ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អាជ្ញាធរបង្ហាញជំហរលែងអនុគ្រោះដល់ម្ចាស់សំណង់ខុសច្បាប់នៅតំបន់អង្គរ
12, Jul 2017 ,
8:19 pm
រូបភាព
«គណៈកម្មការចម្រុះចុះរុះរើសំណង់ខុសច្បាប់ក្នុងតំបន់អង្គរ នាពិធីសន្និសីទកាសែត នៅអាជ្ញាធរជាតិអប្សរា ថ្ងៃទី១២ កក្កដា ឆ្នាំ២០១៧។ រូបថត៖ អ៊ីសា រ៉ហានី
×
ដោយ:
អុីសា រ៉ហានី (Isa Rohany)
សៀមរាប៖ គណៈកម្មការចម្រុះចុះរុះរើសំណង់ខុសច្បាប់ក្នុងតំបន់អង្គរ ត្រូវបានបង្កើតឡើងដោយមានសមាសភាពចូលរួមពីអាជ្ញាធរជាតិអប្សរា និងរដ្ឋបាលខេត្តសៀមរាប។ ក្នុងសន្និសីទរួមគ្នា ដែលធ្វើឡើងនៅព្រឹកថ្ងៃទី១២ កក្កដា នៅអាជ្ញាធរជាតិអប្សរា គណៈកម្មការចូលរួម បានបង្ហាញគោលជំហរច្បាស់លាស់ ក្នុងការអនុវត្តចុះរុះរើសំណង់ខុសច្បាប់ទាំងឡាយណា ដែលត្រូវបានសាងសង់អំឡុងពេលមុនបោះឆ្នោតជ្រើសរើសក្រុមប្រឹក្សា ឃុំសង្កាត់អាណត្តិទី៤។
ទាំងអគ្គនាយកអាជ្ញាធរជាតិអប្សរា និងអភិបាលរងខេត្តសៀមរាប បានបង្ហាញជំហរដ៏ច្បាស់លាស់មួយ ក្នុងការទប់ស្កាត់ និងរុះរើរាល់សំណង់ខុសច្បាប់ទាំងជាង ៥០០កន្លែង តាមរបាយការណ៍របស់អាជ្ញាធរជាតិអប្សរា។ ក្នុងនោះ ការត្រៀមបង្ក្រាបរាល់បាតុកម្ម ប្រឆាំងនឹងការអនុវត្តចុះរុះរើសំណង់ ក៏បានត្រៀមរួចរាល់ហើយដែរ គឺកម្លាំងទាំងអស់ នឹងបង្ក្រាបរាល់សកម្មភាពណា ដែលរារាំងក្នុងការអនុវត្តនេះ។
លោក ស៊ុំ ម៉ាប់ អគ្គនាយកអាជ្ញាធរជាតិអប្សរា បានប្រាប់អ្នកសារព័ត៌មានក្នុងសន្និសីទកាសែទថា ប្រជាពលរដ្ឋ មិនគួរការពារអ្នកប្រព្រឹត្តិខុសច្បាប់ (ម្ចាស់សំណង់ខុសច្បាប់) ទៀតទេ។ លោកចាត់ទុកបាតុកម្មប្រឆាំងការចុះរុះរើនាពេលកន្លងមក ថាមានមេខ្លោងនៅពីក្រោយ ហើយរូបភាពនោះសោត បង្ហាញថា មានបុគ្គលិក ឬក្រុមណាមួយនៅពីក្រោយ ដោយជាប់ពាក់ព័ន្ធនឹងរឿងនយោបាយផងដែរ។
អគ្គនាយកអាជ្ញាធរជាតិអប្សរា បញ្ជាក់ថា លោកគាំទ្រ និងស្នើសុំឲ្យសមត្ថកិច្ចពាក់ព័ន្ធទាំងអស់ ចូលរួមបំបែកក្រុមដែលលោកចាត់ទុកថា ជាអ្នកបំផ្លាញសម្បត្តិបេតិកភណ្ឌនេះ ឲ្យបានជាដាច់ខាត។
«លោក ស៊ុ ម៉ាប់ អគ្គនាយកអាជ្ញាធរជាតិអប្សរា។ រូបថត៖ អ៊ីសា រ៉ហានី
សូមស្តាប់សំឡេងលោក ស៊ុំ ម៉ាប់ ក្នុងសន្និសីទកាសែត
ដោយឡែកខាងរដ្ឋបាលខេត្តសៀមរាប ក៏បង្ហាញគោលជំហរច្បាស់លាស់ ក្នុងការបង្ក្រាបក្រុមបាតុកម្ម ប្រឆាំងនឹងការចុះអនុវត្តន៍ការរុះរើសំណង់ខុសច្បាប់នេះផងដែរ។ លោក លី សំរិទ្ធិ អភិបាលរងខេត្តសៀមរាប បញ្ជាក់ថា អាជ្ញាធរលែងអនុគ្រោះដល់បុគ្គល ឬក្រុមដែលចូលរួមបំផ្លាញសង្គម។ លោកថា ការអនុវត្តនេះគឺដើម្បីផលប្រយោជន៍ប្រទេសជាតិ ហើយក្រុមដែលបាតុកម្ម ជាអ្នកបង្កើតរឿងខុសច្បាប់ និងបង្កើតចលាចលក្នុងសង្គម...។
«កាលពីមុន យើងនេះអនុគ្រោះទៅ ដោយសារមើលទៅយើងអត់ទាន់បានចាត់ចែងត្រឹមត្រូវ ធ្វើដោយតក់ក្រហល់ នាំឲ្យមានផលប៉ះពាល់ដល់បុគ្គល...គ្មានកម្លាំងប្រដាប់អាវុធណា ចង់ទៅប្រឈមជាមួយប្រជាពលរដ្ឋខ្លួនឯងទេ...ការងារនេះត្រូវការចូលរួមទាំងអស់គ្នា ខំធ្វើយ៉ាងណា យកភាពទន់ជាន់ចំបង ខ្ញុំបន់ស្រន់កុំឲ្យមានហេតុការណ៍ (បង្ក្រាប) កើតឡើង ហើយបន់ស្រន់ធ្វើម៉េចឲ្យបងប្អូនយល់ ហើយចូលរួមទាំងអស់គ្នា»។
លោក លី សំរិទ្ធិ ក៏មើលឃើញរូបភាពនៃម្ចាស់សំណង់ខុសច្បាប់ ថាមិនមែនអ្នកស្រុកដើមដែរ លោកថា អ្នកទាំងនោះភាគច្រើនជាអាជីវករមកពីខាងក្រៅ និងបានត្រៀមខ្លួនជាស្រេច ក្នុងការសាងសង់សំណង់ខុសច្បាប់ទាំងនោះ។ លោក លី សំរិទ្ធិ ទទួចឲ្យប្រជាពលរដ្ឋទាំងអស់ ចូលរួម និងសហការ ការចុះអនុវត្តច្បាប់រុះរើសំណង់ បើមិនដូច្នោះទេ ការប៉ះទង្គិចគ្នានឹងមានចៀសមិនបាន។
«លោក លី សំរិទ្ធិ អភិបាលរងខេត្តសៀមរាប។ រូបថត៖ អ៊ីសា រ៉ហានី
សូមស្តាប់សំឡេងលោក លី សំរិទ្ធិ ក្នុងសន្និសីទកាសែត
លោក ស៊ុំ ម៉ាប់ ក៏បានពន្យល់ពីហេតុផលមួយ ដែលធ្វើឲ្យកើតសំណង់ខុសច្បាប់អំឡុងពេលបោះឆ្នោតផងដែរ។ លោកថា មិនមែនអាជ្ញាធរជាតិអប្សរាបណ្តោយទេ តែនេះជាការអនុវត្តតាមគោលការណ៍របស់រាជរដ្ឋាភិបាល និងគណៈកម្មាធិការរៀបចំការបោះឆ្នោត ដែលអំពាវនាវឲ្យរក្សាសណ្តាប់ធ្នាប់ ហើយអាជ្ញាធរជាតិអប្សរាបានដាក់គោលការណ៍មួយ ជៀសវាងឲ្យមានបាតុកម្មពាក់ព័ន្ធនឹងការឃាត់ការសាងសង់ ដកហូត។ លោក ស៊ុំ ម៉ាប់បន្ថែម៖« ការណ៍នេះ បានត្រឹមតែអាជ្ញាធរ ចុះណែនាំមិនឲ្យសាងសង់ តែពួកគេមិនស្តាប់ និងបន្តសាងសង់។ គាត់យល់ថា សង់ហើយមានមនុស្សនៅ មានចានឆ្នាំងហើយនោះ គេមិនរើទេ នេះសុទ្ធតែចាញ់នូវការភូតកុហក ពីមជ្ឈដ្ឋានមួយចំនួន ហើយអ្នកមួយចំនួននោះ សុទ្ធតែអាជីវករ...»។
គួរបញ្ជាក់ថា គណៈកម្មការចម្រុះ ដែលចូលរួមពីអាជ្ញាធរជាតិអប្សរា និងរដ្ឋបាលខេត្តសៀមរាប នឹងចាប់ផ្តើមអនុវត្តគោលការណ៍ចុះរុះរើសំណង់ខុសច្បាប់ក្នុងតំបន់អង្គរ ចាប់ពីសប្តាហ៍ទី៣ នៃខែកក្កដានេះតទៅ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អាជ្ញាធរជាតិអប្សរា
លី សំរិទ្ធិ
ស៊ុំ ម៉ាប់
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម