ជាតិ
សេដ្ឋកិច្ច
CMA គ្រោងបង្កើតវិទ្យាស្ថានបណ្ដុះបណ្ដាលវិជ្ជាជីវៈក្នុងវិស័យមីក្រូហិរញ្ញវត្ថុ នៅចុងឆ្នាំនេះ
×![]()
ភ្នំពេញ៖ សមាគមមីក្រូហិរញ្ញវត្ថុកម្ពុជា (CMA) គ្រោងនឹងបង្កើតវិទ្យាស្ថានបណ្ដុះបណ្ដាលវិជ្ជាជីវៈក្នុងវិស័យមីក្រូហិរញ្ញវត្ថុ នៅចុងឆ្នាំនេះ។ នេះបើតាមការថ្លែងរបស់ថ្នាក់ដឹកនាំ CMA នៅក្នុងសន្និសីទកាសែតជុំវិញស្ថានភាពវិស័យហិរញ្ញវត្ថុ នៅថ្ងៃទី៥ខែកក្កដា។
លោក ប៊ុន មុនី ទីប្រឹក្សាសមាគមមីក្រូហិរញ្ញវត្ថុកម្ពុជា និងជាអគ្គនាយកគ្រឹះស្ថានហិរញ្ញវត្ថុវិថី បានឲ្យដឹងថា CMA កំពុងកៀងគរអ្នកវិនិយោគិន ដែលជាសមាជិក CMA ជាអាទិភាព ដើម្បីបង្កើតវិទ្យាស្ថានបំពាក់បំប៉នសមត្ថភាពក្នុងវិស័យមីក្រូហិរញ្ញវត្ថុ ដែលគ្រោងចាប់ផ្ដើមវិនិយោគនៅមុនបំណាច់ឆ្នាំ២០១៧នេះ។
លោក ប៊ុន មុនី បញ្ជាក់ថា វិទ្យាស្ថាននេះនឹងបើកបង្រៀនដល់អ្នកដែលបានបញ្ចប់ថ្នាក់បរិញ្ញបត្រ ដើម្បីបណ្ដុះបណ្ដាលវិជ្ជាជីវៈដល់អ្នកទាំងនោះលើវិស័យហិរញ្ញវត្ថុ។ លោកថ្លែងយ៉ាងដូច្នេះថា៖«អ្នកចូលរៀនទាំងនោះភាគច្រើន គឺបញ្ចប់មហាវិទ្យាល័យ ហើយពួកគាត់មកបំពេញបន្ថែមនៅវិទ្យាស្ថាននេះ ៣ខែ ឬ៦ខែជាដើម ដេលធ្វើឲ្យគាត់យល់ពីវិស័យមីក្រូហិរញ្ញវត្ថុ និងអាចធ្វើកិច្ចការក្នុងវិស័យនេះបាន»។
ការបង្កើតវិទ្យាស្ថាននេះ ត្រូវការដើមទុនប្រមាណ ៣០ ម៉ឺនដុល្លារក្នុងជំហានដំបូង ប៉ុន្តែបើត្រូវមានអគារផ្ទាល់ខ្លួននោះដើមទុននឹងឡើងដល់ពីរបីលានដុល្លារ។ នេះបើតាម លោក ប៊ុន មុនី ។
លោក ប៊ុន មុនី បានបញ្ជាក់ថា CMA បានគិតគូរបង្កើតវិទ្យាស្ថាននេះឡើងអស់ពេលជាច្រើនឆ្នាំមកហើយៗថ្មីៗនេះ CMA បានជួលអ្នកជំនាញពីប្រទេសឥណ្ឌាឲ្យសិក្សាវាយតម្លៃគម្រោងមួយនេះ។ លោក ប៊ុន មុនី បន្ថែមថា អ្នកជំនាញបានវាយតម្លៃជាវិជ្ជមានលើគម្រោងនេះ ដែលនឹងឆ្លើយតម្រូវការធនធានមនុស្សក្នុងវិស័យនេះលើទីផ្សារកម្ពុជា៕
លោក ប៊ុន មុនី ទីប្រឹក្សាសមាគមមីក្រូហិរញ្ញវត្ថុកម្ពុជា និងជាអគ្គនាយកគ្រឹះស្ថានហិរញ្ញវត្ថុវិថី បានឲ្យដឹងថា CMA កំពុងកៀងគរអ្នកវិនិយោគិន ដែលជាសមាជិក CMA ជាអាទិភាព ដើម្បីបង្កើតវិទ្យាស្ថានបំពាក់បំប៉នសមត្ថភាពក្នុងវិស័យមីក្រូហិរញ្ញវត្ថុ ដែលគ្រោងចាប់ផ្ដើមវិនិយោគនៅមុនបំណាច់ឆ្នាំ២០១៧នេះ។
លោក ប៊ុន មុនី បញ្ជាក់ថា វិទ្យាស្ថាននេះនឹងបើកបង្រៀនដល់អ្នកដែលបានបញ្ចប់ថ្នាក់បរិញ្ញបត្រ ដើម្បីបណ្ដុះបណ្ដាលវិជ្ជាជីវៈដល់អ្នកទាំងនោះលើវិស័យហិរញ្ញវត្ថុ។ លោកថ្លែងយ៉ាងដូច្នេះថា៖«អ្នកចូលរៀនទាំងនោះភាគច្រើន គឺបញ្ចប់មហាវិទ្យាល័យ ហើយពួកគាត់មកបំពេញបន្ថែមនៅវិទ្យាស្ថាននេះ ៣ខែ ឬ៦ខែជាដើម ដេលធ្វើឲ្យគាត់យល់ពីវិស័យមីក្រូហិរញ្ញវត្ថុ និងអាចធ្វើកិច្ចការក្នុងវិស័យនេះបាន»។
ការបង្កើតវិទ្យាស្ថាននេះ ត្រូវការដើមទុនប្រមាណ ៣០ ម៉ឺនដុល្លារក្នុងជំហានដំបូង ប៉ុន្តែបើត្រូវមានអគារផ្ទាល់ខ្លួននោះដើមទុននឹងឡើងដល់ពីរបីលានដុល្លារ។ នេះបើតាម លោក ប៊ុន មុនី ។
លោក ប៊ុន មុនី បានបញ្ជាក់ថា CMA បានគិតគូរបង្កើតវិទ្យាស្ថាននេះឡើងអស់ពេលជាច្រើនឆ្នាំមកហើយៗថ្មីៗនេះ CMA បានជួលអ្នកជំនាញពីប្រទេសឥណ្ឌាឲ្យសិក្សាវាយតម្លៃគម្រោងមួយនេះ។ លោក ប៊ុន មុនី បន្ថែមថា អ្នកជំនាញបានវាយតម្លៃជាវិជ្ជមានលើគម្រោងនេះ ដែលនឹងឆ្លើយតម្រូវការធនធានមនុស្សក្នុងវិស័យនេះលើទីផ្សារកម្ពុជា៕
Tag:
មីក្រូហិរញ្ញវត្ថុ
ប៊ុន មុនី
CMA
© រក្សាសិទ្ធិដោយ thmeythmey.com
