អត្ថបទពាណិជ្ជកម្ម
កីឡាករថៃ-ស្វីស Charyl Chappuis ត្រៀមបង្ហាញភាពខ្លាំងដាក់ Cambodia All Star
×![]()
ដោយ: ជី ដាណា
ខ្សែបម្រើក្រុម SCG Muangthang United របស់ថៃកីឡាករ Charyl Chappuis បានទាត់ទុកការប៉ះជាមួយក្រុម K Cement Cambodia All Star ក្នុងជំនួបមិត្តភាពនាល្ងាចថ្ងៃទី១៦ កក្កដា នៅពហុកីឡដ្ឋានជាតិជាឱកាសដែលខ្លួនទន្ទឹងរង់ចាំ។ លើសពីនេះ រូបគេបានចាត់ទុកការបង្ហាញខ្លួនលើកដំបូងនៅកម្ពុជាជាបទពិសោធមួយដ៏ល្អសម្រាប់គេផងដែរ។
ការវិលមកជួបគ្នារវាងក្រុម K Cement Cambodia All Star ជាមួយក្រុម SCG Muangthang United ត្រូវបានខ្សែបម្រើកូនកាត់ស្វីស Charyl Chappuis របស់ថៃចាត់ទុកជាពេលវេលាដែលរូបគេបានទន្ទឹងរង់ចាំជាយូរណាស់មកហើយ។ ការលើកឡើងបែបនេះ បន្ទាប់ពីមិត្តរួមក្រុមបានប្រាប់ពីបរាជ័យរបស់ Muangthang ក្រោមថ្វីជើង Cambodia All Star កាលពីកន្លងទៅដល់រូបគេ។
អតីតកីឡាករជម្រើសអាយុក្រោម២០ឆ្នាំស្វីសរូបនេះបានបង្ហាញពីមោទកភាពថា រូបគេមានអារម្មណ៍រំភើបសប្បាយរីករាយយ៉ាងខ្លាំងដែលបានមកកាន់ប្រទេសកម្ពុជា។ ហើយ រូបគេ បានចាត់ទុកការបង្ហាញវត្តមានជាលើកដំបូងនៅលើទឹកដីកម្ពុជាជាឱកាសដកស្រង់បទពិសោធន៍ដ៏ល្អសម្រាប់ខ្លួន។ ខ្សែបម្រើវ័យ២៥ឆ្នាំរូបនេះ ប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងការស្វែងរកជ័យជម្នះលើក្រុម K Cement Cambodia All Star ដើម្បីជម្រះបញ្ជីចាស់។
ជាមួយគ្នានេះ កីឡាករ ស៊ូ យ៉ាទី បានបញ្ជាក់ថា៖«ខ្ញុំមានអារម្មណ៍រំភើបណាសដែលបានចូលរួមក្នុងក្រុម K Cement Cambodia All Star ជាលើកទី២ ពួកយើងនឹងខិតខំប្រឹងប្រែងឲ្យអស់ពីសមត្ថភាពក្នុងការប្រកួត ទោះបីក្រុម SCG Muangthang United ជាជើងឯកនៅថៃក៏ដោយ។ កម្ពុជាយើងក៏ប្រមូលផ្តុំទៅដោយកីឡាករល្អៗមិនចាញ់ក្រុមនេះនោះទេ»។
ទាំងគ្រូបង្វឹកក្រុម K Cement Cambodia All Star លោក Leonardo Vitorino និងគ្រូបង្វឹកថៃ លោក Totchtawan Sripan សុទ្ធតែបានអះអាងថា នឹងដាក់កីឡាករជើងខ្លាំង និងកំពុងល្បីល្បាញក្នុងជំនួបមិត្តភាពអន្តរជាតិរវាងក្រុម K Cement Cambodia All Star ជាមួយក្រុម SCG Muangthang United នាវេលាម៉ោង៦ល្ងាចថ្ងៃទី១៦ ខែកក្កដា នៅពហុកីឡដ្ឋានជាតិ។
ទន្ទឹមនឹងនេះ លោក ម៉ៃ តុលា អគ្គលេខាធិការស្តីទីសហព័ន្ធកីឡាបាល់ទាត់កម្ពុជាបានឲ្យដឹងថា ថវិកាដែលបានមកពីការលក់សំបុត្រនាជំនួបរវាងក្រុម K Cement Cambodia All Star ជាមួយ SCG Muangthang United នៅថ្ងៃនោះ នឹងយកទៅប្រើប្រាស់ក្នុងគម្រោងអភិវឌ្ឍន៍បាល់ទាត់ទូទាំង២៥ខេត្ត-ក្រុងរបស់សហព័ន្ធកីឡាបាល់ទាត់កម្ពុជា៕
ការវិលមកជួបគ្នារវាងក្រុម K Cement Cambodia All Star ជាមួយក្រុម SCG Muangthang United ត្រូវបានខ្សែបម្រើកូនកាត់ស្វីស Charyl Chappuis របស់ថៃចាត់ទុកជាពេលវេលាដែលរូបគេបានទន្ទឹងរង់ចាំជាយូរណាស់មកហើយ។ ការលើកឡើងបែបនេះ បន្ទាប់ពីមិត្តរួមក្រុមបានប្រាប់ពីបរាជ័យរបស់ Muangthang ក្រោមថ្វីជើង Cambodia All Star កាលពីកន្លងទៅដល់រូបគេ។
អតីតកីឡាករជម្រើសអាយុក្រោម២០ឆ្នាំស្វីសរូបនេះបានបង្ហាញពីមោទកភាពថា រូបគេមានអារម្មណ៍រំភើបសប្បាយរីករាយយ៉ាងខ្លាំងដែលបានមកកាន់ប្រទេសកម្ពុជា។ ហើយ រូបគេ បានចាត់ទុកការបង្ហាញវត្តមានជាលើកដំបូងនៅលើទឹកដីកម្ពុជាជាឱកាសដកស្រង់បទពិសោធន៍ដ៏ល្អសម្រាប់ខ្លួន។ ខ្សែបម្រើវ័យ២៥ឆ្នាំរូបនេះ ប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងការស្វែងរកជ័យជម្នះលើក្រុម K Cement Cambodia All Star ដើម្បីជម្រះបញ្ជីចាស់។
ជាមួយគ្នានេះ កីឡាករ ស៊ូ យ៉ាទី បានបញ្ជាក់ថា៖«ខ្ញុំមានអារម្មណ៍រំភើបណាសដែលបានចូលរួមក្នុងក្រុម K Cement Cambodia All Star ជាលើកទី២ ពួកយើងនឹងខិតខំប្រឹងប្រែងឲ្យអស់ពីសមត្ថភាពក្នុងការប្រកួត ទោះបីក្រុម SCG Muangthang United ជាជើងឯកនៅថៃក៏ដោយ។ កម្ពុជាយើងក៏ប្រមូលផ្តុំទៅដោយកីឡាករល្អៗមិនចាញ់ក្រុមនេះនោះទេ»។
ទាំងគ្រូបង្វឹកក្រុម K Cement Cambodia All Star លោក Leonardo Vitorino និងគ្រូបង្វឹកថៃ លោក Totchtawan Sripan សុទ្ធតែបានអះអាងថា នឹងដាក់កីឡាករជើងខ្លាំង និងកំពុងល្បីល្បាញក្នុងជំនួបមិត្តភាពអន្តរជាតិរវាងក្រុម K Cement Cambodia All Star ជាមួយក្រុម SCG Muangthang United នាវេលាម៉ោង៦ល្ងាចថ្ងៃទី១៦ ខែកក្កដា នៅពហុកីឡដ្ឋានជាតិ។
ទន្ទឹមនឹងនេះ លោក ម៉ៃ តុលា អគ្គលេខាធិការស្តីទីសហព័ន្ធកីឡាបាល់ទាត់កម្ពុជាបានឲ្យដឹងថា ថវិកាដែលបានមកពីការលក់សំបុត្រនាជំនួបរវាងក្រុម K Cement Cambodia All Star ជាមួយ SCG Muangthang United នៅថ្ងៃនោះ នឹងយកទៅប្រើប្រាស់ក្នុងគម្រោងអភិវឌ្ឍន៍បាល់ទាត់ទូទាំង២៥ខេត្ត-ក្រុងរបស់សហព័ន្ធកីឡាបាល់ទាត់កម្ពុជា៕
Tag:
បាល់ទាត់
Cambodia All Star
Charyl Chappuis
© រក្សាសិទ្ធិដោយ thmeythmey.com
