អាជីវកម្មបិតតែមឡានម៉ូតូ មានប្រជាប្រិយភាព ពិសេសនៅអំឡុងថ្ងៃបុណ្យជាតិ

រថយន្ត

21, Aug 2017 , 7:39 pm

រូបភាព

ដោយ:

ភ្នំពេញ៖ នៅផ្លូវម្តុំមុខវត្តទួលសង្កែ ក្នុងខណ្ឌឫស្សីកែវ មានតូបបិតតែមម៉ូតូឡាន បានបើកព្រោងព្រាត ដើម្បីបំពេញតម្រូវការអថិតិជន ដែលចេះតែកើនឡើង។ បើទោះបីមានតូបច្រើនប្រជែងគ្នាក្តី ប៉ុន្តែយូរៗម្តង មាន អថិតិជនមកបិតតែមជាបន្តបន្ទាប់។ លោក សួ សោភ័ណ្ឌ អាជីវករបិតតែមម៉ូតូឡាននៅ ក្បែរផ្លូវរថភ្លើង បានអះអាងថា អតិថិជនរបស់លោកភាគច្រើន មិនមែនជាអ្នកជិះរថយន្តនោះទេ ប៉ុន្តែម៉ូយភាគច្រើនរបស់លោក គឺជាអ្នកជិះម៉ូតូ។



អាជីវកម្មបិតតែមម៉ូតូឡាន ត្រូវបានរីកស្អេកស្កះនៅរាជធានីភ្នំពេញ។ តំបន់មុខវត្តទួលសង្កែ ក៏ស្ថិតក្នុងចំណោមកន្លែងប្រមូលផ្តុំអាជីវកម្មនេះដែរ។ តាមផ្លូវជាប់របងវត្តទួលសង្កែ មានតូបតូចៗជាច្រើន បានបង្ហាញស្លាកយីហោថា៖«បិតតែម ឡាន ម៉ូតូ…»។

លោក សួ សោភ័ណ្ឌ អាជីវកម្មបិតតែមយានយន្តនៅម្តុំទួលសង្កែ បានបញ្ជាក់ថា អតិថិជនរបស់លោកភាគច្រើន គឺជាអ្នកជិះម៉ូតូ និងមានវ័យកណ្តាល។ បន្ថែមពីនេះ លោកច្រើនតែទទួលបានអថិតិជនជាអ្នកបើកបរតាក់ស៊ី ដែលពួកគេត្រូវការបិទតួឡានទាំងមូលតែម្តង។

លោកបញ្ជាក់យ៉ាងដូច្នេះថា៖«សម្រាប់ម៉ូតូ បើថ្ងៃធម្មតា ខ្ញុំទទួលបានម៉ូយ៣ឬ៤នាក់។ ចំណែក ថ្ងៃចុងសប្តាហ៍ ខ្ញុំបាន៥ឬ៦នាក់»។

មានស្រុកកំណើតនៅខេត្តកំពង់ចាម បុរសវ័យ២៩ឆ្នាំរូបនេះ បានធ្វើជាកូនជាងបិតតែមជាច្រើនឆ្នាំ រហូតមានគំនិត និងដើមទុន បើកតូបប្រកបអាជីពនេះដោយខ្លួនឯងតែម្តង។
តែមម៉ូតូមួយគ្រឿងមានតម្លៃចាប់ពី៨ ទៅ១៥ដុល្លារ ខណៈតែមបិតឡាន មានតម្លៃជាង១០០ដុល្លារ។ នេះបើតាមការបញ្ជាក់របស់ សួ សោភ័ណ្ឌ។

សូមអញ្ជើញស្តាប់បទសម្ភាសរវាង លោក រ៉ឹម ភារី អ្នកយកព័ត៌មានរបស់គេហទំព័រថ្មីៗ ជាមួយ លោក សួ សោភ័ណ្ឌ ដូចតទៅ៖