កីឡាជាតិ
ជាតិ
បទយកការណ៍ / បទសម្ភាសន៍
ភរិយាអតីតខ្សែប្រយុទ្ធ សៀង តារា៖ ស្វាមីខ្ញុំតាមដានបាល់ទាត់ខ្មែររហូតដល់ពីរថ្ងៃមុនទទួលមរណភាព
×![]()
លោក សៀង តារា អតីតខ្សែប្រយុទ្ធនៃក្រុមកីឡាបាល់ទាត់ជម្រើសជាតិកម្ពុជា កាលពីមុនរបបខ្មែរក្រហម បានទទួលមរណភាពកាលពីថ្ងៃទី១១ ខែមិថុនា កន្លងមកនៅរដ្ឋ Colorado សហរដ្ឋអាមេរិក ក្នុងអាយុ៧២ឆ្នាំ បន្ទាប់ពីតស៊ូប្រយុទ្ធប្រឆាំងនឹងជំងឺអស់រយៈពេល៥ឆ្នាំ។ លោកជាសមាជិកកីឡាករក្នុងយុគសម័យដ៏លេចធ្លោនៃកីឡាបាល់ទាត់កម្ពុជា។ តាមឯកសារដ៏កម្រ លោក សៀង តារា ដែលជាខ្សែប្រយុទ្ធពាក់លេខ១០ បានបង្ហាញខ្លួននៅក្នុងព្រឹត្តិការណ៍អន្តរជាតិជាច្រើន ក្នុងនោះ លោកបានស៊ុតបាល់បញ្ចូលទី២គ្រាប់ក្នុងជ័យជម្នះ ៣-១ របស់កម្ពុជាលើឥណ្ឌា នាការប្រកួតប្រកួតវគ្គជម្រុះ AFC Asian Cup 1968 ជាដើម។
ពីរដ្ឋ Colorado សហរដ្ឋអាមេរិក អ្នកស្រី លី ថុល អាយុ៦៤ឆ្នាំ ដែលជាភរិយារបស់លោក សៀង តារា បានរៀបរាប់ប្រាប់សារព័ត៌មានថ្មីៗទាំងខ្សឹកខ្សួល ទាក់ទងនឹងដំណើរជីវិតរបស់ស្វាមីខ្លួន ជាពិសេសការដក់អារម្មណ៍របស់គាត់លើកីឡាបាល់ទាត់កម្ពុជា បើទោះបីជារយៈពេលប៉ុន្មានឆ្នាំចុងក្រោយនេះ គាត់មិនអាចដើរទៅណារួចក៏ដោយ។
សូមអានការរៀបរាប់មួយចំនួនរបស់អ្នកស្រី លី ថុល ពីរដ្ឋ Colorado សហរដ្ឋអាមេរិក តាមរយៈបទសម្ភាសតាមទូរសព្ទជាមួយលោក អ៊ឹង ចំរើន អ្នកយកព័ត៌មានរបស់សារព័ត៌មានថ្មីៗ ដូចខាងក្រោម៖
លោក អ៊ឹង ចំរើន៖ តើលោក សៀង តារា មានទំនាក់ទំនងបែបណាដែរជាមួយវិស័យកីឡានៅកម្ពុជា?
អ្នកស្រី លី ថុល៖ [និយាយទាំងអួលដើមក…] ចាសក្មួយ តាំងពីមកនៅអាមេរិកជាង៧ឆ្នាំកន្លងមកនេះ ប្តីខ្ញុំគ្មានទំនាក់ទំនងអ្វីផ្ទាល់ឡើយ ប៉ុន្តែគាត់តែងតែតាមដានកីឡាជានិច្ច ដោយគាត់មើលព័ត៌មានដែលកូនភ្ជាប់កម្មវិធីទូរទស្សន៍ពីស្រុកខ្មែរ។ គាត់តាមមើល ជាពិសេសកីឡាបាល់ទាត់ រហូតដល់២ថ្ងៃមុនពេលដែលគាត់បានចែកឋាន។ គាត់ក៏តែងតែរំលឹកពីមិត្តភក្តិចាស់ៗ ដូចជាលោក ប៉ែន ផាត ជាដើម។
លោក អ៊ឹង ចំរើន៖ គាត់ធ្លាប់បង្ហាញពីបំណងមកជួយ ឬចែករំលែកចំណេះដឹងបាល់ទាត់ដល់យុវជនកម្ពុជាដែរឬទេ?
អ្នកស្រី លី ថុល៖ ស្វាមីខ្ញុំ មិនដែលយកចិត្តទុកដាក់អ្វីលើសពីបាល់ទាត់នោះឡើយ គាត់ស្រឡាញ់ខ្លាំងណាស់។ មុនមកដល់អាមេរិក បើទោះបីជាគាត់បម្រើការនៅធនាគារជាតិក៏ដោយ តែគាត់ក៏បានរួមចំណែកច្រើនដែរក្នុងការអភិវឌ្ឍន៍កីឡាបាល់ទាត់។ ខ្ញុំមិនបានដឹងលម្អិតនោះឡើយ ព្រោះខ្ញុំផ្តោតតែលើការងារផ្ទះសម្បែង។ គាត់ពិតជាចង់ចែករំលែកចំណេះដឹង និងជំនាញរបស់ខ្លួន ប៉ុន្តែសុខភាពរបស់គាត់មិនអំណោយផល គាត់បានត្រឹមតែមើល និងគាំទ្រពីចម្ងាយប៉ុណ្ណោះ។
លោក អ៊ឹង ចំរើន៖ លោក សៀង តារា ចាប់អារម្មណ៍តែពីកីឡាបាល់ទាត់ តើទំនាក់ទំនងគ្រួសារយ៉ាងដូចម្តេចដែរ?
អ្នកស្រី លី ថុល៖ ខ្ញុំចាំថា ក្រោយសម័យប៉ុលពត ស្វាមីខ្ញុំបានលក់ស្បែកជើង និងខោអាវកីឡាមួយចំនួនរបស់ខ្លួន ដើម្បីរកលុយចិញ្ចឹមគ្រួសារ…។ ខ្ញុំពិតជាសំណាងណាស់ដែលមានមេគ្រួសារដូចជាគាត់ គាត់មិនដែលប្រើសម្តីធ្ងន់ដូចជាពាក្យ «អញ» ដាក់ខ្ញុំ និងកូនស្រីទាំង៤ម្តងណាឡើយ។ យើងស្គាល់ និងរៀបការជាមួយគ្នា តាំងពីពេលដែលគាត់ជាកីឡាករ។ ក្នុងការរស់នៅប្រចាំថ្ងៃ គាត់គោរពក្បួនច្បាប់ជាកីឡាករបានល្អណាស់ គាត់មិនជក់បារី គាត់មិនចូលចិត្តញ៉ាំស្រានោះទេ ហើយពេលខ្លះ មានការបង្ខំ គាត់ពិសាបានមួយកែវ តែមិនអាចលើសពីនោះឡើយ។ នេះហើយជារឿងដែលខ្ញុំមិនអស់ចិត្តសោះ មិនគួរណាគាត់មានជំងឺ ហើយឆាប់ទៅចោលពួកយើងយ៉ាងដូច្នេះ។
លោក អ៊ឹង ចំរើន៖ តើលោក សៀង តារា មានសាច់ឈាមជ័រអ្នកកីឡាដែរទេ ហើយចុះកូនចៅក្រោយៗ?
អ្នកស្រី៖ គាត់មានបងប្អូនជាច្រើន ក្នុងនោះ មានម្នាក់ជាអតីតមន្ត្រីជំនិតរបស់សម្តេច ហ៊ុន សែន នៅក្រសួងការបរទេស។ បងប្អូនគាត់សុទ្ធតែមានជំនាញ និងអាជីពផ្សេងៗ។ បច្ចុប្បន្ននៅអាមេរិក ខ្ញុំមានចៅប្រុស ចៅស្រី ដែលជាកូនរបស់កូនស្រីច្បង ចេះលេងកីឡាបាល់ទាត់ផងដែរ។ ពួកគេរស់នៅរដ្ឋវ៉ាស៊ីនតោន។ កាលនៅរស់ ស្វាមីខ្ញុំសប្បាយចិត្តណាស់ដែលឃើញចៅៗមាននិស្ស័យបែបនេះ ៕
រូបថតទាំងអស់ផ្តល់ដោយ Oun Rohr
ពីរដ្ឋ Colorado សហរដ្ឋអាមេរិក អ្នកស្រី លី ថុល អាយុ៦៤ឆ្នាំ ដែលជាភរិយារបស់លោក សៀង តារា បានរៀបរាប់ប្រាប់សារព័ត៌មានថ្មីៗទាំងខ្សឹកខ្សួល ទាក់ទងនឹងដំណើរជីវិតរបស់ស្វាមីខ្លួន ជាពិសេសការដក់អារម្មណ៍របស់គាត់លើកីឡាបាល់ទាត់កម្ពុជា បើទោះបីជារយៈពេលប៉ុន្មានឆ្នាំចុងក្រោយនេះ គាត់មិនអាចដើរទៅណារួចក៏ដោយ។
សូមអានការរៀបរាប់មួយចំនួនរបស់អ្នកស្រី លី ថុល ពីរដ្ឋ Colorado សហរដ្ឋអាមេរិក តាមរយៈបទសម្ភាសតាមទូរសព្ទជាមួយលោក អ៊ឹង ចំរើន អ្នកយកព័ត៌មានរបស់សារព័ត៌មានថ្មីៗ ដូចខាងក្រោម៖
លោក អ៊ឹង ចំរើន៖ តើលោក សៀង តារា មានទំនាក់ទំនងបែបណាដែរជាមួយវិស័យកីឡានៅកម្ពុជា?
អ្នកស្រី លី ថុល៖ [និយាយទាំងអួលដើមក…] ចាសក្មួយ តាំងពីមកនៅអាមេរិកជាង៧ឆ្នាំកន្លងមកនេះ ប្តីខ្ញុំគ្មានទំនាក់ទំនងអ្វីផ្ទាល់ឡើយ ប៉ុន្តែគាត់តែងតែតាមដានកីឡាជានិច្ច ដោយគាត់មើលព័ត៌មានដែលកូនភ្ជាប់កម្មវិធីទូរទស្សន៍ពីស្រុកខ្មែរ។ គាត់តាមមើល ជាពិសេសកីឡាបាល់ទាត់ រហូតដល់២ថ្ងៃមុនពេលដែលគាត់បានចែកឋាន។ គាត់ក៏តែងតែរំលឹកពីមិត្តភក្តិចាស់ៗ ដូចជាលោក ប៉ែន ផាត ជាដើម។
លោក អ៊ឹង ចំរើន៖ គាត់ធ្លាប់បង្ហាញពីបំណងមកជួយ ឬចែករំលែកចំណេះដឹងបាល់ទាត់ដល់យុវជនកម្ពុជាដែរឬទេ?
អ្នកស្រី លី ថុល៖ ស្វាមីខ្ញុំ មិនដែលយកចិត្តទុកដាក់អ្វីលើសពីបាល់ទាត់នោះឡើយ គាត់ស្រឡាញ់ខ្លាំងណាស់។ មុនមកដល់អាមេរិក បើទោះបីជាគាត់បម្រើការនៅធនាគារជាតិក៏ដោយ តែគាត់ក៏បានរួមចំណែកច្រើនដែរក្នុងការអភិវឌ្ឍន៍កីឡាបាល់ទាត់។ ខ្ញុំមិនបានដឹងលម្អិតនោះឡើយ ព្រោះខ្ញុំផ្តោតតែលើការងារផ្ទះសម្បែង។ គាត់ពិតជាចង់ចែករំលែកចំណេះដឹង និងជំនាញរបស់ខ្លួន ប៉ុន្តែសុខភាពរបស់គាត់មិនអំណោយផល គាត់បានត្រឹមតែមើល និងគាំទ្រពីចម្ងាយប៉ុណ្ណោះ។
លោក អ៊ឹង ចំរើន៖ លោក សៀង តារា ចាប់អារម្មណ៍តែពីកីឡាបាល់ទាត់ តើទំនាក់ទំនងគ្រួសារយ៉ាងដូចម្តេចដែរ?
អ្នកស្រី លី ថុល៖ ខ្ញុំចាំថា ក្រោយសម័យប៉ុលពត ស្វាមីខ្ញុំបានលក់ស្បែកជើង និងខោអាវកីឡាមួយចំនួនរបស់ខ្លួន ដើម្បីរកលុយចិញ្ចឹមគ្រួសារ…។ ខ្ញុំពិតជាសំណាងណាស់ដែលមានមេគ្រួសារដូចជាគាត់ គាត់មិនដែលប្រើសម្តីធ្ងន់ដូចជាពាក្យ «អញ» ដាក់ខ្ញុំ និងកូនស្រីទាំង៤ម្តងណាឡើយ។ យើងស្គាល់ និងរៀបការជាមួយគ្នា តាំងពីពេលដែលគាត់ជាកីឡាករ។ ក្នុងការរស់នៅប្រចាំថ្ងៃ គាត់គោរពក្បួនច្បាប់ជាកីឡាករបានល្អណាស់ គាត់មិនជក់បារី គាត់មិនចូលចិត្តញ៉ាំស្រានោះទេ ហើយពេលខ្លះ មានការបង្ខំ គាត់ពិសាបានមួយកែវ តែមិនអាចលើសពីនោះឡើយ។ នេះហើយជារឿងដែលខ្ញុំមិនអស់ចិត្តសោះ មិនគួរណាគាត់មានជំងឺ ហើយឆាប់ទៅចោលពួកយើងយ៉ាងដូច្នេះ។
លោក អ៊ឹង ចំរើន៖ តើលោក សៀង តារា មានសាច់ឈាមជ័រអ្នកកីឡាដែរទេ ហើយចុះកូនចៅក្រោយៗ?
អ្នកស្រី៖ គាត់មានបងប្អូនជាច្រើន ក្នុងនោះ មានម្នាក់ជាអតីតមន្ត្រីជំនិតរបស់សម្តេច ហ៊ុន សែន នៅក្រសួងការបរទេស។ បងប្អូនគាត់សុទ្ធតែមានជំនាញ និងអាជីពផ្សេងៗ។ បច្ចុប្បន្ននៅអាមេរិក ខ្ញុំមានចៅប្រុស ចៅស្រី ដែលជាកូនរបស់កូនស្រីច្បង ចេះលេងកីឡាបាល់ទាត់ផងដែរ។ ពួកគេរស់នៅរដ្ឋវ៉ាស៊ីនតោន។ កាលនៅរស់ ស្វាមីខ្ញុំសប្បាយចិត្តណាស់ដែលឃើញចៅៗមាននិស្ស័យបែបនេះ ៕
រូបថតទាំងអស់ផ្តល់ដោយ Oun Rohr
Tag:
សៀង តារា
ប្រវត្តិបាល់ទាត់
© រក្សាសិទ្ធិដោយ thmeythmey.com
