ជាតិ
×![]()
គណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងការណ៍ជាថ្មីវាយតម្លៃអំពីជោគជ័យនៃការរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤នេះ។ សេចក្តីថ្លែងការណ៍នេះ ធ្វើឡើងទន្ទឹមនឹងការផ្សព្វផ្សាយអំពីលទ្ធផលផ្លូវការនៃការបោះឆ្នោតនៅថ្ងៃអាទិត្យទី២៥ខែមិថុនានេះ។
ការប្រកាសអំពីជោគជ័យនៃការរៀបចំការបោះឆ្នោតក្រុមប្រឹក្សាឃុំសង្កាត់ឆ្នាំ២០១៧នេះ ត្រូវបានធ្វើឡើងនៅក្នុងលិខិតថ្លែងអំណរគុណរបស់ប្រធានគណៈកម្មាធិការជាតិរៀបចំការបោះឆ្នោត លោក ស៊ិក ប៊ុនហុក។ ប្រធាន គ.ជ.ប បានអរគុណភាគីពាក់ព័ន្ធជាតិ និងអន្តរជាតិទាំងអស់ ដោយលោកបញ្ជាក់ថា ភាគីទាំងអស់បានសាទរ និងបានប្រកាសទទួលយកការរៀបចំការបោះឆ្នោតនេះ។
«នេះគឺជាជោគជ័យដ៏ធំធេងមួយរបស់ប្រជាពលរដ្ឋខ្មែរក្នុងការអភិវឌ្ឍប្រទេសកម្ពុជាឲ្យកាន់តែរីកចម្រើន ស្របតាមគោលការណ៍ប្រជាធិបតេយ្យ សេរី ពហុបក្ស»។ នេះជាការអះអាងរបស់លោក ស៊ិក ប៊ុនហុក។
គួរបញ្ជាក់ថា គណៈកម្មាធិការជាតិរៀបចំការបោះឆ្នោតនេះ ត្រូវបានបង្កើតឡើងក្នុងក្របខណ្ឌនៃការចរចាផ្នែកនយោបាយរវាងគណបក្សដែលមានអាសនៈនៅក្នុងរដ្ឋសភាទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ។ សហភាពអឺរ៉ុប និងប្រទេសជប៉ុន គឺជាអ្នកផ្តល់ធំជាងគេទាំងផ្នែកបច្ចេកទេស និង ថវិកា ដើម្បីដំណើរការរៀបចំការបោះឆ្នោតឃុំសង្កាត់នេះ។
ទន្ទឹមគ្នានេះដែរ ប្រធានគ.ជ.ប ក៏បានជូនដំណឹងដល់ពលរដ្ឋខ្មែរដែលនឹងគ្រប់អាយុបោះឆ្នោតសម្រាប់ការបោះឆ្នោតជ្រើសរើសតំណាងរាស្ត្រឆ្នាំ២០១៨ខាងមុខ ត្រៀមខ្លួនចុះឈ្មោះបោះឆ្នោត ដែលត្រូវរៀបចំដោយគណៈកម្មាធិការជាតិរៀបចំការបោះឆ្នោត៕
ការប្រកាសអំពីជោគជ័យនៃការរៀបចំការបោះឆ្នោតក្រុមប្រឹក្សាឃុំសង្កាត់ឆ្នាំ២០១៧នេះ ត្រូវបានធ្វើឡើងនៅក្នុងលិខិតថ្លែងអំណរគុណរបស់ប្រធានគណៈកម្មាធិការជាតិរៀបចំការបោះឆ្នោត លោក ស៊ិក ប៊ុនហុក។ ប្រធាន គ.ជ.ប បានអរគុណភាគីពាក់ព័ន្ធជាតិ និងអន្តរជាតិទាំងអស់ ដោយលោកបញ្ជាក់ថា ភាគីទាំងអស់បានសាទរ និងបានប្រកាសទទួលយកការរៀបចំការបោះឆ្នោតនេះ។
«នេះគឺជាជោគជ័យដ៏ធំធេងមួយរបស់ប្រជាពលរដ្ឋខ្មែរក្នុងការអភិវឌ្ឍប្រទេសកម្ពុជាឲ្យកាន់តែរីកចម្រើន ស្របតាមគោលការណ៍ប្រជាធិបតេយ្យ សេរី ពហុបក្ស»។ នេះជាការអះអាងរបស់លោក ស៊ិក ប៊ុនហុក។
គួរបញ្ជាក់ថា គណៈកម្មាធិការជាតិរៀបចំការបោះឆ្នោតនេះ ត្រូវបានបង្កើតឡើងក្នុងក្របខណ្ឌនៃការចរចាផ្នែកនយោបាយរវាងគណបក្សដែលមានអាសនៈនៅក្នុងរដ្ឋសភាទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ។ សហភាពអឺរ៉ុប និងប្រទេសជប៉ុន គឺជាអ្នកផ្តល់ធំជាងគេទាំងផ្នែកបច្ចេកទេស និង ថវិកា ដើម្បីដំណើរការរៀបចំការបោះឆ្នោតឃុំសង្កាត់នេះ។
ទន្ទឹមគ្នានេះដែរ ប្រធានគ.ជ.ប ក៏បានជូនដំណឹងដល់ពលរដ្ឋខ្មែរដែលនឹងគ្រប់អាយុបោះឆ្នោតសម្រាប់ការបោះឆ្នោតជ្រើសរើសតំណាងរាស្ត្រឆ្នាំ២០១៨ខាងមុខ ត្រៀមខ្លួនចុះឈ្មោះបោះឆ្នោត ដែលត្រូវរៀបចំដោយគណៈកម្មាធិការជាតិរៀបចំការបោះឆ្នោត៕
Tag:
គ.ជ.ប
បោះឆ្នោតឃុំសង្កាត់
© រក្សាសិទ្ធិដោយ thmeythmey.com
