អន្តរជាតិ
អាមេរិកនិងរុស្ស៊ី ទាស់គ្នារឿងប្រភេទមីស៊ីលកូរ៉េខាងជើងបាញ់នៅដើមខែកក្កដា
មីស៊ីលអន្តរទ្វីបរបស់កូរ៉េខាងជើងធុន Hwason-14 (រូបភាព Xinhua)
×![]()
ដោយ: តន ចាន់រិទ្ធារ៉ា
អាមេរិក និងរុស្ស៊ី បានខ្វែងគំនិតគ្នាក្នុងកិច្ចក្រុមប្រឹក្សាសន្តិសុខ ជុំវិញប្រភេទមីស៊ីលដែលកូរ៉េខាងជើងបានបាញ់កាលពីដើមខែកក្កដា។ អាមេរិក និងសូម្បីតែកូរ៉េខាងជើងផ្ទាល់ បានអះអាងថា មីស៊ីលដែលបាញ់ដោយជោគជ័យ គឺជាមីស៊ីលអន្តរទ្វីប (ICBM) ។ ប៉ុន្តែរុស្ស៊ីរកឃើញខុសពីនេះ និងនិយាយថា កូរ៉េខាងជើងបាញ់ត្រឹមមីស៊ីលរយៈចម្ងាយមធ្យមប៉ុណ្ណោះ។
តើកូរ៉េខាងជើងបាញ់មីស៊ីលអន្តរទ្វីប ឬមីស៊ីលរយៈចម្ងាយមធ្យម? កម្មវិធីនុយក្លេអ៊ែរកូរ៉េខាងជើង នៅតែជាប្រធានបទក្ដៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ និងជាបញ្ហាធ្វើឲ្យអាមេរិក និងរុស្ស៊ីទាស់គ្នាមិនចេះចប់។ តំណាងអាមេរិកប្រចាំ UN លើកឡើងថា កូរ៉េខាងជើងពិតជាបានបាញ់មីស៊ីលរយៈចម្ងាយឆ្ងាយ (ICBM) ដែលអាចបាញ់ដល់ទឹកដីអាមេរិក បន្ទាប់ពីរុស្ស៊ីអះអាងថា មីស៊ីលបាញ់នៅថ្ងៃទី៤ ខែកក្កដា មិនមែនជាប្រភេទមីស៊ីលរយៈចម្ងាយឡើយ។
យោងតាមទីភ្នាក់ងារព័ត៌មាន Reuters ក្នុងកិច្ចប្រជុំនៅថ្ងៃទី១៨ ខែកក្កដា អគ្គរដ្ឋទូតអាមេរិក Nikki Haley បានប្រាប់មន្ត្រីទូតជាសមាជិកក្រុមប្រឹក្សាសន្តិសុខផ្សេងទៀតថា កូរ៉េខាងជើងបានបាញ់មីស៊ីលរំលងទ្វីប។ លោកស្រីថ្លែងដូចនេះ ក្រោយពីរុស្ស៊ី នៅថ្ងៃទី៨ ខែកក្កដា បានបង្ហាញលទ្ធផលចារកម្មរបស់ខ្លួនទៅកាន់ក្រុមប្រឹក្សាសន្តិសុខ ដោយបានទាត់ចោលការវាយតម្លៃរបស់អាមេរិក។ យោងតាមប្រព័ន្ធរ៉ាដារបស់ខ្លូន រុស្ស៊ី ចាត់ទុកមីស៊ីលកូរ៉េខាងជើង គឺជាមីស៊ីលចម្ងាយមធ្យម។
តាមពិតទៅ ការណ៍ដែលអាមេរិកចាត់ទុកមីស៊ីលបាញ់ចុងក្រោយនេះជាមីស៊ីលអន្តរទ្វីប ព្រោះវាបង្កការងាយស្រួលក្នុងការបញ្ចុះបញ្ចូលសមាជិកក្រុមប្រឹក្សាសន្តិសុខឲ្យអនុម័តទណ្ឌកម្មថ្មីដែលខ្លាំងជាងមុនលើកូរ៉េខាងជើង។ ប៉ុន្តែបើតាមលទ្ធផលរបស់រុស្ស៊ី បំណងរបស់អាមេរិកនឹងពិបាកសម្រេច ព្រោះជាធម្មតា ក្រុមប្រឹក្សាសន្តិសុខអាចត្រឹមអនុម័តសេចក្ដីថ្លែងការណ៍ថ្កោលទោសកូរ៉េខាងជើងដែលបំពានសេចក្ដីសម្រេចរបស់ខ្លួនប៉ុណ្ណោះ។
បន្ទាប់ពីក្រុងព្យុងយ៉ាងបាញ់មីស៊ីលនៅថ្ងៃទី៤ ក្រុងវ៉ាស៊ីនតោន ក៏បានបញ្ជូនសេចក្ដីព្រាងទណ្ឌកម្មថ្មីមួយទៅឲ្យក្រុងប៉េកាំងដែលជាអ្នកជិតខាងរបស់កូរ៉េខាងជើង ដោយសង្ឃឹមថាប៉េកាំងនឹងគាំទ្រសំណើនេះ។ ប៉ុន្តែអ្នការទូតនៅអង្គការសហប្រជាជាតិនិយាយថា ការចរចារវាងអាមេរិក និងចិនលើទណ្ឌកម្មថ្មី មិនសូវដំណើរការទៅមុខឡើយ ខណៈអាមេរិកនៅតែបន្តទាមទារឲ្យចិនដាក់ប្រើប្រាស់ឥទ្ធិពលរបស់ខ្លួនបង្ខំឲ្យកូរ៉េខាងជើងបញ្ឈប់កម្មវិធីនុយក្លអ៊ែរឲ្យបាន។
ដូចបានដឹងស្រាប់ ការចរចាលើទណ្ឌកម្មណាមួយលើកូរ៉េខាងជើង តែងចំណាយពេលរាប់ខែទម្រាំចេញជារូបរាង។ ចិន និងរុស្ស៊ី ជាមិត្តភក្ដិកូរ៉េខាងជើង តែងប្រើសិទ្ធិវ៉េតូលើសំណើរបស់អាមេរិក បើពួកគេយល់ថាមិនសមរម្យនោះ។ ដូចនេះហើយបានជាគេច្រើនឃើញក្រុមប្រឹក្សាសន្តិសុខថ្កោលទោសទង្វើព្រហើនរបស់កូរ៉េខាងជើង ជាជាងសេចក្ដីដាក់ទណ្ឌកម្មនោះ៕
តើកូរ៉េខាងជើងបាញ់មីស៊ីលអន្តរទ្វីប ឬមីស៊ីលរយៈចម្ងាយមធ្យម? កម្មវិធីនុយក្លេអ៊ែរកូរ៉េខាងជើង នៅតែជាប្រធានបទក្ដៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ និងជាបញ្ហាធ្វើឲ្យអាមេរិក និងរុស្ស៊ីទាស់គ្នាមិនចេះចប់។ តំណាងអាមេរិកប្រចាំ UN លើកឡើងថា កូរ៉េខាងជើងពិតជាបានបាញ់មីស៊ីលរយៈចម្ងាយឆ្ងាយ (ICBM) ដែលអាចបាញ់ដល់ទឹកដីអាមេរិក បន្ទាប់ពីរុស្ស៊ីអះអាងថា មីស៊ីលបាញ់នៅថ្ងៃទី៤ ខែកក្កដា មិនមែនជាប្រភេទមីស៊ីលរយៈចម្ងាយឡើយ។
យោងតាមទីភ្នាក់ងារព័ត៌មាន Reuters ក្នុងកិច្ចប្រជុំនៅថ្ងៃទី១៨ ខែកក្កដា អគ្គរដ្ឋទូតអាមេរិក Nikki Haley បានប្រាប់មន្ត្រីទូតជាសមាជិកក្រុមប្រឹក្សាសន្តិសុខផ្សេងទៀតថា កូរ៉េខាងជើងបានបាញ់មីស៊ីលរំលងទ្វីប។ លោកស្រីថ្លែងដូចនេះ ក្រោយពីរុស្ស៊ី នៅថ្ងៃទី៨ ខែកក្កដា បានបង្ហាញលទ្ធផលចារកម្មរបស់ខ្លួនទៅកាន់ក្រុមប្រឹក្សាសន្តិសុខ ដោយបានទាត់ចោលការវាយតម្លៃរបស់អាមេរិក។ យោងតាមប្រព័ន្ធរ៉ាដារបស់ខ្លូន រុស្ស៊ី ចាត់ទុកមីស៊ីលកូរ៉េខាងជើង គឺជាមីស៊ីលចម្ងាយមធ្យម។
តាមពិតទៅ ការណ៍ដែលអាមេរិកចាត់ទុកមីស៊ីលបាញ់ចុងក្រោយនេះជាមីស៊ីលអន្តរទ្វីប ព្រោះវាបង្កការងាយស្រួលក្នុងការបញ្ចុះបញ្ចូលសមាជិកក្រុមប្រឹក្សាសន្តិសុខឲ្យអនុម័តទណ្ឌកម្មថ្មីដែលខ្លាំងជាងមុនលើកូរ៉េខាងជើង។ ប៉ុន្តែបើតាមលទ្ធផលរបស់រុស្ស៊ី បំណងរបស់អាមេរិកនឹងពិបាកសម្រេច ព្រោះជាធម្មតា ក្រុមប្រឹក្សាសន្តិសុខអាចត្រឹមអនុម័តសេចក្ដីថ្លែងការណ៍ថ្កោលទោសកូរ៉េខាងជើងដែលបំពានសេចក្ដីសម្រេចរបស់ខ្លួនប៉ុណ្ណោះ។
បន្ទាប់ពីក្រុងព្យុងយ៉ាងបាញ់មីស៊ីលនៅថ្ងៃទី៤ ក្រុងវ៉ាស៊ីនតោន ក៏បានបញ្ជូនសេចក្ដីព្រាងទណ្ឌកម្មថ្មីមួយទៅឲ្យក្រុងប៉េកាំងដែលជាអ្នកជិតខាងរបស់កូរ៉េខាងជើង ដោយសង្ឃឹមថាប៉េកាំងនឹងគាំទ្រសំណើនេះ។ ប៉ុន្តែអ្នការទូតនៅអង្គការសហប្រជាជាតិនិយាយថា ការចរចារវាងអាមេរិក និងចិនលើទណ្ឌកម្មថ្មី មិនសូវដំណើរការទៅមុខឡើយ ខណៈអាមេរិកនៅតែបន្តទាមទារឲ្យចិនដាក់ប្រើប្រាស់ឥទ្ធិពលរបស់ខ្លួនបង្ខំឲ្យកូរ៉េខាងជើងបញ្ឈប់កម្មវិធីនុយក្លអ៊ែរឲ្យបាន។
ដូចបានដឹងស្រាប់ ការចរចាលើទណ្ឌកម្មណាមួយលើកូរ៉េខាងជើង តែងចំណាយពេលរាប់ខែទម្រាំចេញជារូបរាង។ ចិន និងរុស្ស៊ី ជាមិត្តភក្ដិកូរ៉េខាងជើង តែងប្រើសិទ្ធិវ៉េតូលើសំណើរបស់អាមេរិក បើពួកគេយល់ថាមិនសមរម្យនោះ។ ដូចនេះហើយបានជាគេច្រើនឃើញក្រុមប្រឹក្សាសន្តិសុខថ្កោលទោសទង្វើព្រហើនរបស់កូរ៉េខាងជើង ជាជាងសេចក្ដីដាក់ទណ្ឌកម្មនោះ៕
Tag:
អាមេរិក
រុស្ស៊ី
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
