លោក ប៉ា សុជាតិវង្ស ក្លាយជាទីប្រឹក្សាផ្ទាល់សម្តេច ហ៊ុន សែន ឋានៈស្មើទេសរដ្ឋមន្ត្រី

ជាតិ

លោក ប៉ា សុជាតិវង្ស ក្លាយជាទីប្រឹក្សាផ្ទាល់សម្តេច ហ៊ុន សែន ឋានៈស្មើទេសរដ្ឋមន្ត្រី

28, Jun 2017 , 5:37 pm

រូបភាព

ដោយ:

ភ្នំពេញ៖ អតីតអភិបាលរាជធានីភ្នំពេញ លោក ប៉ា សុជាតិវង្ស ត្រូវបានតែងតាំងជាទីប្រឹក្សាផ្ទាល់របស់សម្តេចនាយករដ្ឋមន្ត្រី ហ៊ុន សែន ដែលមានឋានៈស្មើទេសរដ្ឋមន្ត្រី បន្ថែមលើមុខងារបច្ចុប្បន្ន។ នេះបើយោងតាមព្រះរាជក្រឹត្យចុះថ្ងៃទី២៧ ខែមិថុនា ឆ្នាំ២០១៧។

លោក ប៉ា សុជាតិវង្ស ដែលបានគ្រប់គ្រងរាជធានីភ្នំពេញ តាំងពីខែឧសភា ឆ្នាំ២០១៣ ត្រូវបានជំនួសដោយលោក ឃួន ស្រេង ដែលជាអភិបាលរង តាមរយៈព្រះរាជក្រឹត្យចុះកាលពីថ្ងៃទី១៧ ខែមិថុនា។ ដោយកាលណោះ លោក និងអតីតអភិបាលខេត្ត៣រូបទៀត ត្រូវបានតែងតាំងជាទីប្រឹក្សារដ្ឋាភិបាល ឋានៈស្មើរដ្ឋមន្ត្រី។

១០ថ្ងៃក្រោយមក អ្នកនយោបាយកូតាគណបក្សប្រជាជនកម្ពុជា ដែលនឹងឈានចូលវ័យ៦០ឆ្នាំរូបនេះ ត្រូវបានតែងតាំងជាទីប្រឹក្សាផ្ទាល់សម្តេចនាយករដ្ឋមន្ត្រី ហ៊ុន សែន ដែលមានឋានៈស្មើទេសរដ្ឋមន្ត្រីបន្ថែមលើមុខងារបច្ចុប្បន្ន៕