អន្តរជាតិ
ប្រមុខ UN ស្នើឲ្យអាមេរិក និងកូរ៉េខាងជើងត្រឡប់ទៅចរចា និងត្រៀមជួយសម្របសម្រួលជម្លោះ
×![]()
អគ្គលេខាធិការអង្គការសហប្រជាជាតិលោក Antonio Guterres បានស្នើឲ្យមានការចរចារវាងអាមេរិក និងកូរ៉េខាងជើងជុំវិញការគំរាមកំហែងកម្ទេចគ្នាទៅវិញទៅមក។ អគ្គលេខាធិការរូបនេះបន្ថែមថា ដល់ពេលដែលគេត្រូវឈប់គំរាមកំហែងគ្នាដោយងាកមកចរចាគ្នាវិញ ហើយអង្គការសហប្រជាជាតិត្រៀមធ្វើជាអ្នកសម្របសម្រួលគ្រប់ពេល។
វាដល់ពេលហើយដែលអាមេរិក និងកូរ៉េខាងជើង ត្រូវបញ្ឈប់ការគំរាមកំហែងកម្ទេចគ្នាទៅវិញទៅមក និងងាកមកចរចាគ្នាវិញ។ នេះជាការលើកឡើងរបស់អគ្គលេខាធិការអង្គការសហប្រជាជាតិ Antonio Guterres ដោយលោកប្រកាសថា លោកស្ម័គ្រចិត្តធ្វើជាអ្នកសម្របសម្រួលបានគ្រប់ពេល បើសិនជាភាគីស្នើសុំ។
ទូរទស្សន៍ Al Jazeera បានស្រង់សម្ដីលោក Antonio Guterres ដូច្នេះថា៖«អង្គការសហប្រជាជាតិអាចធ្វើជាអ្នកសម្របសម្រួលបានគ្រប់ពេល។នេះជាសារដែលខ្ញុំចង់ផ្ដាំទៅឲ្យបណ្តាអ្នកតំណាងនៅក្នុងកិច្ចចរចាទាំងប្រាំមួយភាគី»។
អគ្គលេខាធិការអង្គការសហប្រជាជាតិរូបនេះបានសង្កត់ធ្ងន់ថា ទាក់ទិននឹងបញ្ហានៅឧបទ្វីបកូរ៉េត្រូវតែដោះស្រាយដោយការចរចា ព្រោះលទ្ធផលប្រាកដអាក្រក់រហូតដល់ស្មានមិនដល់កើតឡើង ប្រសិនគេយកចំណាត់ការយោធាមកដោះស្រាយនោះ។
តាមពិតទៅការស្នើសុំរបស់លោក Guterres ឲ្យភាគីជម្លោះចរចាគ្នាគឺ ដើម្បីបន្ថែមទម្ងន់ទៅលើពាក្យសម្ដីរបស់មហាអំណាចចិនដែលប្រាប់ឲ្យអាមេរិក និងកូរ៉េខាងជើងបញ្ឈប់ការគំរាមកំហែងគ្នា ហើយងាកទៅចរចាគ្នាដើម្បីដោះស្រាយជម្លោះដោយសន្តិវិធីវិញ។
កន្លងមករដ្ឋមន្ត្រីការបរទេសចិនលោក វ៉ាង យី ក៏បានឆ្លងឆ្លើយជាមួយសមភាគីរុស្សីលោកSergey Lavrov តាមរយៈទូរស័ព្ទដែរ ដោយលោកបញ្ជាក់ថា ចិន និងរុស្សីគួរតែសហការគ្នាដើម្បីលុបបំបាត់ភាពតានតឹងនៅឧបទ្វីបកូរ៉េ។ នេះក៏ដោយសារ ទាំងចិន និងរុស្ស៊ីមិនចង់ឃើញបញ្ហាមិននឹកស្មានដល់កើតឡើងនៅជិតទ្វារផ្ទះរបស់ខ្លួនឡើយ។
ដោយឡែក ដើម្បីបន្ធូរបន្ថយស្ថានការណ៍ នាយករដ្ឋមន្ត្រីកូរ៉េខាងត្បូង Lee Nak Yeon បានបដិសេធការស្នើសុំរបស់អ្នកនយោបាយបក្សប្រឆាំងឲ្យពង្រាយអាវុធនុយក្លេអ៊ែរ ដើម្បីតបតកូរ៉េខាងជើងដែរ។ ប្រមុខរដ្ឋាភិបាលកូរ៉េខាងត្បូងយល់ថា សកម្មភាពបែបនេះនឹងបំផ្លាញការខំព្យាយាមរបស់សហគមន៍អន្តរជាតិក្នុងការជំរុញឲ្យកូរ៉េខាងជើងរំសាយកម្មវិធីនុយក្លេអ៊ែរខ្លួន។ ផ្ទុយទៅវិញ វានឹងបង្កឲ្យមានការប្រណាំងប្រជែងអាវុធក្នុងតំបន់អាស៊ី និងជំរុញឲ្យការផលិតអាវុធនុយក្លេអ៊ែរកើនឡើងផងដែរ។
យ៉ាងណាក៏ដោយ ស្ថានការណ៍ហាក់ប្រសើរឡើងបន្តិច ព្រោះមេដឹកនាំកូរ៉េខាងជើង គីម ជុងអ៊ុន បានពន្យារការសម្រេចចិត្តបាញ់មីស៊ីលទៅកាន់តំបន់ក្បែរកោះហ្គាម។ មេដឹកនាំរដ្ឋកុម្មុយនីស្ដរូបនេះអះអាងថា ខ្លួននៅរងចាំមើលសកម្មភាពរបស់អាមេរិកមុនសិន។ ចំណែកលោកប្រធានាធិបតី ដូណាល់ ត្រាំ ឯណោះវិញបានសរសើរ គីម ជុងអ៊ុន ដែលបានពន្យារការបាញ់មីស៊ីលនេះផងដែរ ដោយលោកហៅការសម្រេចចិត្តនេះជារឿងសមហេតុផលនិងឆ្លាតវៃ៕
វាដល់ពេលហើយដែលអាមេរិក និងកូរ៉េខាងជើង ត្រូវបញ្ឈប់ការគំរាមកំហែងកម្ទេចគ្នាទៅវិញទៅមក និងងាកមកចរចាគ្នាវិញ។ នេះជាការលើកឡើងរបស់អគ្គលេខាធិការអង្គការសហប្រជាជាតិ Antonio Guterres ដោយលោកប្រកាសថា លោកស្ម័គ្រចិត្តធ្វើជាអ្នកសម្របសម្រួលបានគ្រប់ពេល បើសិនជាភាគីស្នើសុំ។
ទូរទស្សន៍ Al Jazeera បានស្រង់សម្ដីលោក Antonio Guterres ដូច្នេះថា៖«អង្គការសហប្រជាជាតិអាចធ្វើជាអ្នកសម្របសម្រួលបានគ្រប់ពេល។នេះជាសារដែលខ្ញុំចង់ផ្ដាំទៅឲ្យបណ្តាអ្នកតំណាងនៅក្នុងកិច្ចចរចាទាំងប្រាំមួយភាគី»។
អគ្គលេខាធិការអង្គការសហប្រជាជាតិរូបនេះបានសង្កត់ធ្ងន់ថា ទាក់ទិននឹងបញ្ហានៅឧបទ្វីបកូរ៉េត្រូវតែដោះស្រាយដោយការចរចា ព្រោះលទ្ធផលប្រាកដអាក្រក់រហូតដល់ស្មានមិនដល់កើតឡើង ប្រសិនគេយកចំណាត់ការយោធាមកដោះស្រាយនោះ។
តាមពិតទៅការស្នើសុំរបស់លោក Guterres ឲ្យភាគីជម្លោះចរចាគ្នាគឺ ដើម្បីបន្ថែមទម្ងន់ទៅលើពាក្យសម្ដីរបស់មហាអំណាចចិនដែលប្រាប់ឲ្យអាមេរិក និងកូរ៉េខាងជើងបញ្ឈប់ការគំរាមកំហែងគ្នា ហើយងាកទៅចរចាគ្នាដើម្បីដោះស្រាយជម្លោះដោយសន្តិវិធីវិញ។
កន្លងមករដ្ឋមន្ត្រីការបរទេសចិនលោក វ៉ាង យី ក៏បានឆ្លងឆ្លើយជាមួយសមភាគីរុស្សីលោកSergey Lavrov តាមរយៈទូរស័ព្ទដែរ ដោយលោកបញ្ជាក់ថា ចិន និងរុស្សីគួរតែសហការគ្នាដើម្បីលុបបំបាត់ភាពតានតឹងនៅឧបទ្វីបកូរ៉េ។ នេះក៏ដោយសារ ទាំងចិន និងរុស្ស៊ីមិនចង់ឃើញបញ្ហាមិននឹកស្មានដល់កើតឡើងនៅជិតទ្វារផ្ទះរបស់ខ្លួនឡើយ។
ដោយឡែក ដើម្បីបន្ធូរបន្ថយស្ថានការណ៍ នាយករដ្ឋមន្ត្រីកូរ៉េខាងត្បូង Lee Nak Yeon បានបដិសេធការស្នើសុំរបស់អ្នកនយោបាយបក្សប្រឆាំងឲ្យពង្រាយអាវុធនុយក្លេអ៊ែរ ដើម្បីតបតកូរ៉េខាងជើងដែរ។ ប្រមុខរដ្ឋាភិបាលកូរ៉េខាងត្បូងយល់ថា សកម្មភាពបែបនេះនឹងបំផ្លាញការខំព្យាយាមរបស់សហគមន៍អន្តរជាតិក្នុងការជំរុញឲ្យកូរ៉េខាងជើងរំសាយកម្មវិធីនុយក្លេអ៊ែរខ្លួន។ ផ្ទុយទៅវិញ វានឹងបង្កឲ្យមានការប្រណាំងប្រជែងអាវុធក្នុងតំបន់អាស៊ី និងជំរុញឲ្យការផលិតអាវុធនុយក្លេអ៊ែរកើនឡើងផងដែរ។
យ៉ាងណាក៏ដោយ ស្ថានការណ៍ហាក់ប្រសើរឡើងបន្តិច ព្រោះមេដឹកនាំកូរ៉េខាងជើង គីម ជុងអ៊ុន បានពន្យារការសម្រេចចិត្តបាញ់មីស៊ីលទៅកាន់តំបន់ក្បែរកោះហ្គាម។ មេដឹកនាំរដ្ឋកុម្មុយនីស្ដរូបនេះអះអាងថា ខ្លួននៅរងចាំមើលសកម្មភាពរបស់អាមេរិកមុនសិន។ ចំណែកលោកប្រធានាធិបតី ដូណាល់ ត្រាំ ឯណោះវិញបានសរសើរ គីម ជុងអ៊ុន ដែលបានពន្យារការបាញ់មីស៊ីលនេះផងដែរ ដោយលោកហៅការសម្រេចចិត្តនេះជារឿងសមហេតុផលនិងឆ្លាតវៃ៕
Tag:
Antonio Guterres
កូរ៉េខាងជើង
គីម ជុងអ៊ុន
ឧបទ្វីបកូរ៉េ
© រក្សាសិទ្ធិដោយ thmeythmey.com
