អន្តរជាតិ
ត្រាំ តែងតាំងមន្ត្រីទូតដែលលោកធ្លាប់ចោទថាលក់ខ្លួនឲ្យចិន ជាទូតអាមេរិកថ្មីប្រចាំរុស្ស៊ី
×![]()
ដោយ: តន ចាន់រិទ្ធារ៉ា
អតីតអភិបាលរដ្ឋ Utah លោក Jon Huntsman ត្រូវបានប្រធានាធិបតី ដូណាល់ ត្រាំ ជ្រើសរើសជាអគ្គរដ្ឋទូតអាមេរិកប្រចាំរុស្ស៊ី ដើម្បីស្ដារទំនាក់ទំនងទ្វេភាគីឡើងវិញ។ នេះបើតាមការប្រកាសរបស់សេតវិមាននៅថ្ងៃទី១៨ ខែកក្កដា ដែលបានបញ្ជាក់ថា លោក Huntsman ជាមនុស្សសក្តិសមនឹងតំណែងនេះ ព្រោះលោកធ្លាប់ធ្វើជាទូតនៅប្រទេសជាច្រើនស្រាប់។ បន្ទាប់ពីនេះ ព្រឹទ្ធសភាអាមេរិកនឹងពិនិត្យមើលបេក្ខភាពលោក Huntsman មុននឹងអនុម័តចុងក្រោយ។
ក្នុងគោលដៅស្ដារទំនាក់ទំនងជាមួយរុស្ស៊ីឡើងវិញ ប្រធានាធិបតី ដូណាល់ ត្រាំ បានជ្រើសរើសអតីតមន្ត្រីទូតក្រោមរដ្ឋបាលលោក បារ៉ាក់ អូបាម៉ា ជាអគ្គរដ្ឋទូតអាមេរិកថ្មីប្រចាំរុស្ស៊ី។ សេតវិមានប្រកាសថា លោក Jon Huntsman ត្រូវបានលោក ត្រាំ ជ្រើសរើសជាតំណាងថ្មីប្រចាំរុស្ស៊ី ដែលត្រូវបំពេញការងារធ្ងន់ធ្ងរក្នុងការធ្វើឲ្យប្រសើរឡើងវិញទំនាក់ទំនងដែលធ្លាក់ចុះដោយសារការចោទប្រកាន់ថារុស្ស៊ីលូកលាន់កិច្ចការបោះឆ្នោតអាមេរិកនោះ។
ព្រឹទ្ធសភាអាមេរិក នឹងបើកកិច្ចប្រជុំអនុម័តការសម្រេចចិត្តតែងតាំងរបស់លោក ត្រាំ ។ ក្នុងករណីព្រឹទ្ធសភាយល់ព្រមមែន នោះលោក Huntsman ត្រូវហោះហើរទៅកាន់រដ្ឋធានីមូស្គូ ស្របពេលដែលសភា និងក្រុមស៊ើបអង្កេតពិសេស កំពុងតែស៊ើបអង្កេតករណីរុស្ស៊ីជ្រៀតជ្រែកការបោះឆ្នោតឆ្នាំ២០១៦ និងការចោទប្រកាន់ថាក្រុមឃោសនារបស់លោក ត្រាំ មានទំនាក់ទំនងជាមួយរុស្ស៊ី។ ប៉ុន្តែរាល់ការប្រកាន់ទាំងអស់ ត្រូវបានលោក វ្ល៉ាឌីមៀ ពូទីន និងលោក ត្រាំ ទាត់ចោលដូចគ្នា។
លោក Huntsman គឺជាអតីតទូតអាមេរិកនៅចិននៅសម័យអតីតប្រធានាធិបតី បារ៉ាក់ អូបាម៉ា និងនៅសិង្ហបុរីផងដែរ។ លោកក៏ធ្លាប់ធ្វើការនៅក្រោមអតីតប្រធានាធិបតីចំនួន៥នាក់ និងធ្លាប់ចូលរួមក្នុងការចូលរួមការបោះឆ្នោតឆ្នាំ២០១២ សម្រាប់បក្សសាធារណរដ្ឋផងដែរ។ ប៉ុន្តែរឿងគួរឲ្យចាប់អារម្មណ៍នោះ គឺជាលោកធ្លាប់មានទំនាក់ទំនងជូរចត់ជាមួយលោក ត្រាំ ពេលលោកកំពុងប្រជែងកៅអីបេក្ខភាពបក្សសាធារណរដ្ឋ។
យោងតាមសារព័ត៌មានរុស្ស៊ី RT ក្នុងខែកុម្ភៈ ឆ្នាំ២០១២ លោក ត្រាំ បានលើករឿងលោក Huntsman កាន់តំណែងជាអគ្គរដ្ឋទូតអាមេរិកប្រចាំចិន ដើម្បីវាយប្រហារលោក។ លោក ត្រាំ បានសរសេរលើ Twitter របស់លោកថា៖ «Jon Huntsman ចង់ជួបខ្ញុំ។ ប៉ុន្តែខ្ញុំឆ្លើយថា ទេ! ព្រោះគាត់លក់ប្រទេសជាតិទៅឲ្យចិន។»
យ៉ាងណាមិញ ទំនាក់ទំនងរវាងលោក ត្រាំ និងលោក Huntsman បានប្រសើរឡើងវិញ ហើយលោក Huntsman ក៏បានគាំទ្រលោក ត្រាំ ក្នុងការបោះឆ្នោតប្រធានាធិបតីឆ្នាំ២០១៦ ដែរ។ ដោយសារតែបទពិសោធច្រើនលើផ្នែកការទូត ទើបលោក ត្រាំ បំភ្លេចរឿងចាស់ រួចជ្រើសរើសជាទូតនៅរុស្ស៊ី ដើម្បីផ្សះផ្សាទំនាក់ទំនងប្រេះស្រាំជាមួយរុស្ស៊ីឡើងវិញ ខណៈដែលរឿងរ៉ាវរុស្ស៊ីលូកលាន់ការបោះឆ្នោតអាមេរិកនៅមិនទាន់បញ្ចប់នៅឡើយ៕
ក្នុងគោលដៅស្ដារទំនាក់ទំនងជាមួយរុស្ស៊ីឡើងវិញ ប្រធានាធិបតី ដូណាល់ ត្រាំ បានជ្រើសរើសអតីតមន្ត្រីទូតក្រោមរដ្ឋបាលលោក បារ៉ាក់ អូបាម៉ា ជាអគ្គរដ្ឋទូតអាមេរិកថ្មីប្រចាំរុស្ស៊ី។ សេតវិមានប្រកាសថា លោក Jon Huntsman ត្រូវបានលោក ត្រាំ ជ្រើសរើសជាតំណាងថ្មីប្រចាំរុស្ស៊ី ដែលត្រូវបំពេញការងារធ្ងន់ធ្ងរក្នុងការធ្វើឲ្យប្រសើរឡើងវិញទំនាក់ទំនងដែលធ្លាក់ចុះដោយសារការចោទប្រកាន់ថារុស្ស៊ីលូកលាន់កិច្ចការបោះឆ្នោតអាមេរិកនោះ។
ព្រឹទ្ធសភាអាមេរិក នឹងបើកកិច្ចប្រជុំអនុម័តការសម្រេចចិត្តតែងតាំងរបស់លោក ត្រាំ ។ ក្នុងករណីព្រឹទ្ធសភាយល់ព្រមមែន នោះលោក Huntsman ត្រូវហោះហើរទៅកាន់រដ្ឋធានីមូស្គូ ស្របពេលដែលសភា និងក្រុមស៊ើបអង្កេតពិសេស កំពុងតែស៊ើបអង្កេតករណីរុស្ស៊ីជ្រៀតជ្រែកការបោះឆ្នោតឆ្នាំ២០១៦ និងការចោទប្រកាន់ថាក្រុមឃោសនារបស់លោក ត្រាំ មានទំនាក់ទំនងជាមួយរុស្ស៊ី។ ប៉ុន្តែរាល់ការប្រកាន់ទាំងអស់ ត្រូវបានលោក វ្ល៉ាឌីមៀ ពូទីន និងលោក ត្រាំ ទាត់ចោលដូចគ្នា។
លោក Huntsman គឺជាអតីតទូតអាមេរិកនៅចិននៅសម័យអតីតប្រធានាធិបតី បារ៉ាក់ អូបាម៉ា និងនៅសិង្ហបុរីផងដែរ។ លោកក៏ធ្លាប់ធ្វើការនៅក្រោមអតីតប្រធានាធិបតីចំនួន៥នាក់ និងធ្លាប់ចូលរួមក្នុងការចូលរួមការបោះឆ្នោតឆ្នាំ២០១២ សម្រាប់បក្សសាធារណរដ្ឋផងដែរ។ ប៉ុន្តែរឿងគួរឲ្យចាប់អារម្មណ៍នោះ គឺជាលោកធ្លាប់មានទំនាក់ទំនងជូរចត់ជាមួយលោក ត្រាំ ពេលលោកកំពុងប្រជែងកៅអីបេក្ខភាពបក្សសាធារណរដ្ឋ។
យោងតាមសារព័ត៌មានរុស្ស៊ី RT ក្នុងខែកុម្ភៈ ឆ្នាំ២០១២ លោក ត្រាំ បានលើករឿងលោក Huntsman កាន់តំណែងជាអគ្គរដ្ឋទូតអាមេរិកប្រចាំចិន ដើម្បីវាយប្រហារលោក។ លោក ត្រាំ បានសរសេរលើ Twitter របស់លោកថា៖ «Jon Huntsman ចង់ជួបខ្ញុំ។ ប៉ុន្តែខ្ញុំឆ្លើយថា ទេ! ព្រោះគាត់លក់ប្រទេសជាតិទៅឲ្យចិន។»
Jon Huntsman called to see me. I said no, he gave away our country to China! @JonHuntsman — Donald J. Trump (@realDonaldTrump) February 9, 2012
យ៉ាងណាមិញ ទំនាក់ទំនងរវាងលោក ត្រាំ និងលោក Huntsman បានប្រសើរឡើងវិញ ហើយលោក Huntsman ក៏បានគាំទ្រលោក ត្រាំ ក្នុងការបោះឆ្នោតប្រធានាធិបតីឆ្នាំ២០១៦ ដែរ។ ដោយសារតែបទពិសោធច្រើនលើផ្នែកការទូត ទើបលោក ត្រាំ បំភ្លេចរឿងចាស់ រួចជ្រើសរើសជាទូតនៅរុស្ស៊ី ដើម្បីផ្សះផ្សាទំនាក់ទំនងប្រេះស្រាំជាមួយរុស្ស៊ីឡើងវិញ ខណៈដែលរឿងរ៉ាវរុស្ស៊ីលូកលាន់ការបោះឆ្នោតអាមេរិកនៅមិនទាន់បញ្ចប់នៅឡើយ៕
Tag:
អាមេរិក
ដូណាល់ ត្រាំ
ចិន
រុស្ស៊ី
© រក្សាសិទ្ធិដោយ thmeythmey.com
