ គម្រោងនេះ ដើម្បីរក្សាទុករូបភាពនានា ដែលជាភស្តុតាងសំខាន់សម្រាប់ជួយដល់ការងារជួសជុលទៅពេលខាងមុខ។ បច្ចុប្បន្ន ការងារ ជួសជុលប្រាសាទជាច្រើន ពឹងលើរូបភាពដែលបន្សល់ទុកក្នុងសម័យបារាំង។
គួររម្លឹកថា អនុស្សរណៈទាំងពីរ ត្រូវបានធ្វើឡើងនៅព្រឹកថ្ងៃទី២២ មិថុនា គឺជាថ្ងៃទីពីរនៃកិច្ចប្រជុំបច្ចេកទេស នៃគណៈកម្មាធិការអាយស៊ីស៊ី-អង្គរ ដែលរៀបចំធ្វើនៅស្នាក់ការអាជ្ញាធរជាតិអប្សរា៕
Tag:
អាជ្ញាធរជាតិអប្សរា
© រក្សាសិទ្ធិដោយ thmeythmey.com
