ជាតិ
សេដ្ឋកិច្ច
ជប៉ុន នឹងសិក្សាពីការសាងសង់រថភ្លើងលើអាកាសនៅកម្ពុជា ក្នុងទឹកប្រាក់ ៨00លានដុល្លារ
× ភ្នំពេញ៖ ជប៉ុន នឹងសិក្សាពីគម្រោងនៃការសាងសង់រថភ្លើងធុនស្រាលលើអាកាស ក្នុងរាជធានីភ្នំពេញ តាមសំណើរបស់នាយករដ្ឋមន្ត្រី ហ៊ុន សែន ។ នេះបើតាមសេចក្តីប្រកាសព័ត៌មានពីក្រសួងការបរទេស និងសហប្រតិបត្តិការអន្តរជាតិ ស្តីពីលទ្ធផលនៃទស្សនកិច្ចរបស់ប្រមុខរដ្ឋាភិបាល នៅប្រទេសជប៉ុន។
រដ្ឋាភិបាលជប៉ុន បានឯកភាពលើការអនុវត្តគម្រោងអាទិភាព ក្នុងការអភិវឌ្ឍប្រទេសកម្ពុជារួមមាន គម្រោងអភិវឌ្ឍន៍ប្រព័ន្ធដឹកជញ្ជូននិងចរាចរណ៍ក្នុងក្រុង គម្រោងធ្វើឲ្យប្រសើរប្រព័ន្ធភស្តុភាកម្មនៅកម្ពុជា និងការអភិវឌ្ឍធនធានមនុស្ស ដើម្បីបម្រើវិស័យឧស្សាហកម្ម។
សេចក្តីប្រកាសព័ត៌មាន បានបញ្ជាក់ដូច្នេះថា៖«ជប៉ុននឹងគម្រោងនៃការសាងសង់រថភ្លើងធុនស្រាលលើអាកាសនៅរាជធានីភ្នំពេញ ដែលនឹងជួយកាត់បន្ថយការកកស្ទះ និងគ្រោះថ្នាក់ចរាចរណ៍ព្រមទាំងជួយទាក់ទាញភ្លៀវទេសចរ ឲ្យមកកម្ពុជាផងដែរ»។
សម្តេច ហ៊ុន សែន បានស្នើទៅកាន់លោក ស៊ីនហ្សូ អាបេ នាយករដ្ឋមន្ត្រីជប៉ុន ឲ្យជួយសាងសង់ផ្លូវរថភ្លើងលើអាកាស ពីរាជធានីភ្នំពេញទៅព្រលានយន្តហោះអន្តរជាតិភ្នំពេញ ដែលត្រូវចំណាយទឹកប្រាក់ ៨០០លានដុល្លារអាមេរិក៕
Tag:
ជប៉ុន
កម្ពុជា
រថភ្លើងលើអាកាស
អាបេ
ហ៊ុន សែន
© រក្សាសិទ្ធិដោយ thmeythmey.com