អន្តរជាតិ
ម៉ាក្រុង យល់ស្របថា រុស្ស៊ីនិងចិនមានតួនាទីសំខាន់ក្នុងការបញ្ចប់សង្គ្រាមស៊ីរី
×![]()
ដោយ: ថ្មីៗ
ប្រធានាធិបតីលោក អេម៉ានុយអែល ម៉ាក្រុង ទទួលស្គាល់ថា មហាអំណាចពិភពលោកដូចជារុស្ស៊ី និងចិនអាចមានលទ្ធភាពច្រើនក្នុងការជួយបញ្ចប់សង្គ្រាមនិងនាំសន្តិភាពដល់ស៊ីរី។ កន្លងមកលោកក៏បានបញ្ជាក់ពីជំហររបស់បារាំងផងដែរថា បារាំងមិនយល់ថា ការទម្លាក់ប្រធានាធិបតីស៊ីរីជាដំណោះស្រាយឡើយ។
មេដឹកនាំបារាំងថ្មីលោក អេម៉ានុយអែល ម៉ាក្រុង បានផ្លាស់ប្តូរគោលនយោបាយបារាំងចំពោះជម្លោះស៊ីរី ដោយមហាអំណាចនេះមើលឃើញពីសារសំខាន់នៃមហាអំណាចរុស្ស៊ី និងចិនក្នុងការជួយបញ្ចប់សង្គ្រាមស៊ីវិលស៊ីរី។
ក្នុងសន្និសីទសារព័ត៌មានរួមគ្នាជាមួយប្រធានាធិបតី ដូណាល់ ត្រាំ សប្តាហ៍មុន លោក អេម៉ានុយអែល ម៉ាក្រុង បានបញ្ជាក់យ៉ាងច្បាស់ថា ក្នុងនាមជាមេដឹកនាំបារាំងលោកមើលមិនឃើញថា ការចុះចេញពីតំណែងរបស់លោក បាសា អាល់អាសាដ ជាដំណោះស្រាយសម្រាប់ជម្លោះស៊ីរីឡើយ។
លោក ម៉ាក្រុង ក៏បានបន្ថែមថា បារាំងចង់ឲ្យមានការចូលរួមពីសំណាក់បណ្តាក្រុមប្រទេសមហាអំណាចទាំងប្រាំដែលជាសមាជិកក្រុមប្រឹក្សាសន្តិសុខក្នុងដំណើរការស្វែងរកសន្តិភាពផងដែរដើម្បីធានាពីនិរន្តរភាពនៃការស្វែងរកដំណោះស្រាយនយោបាយស៊ីរីផង។
ការលើកឡើងរបស់លោក ម៉ាក្រុង នេះបញ្ជាក់ឲ្យឃើញច្បាស់ពីការប្រែប្រួលនៃគោលនយោបាយរបស់ប្រទេសលោកខាងលិចដូចជាបារាំង ហើយវាក៏អាចជួយឲ្យការស្វែងរកដំណោះស្រាយបញ្ចប់ជម្លោះកាន់តែរហ័សផងដែរ។
អតីតអ្នកការទូតកាណាដា Patrick Armstrong យល់ឃើញថា វាជាសញ្ញាវិជ្ជមានមួយព្រោះកន្លងមកលោកខាងលិចចង់សម្រេចចិត្ត និងដោះស្រាយបញ្ហាស៊ីរីផ្តាច់មុខម្នាក់ឯង ដោយមិនឲ្យ រុស្ស៊ី ឬចិន និងសូម្បីតែប្រជាជនស៊ីរីខ្លួនឯងចូលរួមនោះឡើយ។ វាជាកំហុសឆ្គងមួយធំ ហើយវាក៏មិនអាចជួយបញ្ចប់ជម្លោះបាននោះដែរ។
លោកបានថ្លែងប្រាប់សារព័ត៌មានរដ្ឋរុស្ស៊ី Sputnik ថា ៖«វាជាក្តីសង្ឃឹមថ្មីមួយដែលថា ការស្វែងរកដំណោះស្រាយបញ្ចប់គ្រោះមហន្តរាយនេះអាចទៅរួច។ វាជាការពិតដែលដំណោះស្រាយបញ្ចប់បញ្ហាស៊ីរីត្រូវសម្រេចដោយភាគីពាក់ព័ន្ធ មិនមែនដោយក្រុងវ៉ាស៊ីនតោននិងបក្សពួកគេឡើយ»។
គោលជំហររបស់បារាំងបច្ចុប្បន្នមិនខុសគ្នាពីគោលជំហររបស់រុស្ស៊ីឡើយ។ តាំងពីដើមមក របបដឹកនាំក្រេមឡាំងបានរក្សាជំហរមួយក្នុងការជំរុញឲ្យភាគីទាំងអស់ចូលរួមជាពិសេសអង្គការសហប្រជាជាតិតែម្តង។ ហើយរុស្ស៊ីបានប្រឹងប្រែងដុតដៃដុតជើងជួយការពាររដ្ឋាភិបាលក្រុងដាម៉ាស រហូតដល់រដ្ឋាភិបាលនេះរឹងដៃរឹងជើងដូចសព្វថ្ងៃនោះ៕
មេដឹកនាំបារាំងថ្មីលោក អេម៉ានុយអែល ម៉ាក្រុង បានផ្លាស់ប្តូរគោលនយោបាយបារាំងចំពោះជម្លោះស៊ីរី ដោយមហាអំណាចនេះមើលឃើញពីសារសំខាន់នៃមហាអំណាចរុស្ស៊ី និងចិនក្នុងការជួយបញ្ចប់សង្គ្រាមស៊ីវិលស៊ីរី។
ក្នុងសន្និសីទសារព័ត៌មានរួមគ្នាជាមួយប្រធានាធិបតី ដូណាល់ ត្រាំ សប្តាហ៍មុន លោក អេម៉ានុយអែល ម៉ាក្រុង បានបញ្ជាក់យ៉ាងច្បាស់ថា ក្នុងនាមជាមេដឹកនាំបារាំងលោកមើលមិនឃើញថា ការចុះចេញពីតំណែងរបស់លោក បាសា អាល់អាសាដ ជាដំណោះស្រាយសម្រាប់ជម្លោះស៊ីរីឡើយ។
លោក ម៉ាក្រុង ក៏បានបន្ថែមថា បារាំងចង់ឲ្យមានការចូលរួមពីសំណាក់បណ្តាក្រុមប្រទេសមហាអំណាចទាំងប្រាំដែលជាសមាជិកក្រុមប្រឹក្សាសន្តិសុខក្នុងដំណើរការស្វែងរកសន្តិភាពផងដែរដើម្បីធានាពីនិរន្តរភាពនៃការស្វែងរកដំណោះស្រាយនយោបាយស៊ីរីផង។
ការលើកឡើងរបស់លោក ម៉ាក្រុង នេះបញ្ជាក់ឲ្យឃើញច្បាស់ពីការប្រែប្រួលនៃគោលនយោបាយរបស់ប្រទេសលោកខាងលិចដូចជាបារាំង ហើយវាក៏អាចជួយឲ្យការស្វែងរកដំណោះស្រាយបញ្ចប់ជម្លោះកាន់តែរហ័សផងដែរ។
អតីតអ្នកការទូតកាណាដា Patrick Armstrong យល់ឃើញថា វាជាសញ្ញាវិជ្ជមានមួយព្រោះកន្លងមកលោកខាងលិចចង់សម្រេចចិត្ត និងដោះស្រាយបញ្ហាស៊ីរីផ្តាច់មុខម្នាក់ឯង ដោយមិនឲ្យ រុស្ស៊ី ឬចិន និងសូម្បីតែប្រជាជនស៊ីរីខ្លួនឯងចូលរួមនោះឡើយ។ វាជាកំហុសឆ្គងមួយធំ ហើយវាក៏មិនអាចជួយបញ្ចប់ជម្លោះបាននោះដែរ។
លោកបានថ្លែងប្រាប់សារព័ត៌មានរដ្ឋរុស្ស៊ី Sputnik ថា ៖«វាជាក្តីសង្ឃឹមថ្មីមួយដែលថា ការស្វែងរកដំណោះស្រាយបញ្ចប់គ្រោះមហន្តរាយនេះអាចទៅរួច។ វាជាការពិតដែលដំណោះស្រាយបញ្ចប់បញ្ហាស៊ីរីត្រូវសម្រេចដោយភាគីពាក់ព័ន្ធ មិនមែនដោយក្រុងវ៉ាស៊ីនតោននិងបក្សពួកគេឡើយ»។
គោលជំហររបស់បារាំងបច្ចុប្បន្នមិនខុសគ្នាពីគោលជំហររបស់រុស្ស៊ីឡើយ។ តាំងពីដើមមក របបដឹកនាំក្រេមឡាំងបានរក្សាជំហរមួយក្នុងការជំរុញឲ្យភាគីទាំងអស់ចូលរួមជាពិសេសអង្គការសហប្រជាជាតិតែម្តង។ ហើយរុស្ស៊ីបានប្រឹងប្រែងដុតដៃដុតជើងជួយការពាររដ្ឋាភិបាលក្រុងដាម៉ាស រហូតដល់រដ្ឋាភិបាលនេះរឹងដៃរឹងជើងដូចសព្វថ្ងៃនោះ៕
Tag:
អេម៉ានុយអែល ម៉ាក្រុង
ស៊ីរី
រុស្ស៊ី
ដូណាល់ ត្រាំ
ចិន
© រក្សាសិទ្ធិដោយ thmeythmey.com
