ជាតិ
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ
×![]()
ដោយ: ម៉ៅ សុផា
ភ្នំពេញ៖ ក្រុមតំណាងរាស្ត្រនៃគណបក្សសង្គ្រោះជាតិ បានថ្វាយលិខិតទៅព្រះមហាក្សត្រ នៅថ្ងៃទី២0 ខែកក្កដា ឆ្នាំ២0១៧នេះ ដើម្បីសុំឲ្យព្រះអង្គ ជួយអន្តរាគមន៍លើច្បាប់ស្តីពីគណបក្សនយោបាយ ដែលទើបនឹងត្រូវបានធ្វើវិសោធនកម្ម ដោយតំណាងរាស្ត្រនៃគណបក្សប្រជាជនកម្ពុជា កាលពីពេលថ្មីៗនេះ។ នេះបើតាមលោក យឹម សុវណ្ណ អ្នកនាំពាក្យគណបក្សសង្គ្រោះជាតិ។
លោក យឹម សុវណ្ណ បានប្រាប់សារព័ត៌មានថ្មីៗថា ក្រុមតំណាងរាស្ត្រគណបក្សសង្គ្រោះជាតិ បាននាំគ្នាចុះហត្ថលេខាលើលិខិតនោះរួចហើយ និងបញ្ជូនទៅកាន់ខុទ្ទកាល័យព្រះមហាក្សត្រ នៅរសៀលថ្ងៃព្រហស្បតិ៍នេះ។ ប៉ុន្តែ លោក យឹម សុវណ្ណ មិនទាន់ដឹងច្បាស់នោះទេថា ពេលនេះ លិខិតសុំព្រះរាជអន្តរាគមន៍ បានទៅដល់ខុទ្ទកាល័យព្រះមហាក្សត្រហើយឬនៅ។ ស្ថិតនៅក្រោមហេតុផលនេះ លោក ក៏សុំមិនធ្វើអត្ថាធិប្បាយតែម្តង ជុំវិញខ្លឹមសារនៅក្នុងលិខិតនោះ។
អ្នកនាំពាក្យគណបក្សសង្គ្រោះជាតិរូបនេះ និយាយដូច្នេះថា៖«ទាល់តែខ្ញុំដឹងច្បាស់ថា លិខិតទៅដល់ខុទ្ទកាល័យព្រះមហាក្សត្រសិន ទើបខ្ញុំអាចធ្វើអត្ថាធិប្បាយបាន»។
យ៉ាងណាដោយចុះ លិខិតរបស់គណបក្សសង្គ្រោះជាតិខាងលើ ទំនងជាគ្មានបំណងអ្វីផ្សេងក្រៅពីស្នើសុំព្រះមហាក្សត្រ កុំឲ្យព្រះអង្គឡាយព្រះហស្ថលេខាលើច្បាប់ស្តីពីគណបក្សនយោបាយ ដែលត្រូវបានបន្ថែមខ្លឹមសារថ្មីនោះទេ។ កាសែតខាមបូឌាដេលី (The Cambodia Daily) បានដកស្រង់សម្តីរបស់លោក សុន ឆ័យ មន្ត្រីជាន់ខ្ពស់នៃគណបក្សសង្រោះជាតិថា ការថ្វាយលិខិតទៅព្រះមហាក្សត្រ គឺដើម្បីសុំឲ្យព្រះអង្គ កុំឡាយព្រះហស្ថលេខាលើច្បាប់នេះ។ លោក សុន ឆ័យ បានប្រាប់ខេមបូឌាដេលី ទៀតថា ខ្លឹមសារថ្មីនៃច្បាប់ស្តីពីគណបក្សនយោបាយ គឺរំលោភសិទ្ធិមនុស្ស និងរដ្ឋធម្មនុញ្ញនៃប្រទេសកម្ពុជា។
ការធ្វើវិសោធនកម្មលើច្បាប់ស្តីពីគណបក្សនយោបាយ ដោយបន្ថែមនូវខ្លឹមសារនិងមាត្រាថ្មីមួយចំនួន ទទួលបានការគាំទ្រពីគណបក្សប្រជាជនកម្ពុជា តែប៉ុណ្ណោះ។ ចំណែកឯ គណបក្សសង្គ្រោះជាតិ បានជំទាស់។ នៅពេលរដ្ឋសភា បើកកិច្ចប្រជុំពេញអង្គ ដើម្បីពិភាក្សានិងអនុម័តសេចក្តីស្នើសុំធ្វើវិសោធនកម្មលើច្បាប់នេះ តំណាងរាស្ត្រទាំងអស់ពីគណបក្សសង្គ្រោះជាតិ បានធ្វើពហិកាមិនចូលរួមនោះទេ។ លើសពីនេះ តំណាងរាស្ត្រនៃគណបក្សសង្គ្រោះជាតិ ថែមទាំងស្នើឲ្យកិច្ចប្រជុំពេញអង្គនៃរដ្ឋសភា ដែលមានតែតំណាងរាស្ត្រនៃគណបក្សប្រជាជនកម្ពុជាចូលរួម បញ្ឈប់ការអនុម័តលើច្បាប់ខាងលើទៀតផង។ ប៉ុន្តែ នៅទីបំផុត រដ្ឋសភា នៅតែអនុម័តសេចក្តីស្នើច្បាប់នេះដដែល។ រីឯព្រឹទ្ធសភា ក៏បានអនុម័តនិងយល់ស្របទាំងស្រុងផងដែរ ចំពោះសេចក្តីស្នើច្បាប់ខាងលើ។
លោក ឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា បានប្រាប់ថា រហូតមកដល់ពេលនេះ សេចក្តីស្នើសុំធ្វើវិសោធនកម្មច្បាប់ស្តីពីគណបក្សនយោបាយ ត្រូវបានញ្ជូនទៅក្រុមប្រឹក្សាធម្មនុញ្ញ ដើម្បីពិនិត្យបន្ត។ លោក បន្ថែមថា បន្ទាប់ពីក្រុមប្រឹក្សាធម្មនុញ្ញ ពិនិត្យចប់សព្វគ្រប់ ហើយបើមិនជំទាស់អ្វីនោះ រដ្ឋសភា នឹងបញ្ជូនសេចក្តីស្នើច្បាប់នេះ ទៅរដ្ឋាភិបាល ដើម្បីថ្វាយទៅព្រះមហាក្សត្រ ឲ្យព្រះអង្គឡាយព្រះហស្ថលេខា ប្រកាសឲ្យប្រើប្រាស់ជាផ្លូវការ។
ផ្អែកលើខ្លឹមសារថ្មី ដែលត្រូវបានបញ្ចូលទៅក្នុងច្បាប់ស្តីពីគណបក្សនយោបាយ គណបក្សណាក៏ដោយ មិនអាចពាក់ព័ន្ធនឹងអ្នកទោស ដើម្បីបានផលប្រយោជន៍ផ្នែកនយោបាយ ឡើយ។ ទង្វើ ដែលខ្លឹសារថ្មី បានកំណត់និងហាមប្រាមមិនឲ្យគណបក្ស ប្រព្រឹត្ត ដើម្បីបានប្រយោជន៍ផ្នែកនយោបាយ មានដូចជា ការប្រើប្រាស់នូវរូបថត សារជាសំឡេង វីដេអូ និងអត្ថបទជាលាយលក្ខណ៍អក្សរ របស់បុគ្គលណាម្នាក់ ដែលត្រូវបានតុលាការកាត់ក្តីឲ្យក្លាយជាអ្នកទោស។ លើសពីនេះ ខ្លឹមសារថ្មី ក៏មិនឲ្យគណបក្ស បង្ហាញការគាំទ្រចំពោះសកម្មភាពរបស់អ្នកទោស នោះដែរ។ យោងតាមខ្លឹមសារថ្មី ប្រសិនបើ គណបក្សណាមួយ បានប្រព្រឹត្តនូវទង្វើខាងលើ តុលាការ អាចមានសិទ្ធិអំណាច ដើម្បីរំលាយគណបក្សនោះបាន។
នេះ ជាលើកទីពីរហើយ ដែលច្បាប់ស្តីពីគណបក្សនយោបាយ ត្រូវបានធ្វើវិសោធនកម្ម ក្នុងឆ្នាំ២0១៧។ ការធ្វើវិសោធកម្មលើកទីមួយ បានកំណត់ថា អ្នកទោស មិនអាចធ្វើជាប្រធានគណបក្ស ឬក៏ធ្វើជាសមាជិកគណៈកម្មាធិការនាយកនៃគណបក្សណាមួយឡើយ។
សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា គឺជាអ្នកផ្តើមគំនិតនិងស្នើឲ្យរដ្ឋសភា ធ្វើវិសោធនកម្មលើស្តីពីគណបក្សនយោបាយទាំងពីរលើក នៅក្នុងឆ្នាំ២0១៧នេះ៕
លោក យឹម សុវណ្ណ បានប្រាប់សារព័ត៌មានថ្មីៗថា ក្រុមតំណាងរាស្ត្រគណបក្សសង្គ្រោះជាតិ បាននាំគ្នាចុះហត្ថលេខាលើលិខិតនោះរួចហើយ និងបញ្ជូនទៅកាន់ខុទ្ទកាល័យព្រះមហាក្សត្រ នៅរសៀលថ្ងៃព្រហស្បតិ៍នេះ។ ប៉ុន្តែ លោក យឹម សុវណ្ណ មិនទាន់ដឹងច្បាស់នោះទេថា ពេលនេះ លិខិតសុំព្រះរាជអន្តរាគមន៍ បានទៅដល់ខុទ្ទកាល័យព្រះមហាក្សត្រហើយឬនៅ។ ស្ថិតនៅក្រោមហេតុផលនេះ លោក ក៏សុំមិនធ្វើអត្ថាធិប្បាយតែម្តង ជុំវិញខ្លឹមសារនៅក្នុងលិខិតនោះ។
អ្នកនាំពាក្យគណបក្សសង្គ្រោះជាតិរូបនេះ និយាយដូច្នេះថា៖«ទាល់តែខ្ញុំដឹងច្បាស់ថា លិខិតទៅដល់ខុទ្ទកាល័យព្រះមហាក្សត្រសិន ទើបខ្ញុំអាចធ្វើអត្ថាធិប្បាយបាន»។
យ៉ាងណាដោយចុះ លិខិតរបស់គណបក្សសង្គ្រោះជាតិខាងលើ ទំនងជាគ្មានបំណងអ្វីផ្សេងក្រៅពីស្នើសុំព្រះមហាក្សត្រ កុំឲ្យព្រះអង្គឡាយព្រះហស្ថលេខាលើច្បាប់ស្តីពីគណបក្សនយោបាយ ដែលត្រូវបានបន្ថែមខ្លឹមសារថ្មីនោះទេ។ កាសែតខាមបូឌាដេលី (The Cambodia Daily) បានដកស្រង់សម្តីរបស់លោក សុន ឆ័យ មន្ត្រីជាន់ខ្ពស់នៃគណបក្សសង្រោះជាតិថា ការថ្វាយលិខិតទៅព្រះមហាក្សត្រ គឺដើម្បីសុំឲ្យព្រះអង្គ កុំឡាយព្រះហស្ថលេខាលើច្បាប់នេះ។ លោក សុន ឆ័យ បានប្រាប់ខេមបូឌាដេលី ទៀតថា ខ្លឹមសារថ្មីនៃច្បាប់ស្តីពីគណបក្សនយោបាយ គឺរំលោភសិទ្ធិមនុស្ស និងរដ្ឋធម្មនុញ្ញនៃប្រទេសកម្ពុជា។
ការធ្វើវិសោធនកម្មលើច្បាប់ស្តីពីគណបក្សនយោបាយ ដោយបន្ថែមនូវខ្លឹមសារនិងមាត្រាថ្មីមួយចំនួន ទទួលបានការគាំទ្រពីគណបក្សប្រជាជនកម្ពុជា តែប៉ុណ្ណោះ។ ចំណែកឯ គណបក្សសង្គ្រោះជាតិ បានជំទាស់។ នៅពេលរដ្ឋសភា បើកកិច្ចប្រជុំពេញអង្គ ដើម្បីពិភាក្សានិងអនុម័តសេចក្តីស្នើសុំធ្វើវិសោធនកម្មលើច្បាប់នេះ តំណាងរាស្ត្រទាំងអស់ពីគណបក្សសង្គ្រោះជាតិ បានធ្វើពហិកាមិនចូលរួមនោះទេ។ លើសពីនេះ តំណាងរាស្ត្រនៃគណបក្សសង្គ្រោះជាតិ ថែមទាំងស្នើឲ្យកិច្ចប្រជុំពេញអង្គនៃរដ្ឋសភា ដែលមានតែតំណាងរាស្ត្រនៃគណបក្សប្រជាជនកម្ពុជាចូលរួម បញ្ឈប់ការអនុម័តលើច្បាប់ខាងលើទៀតផង។ ប៉ុន្តែ នៅទីបំផុត រដ្ឋសភា នៅតែអនុម័តសេចក្តីស្នើច្បាប់នេះដដែល។ រីឯព្រឹទ្ធសភា ក៏បានអនុម័តនិងយល់ស្របទាំងស្រុងផងដែរ ចំពោះសេចក្តីស្នើច្បាប់ខាងលើ។
លោក ឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា បានប្រាប់ថា រហូតមកដល់ពេលនេះ សេចក្តីស្នើសុំធ្វើវិសោធនកម្មច្បាប់ស្តីពីគណបក្សនយោបាយ ត្រូវបានញ្ជូនទៅក្រុមប្រឹក្សាធម្មនុញ្ញ ដើម្បីពិនិត្យបន្ត។ លោក បន្ថែមថា បន្ទាប់ពីក្រុមប្រឹក្សាធម្មនុញ្ញ ពិនិត្យចប់សព្វគ្រប់ ហើយបើមិនជំទាស់អ្វីនោះ រដ្ឋសភា នឹងបញ្ជូនសេចក្តីស្នើច្បាប់នេះ ទៅរដ្ឋាភិបាល ដើម្បីថ្វាយទៅព្រះមហាក្សត្រ ឲ្យព្រះអង្គឡាយព្រះហស្ថលេខា ប្រកាសឲ្យប្រើប្រាស់ជាផ្លូវការ។
ផ្អែកលើខ្លឹមសារថ្មី ដែលត្រូវបានបញ្ចូលទៅក្នុងច្បាប់ស្តីពីគណបក្សនយោបាយ គណបក្សណាក៏ដោយ មិនអាចពាក់ព័ន្ធនឹងអ្នកទោស ដើម្បីបានផលប្រយោជន៍ផ្នែកនយោបាយ ឡើយ។ ទង្វើ ដែលខ្លឹសារថ្មី បានកំណត់និងហាមប្រាមមិនឲ្យគណបក្ស ប្រព្រឹត្ត ដើម្បីបានប្រយោជន៍ផ្នែកនយោបាយ មានដូចជា ការប្រើប្រាស់នូវរូបថត សារជាសំឡេង វីដេអូ និងអត្ថបទជាលាយលក្ខណ៍អក្សរ របស់បុគ្គលណាម្នាក់ ដែលត្រូវបានតុលាការកាត់ក្តីឲ្យក្លាយជាអ្នកទោស។ លើសពីនេះ ខ្លឹមសារថ្មី ក៏មិនឲ្យគណបក្ស បង្ហាញការគាំទ្រចំពោះសកម្មភាពរបស់អ្នកទោស នោះដែរ។ យោងតាមខ្លឹមសារថ្មី ប្រសិនបើ គណបក្សណាមួយ បានប្រព្រឹត្តនូវទង្វើខាងលើ តុលាការ អាចមានសិទ្ធិអំណាច ដើម្បីរំលាយគណបក្សនោះបាន។
នេះ ជាលើកទីពីរហើយ ដែលច្បាប់ស្តីពីគណបក្សនយោបាយ ត្រូវបានធ្វើវិសោធនកម្ម ក្នុងឆ្នាំ២0១៧។ ការធ្វើវិសោធកម្មលើកទីមួយ បានកំណត់ថា អ្នកទោស មិនអាចធ្វើជាប្រធានគណបក្ស ឬក៏ធ្វើជាសមាជិកគណៈកម្មាធិការនាយកនៃគណបក្សណាមួយឡើយ។
សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា គឺជាអ្នកផ្តើមគំនិតនិងស្នើឲ្យរដ្ឋសភា ធ្វើវិសោធនកម្មលើស្តីពីគណបក្សនយោបាយទាំងពីរលើក នៅក្នុងឆ្នាំ២0១៧នេះ៕
Tag:
ច្បាប់នយោបាយ
CNRP
ព្រះមហាក្សត្រ
© រក្សាសិទ្ធិដោយ thmeythmey.com
