អន្តរជាតិ
ថៃ៖ រដ្ឋមន្ត្រីការពារជាតិនិងមេប៉ូលិសជាតិរងបណ្ដឹង ព្រោះបណ្ដោយឲ្យលោកស្រី យីងឡាក់ គេចខ្លួន
ឧបនាយករដ្ឋមន្រ្តីថៃ Prawit Wongsuwon និងមេប៉ូលិសជាតិ Chakthip Chaijinda រងបណ្ដឹង ព្រោះបណ្ដោយឲ្យលោកស្រី យីងឡាក់ ស៊ីណាវ៉ាត់ រត់គេចខ្លួន
×![]()
ដោយ: តន ចាន់រិទ្ធារ៉ា
របបសឹកថៃបានរងការរិះគន់យ៉ាងខ្លាំងជុំវិញការបាត់ខ្លួនរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ ដែលគេជឿថាកំពុងស្ថិតនៅទីក្រុងឌូបៃ។ នៅថ្ងៃទី២៨ ខែសីហា សកម្មជនការពាររដ្ឋធម្មនុញ្ញម្នាក់បានដាក់ពាក្យបណ្ដឹងប្រឆាំងឧបនាយករដ្ឋមន្ត្រី ប្រាវីត វង្សសុវណ្ណ (Prawit Wongsuwon) និងមេប៉ូលិសជាតិ Chakthip Chaijinda ដែលបណ្ដោយឲ្យលោកស្រី យីងឡាក់ រត់គេចបាន។
លោក Srisuwan Chanya អគ្គលេខាធិការអង្គការការពាររដ្ឋធម្មនុញ្ញ បានដាក់ពាក្យបណ្ដឹងប្រឆាំងមន្ត្រីជាន់ខ្ពស់របបយោធាថៃចំនួនពីរនាក់លើករណីបាត់ខ្លួនអតីតនាយករដ្ឋមន្ត្រី យីងឡាក់ ស៊ីណាវ៉ាត់ ។ លោក Chanya ប្ដឹងឧបនាយករដ្ឋមន្ត្រី និងជារដ្ឋមន្ត្រីការពារជាតិ ប្រាវីត វង្សសុវណ្ណ និងស្នងការប៉ូលិសជាតិ Chakthip Chaijinda ដែលធ្វេសប្រហែសក្នុងការងាររហូតបណ្ដោយឲ្យលោកស្រី យីងឡាក់ អាចចាកចេញពីប្រទេសបាន។
លោកស្រី យីងឡាក់ មិនបានបង្ហាញខ្លួនចំពោះមុខតុលាការទេនៅថ្ងៃទី២៥ ខែសីហា ដែលជាថ្ងៃប្រកាសសាលដីកាជុំវិញករណីធ្វេសប្រហែសក្នុងកម្មវិធីទិញអង្កររបស់រដ្ឋាភិបាលលោកស្រី ដែលបណ្ដាលឲ្យរដ្ឋខាតបង់រាប់រយលានដុល្លារ។ មេធាវីលោកស្រីបានប្រាប់តុលាការថា លោកស្រី យីងឡាក់ មានជំងឺ តែតុលាការមិនជឿ និងបានចេញបញ្ជាចាប់ខ្លួនទៀតផង។ សារព័ត៌មានថៃផ្សាយថា លោកស្រី យីងឡាក់ បានទៅដល់ឌូបៃបាត់ហើយ។
ឧបនាយករដ្ឋមន្ត្រីថៃ ប្រាវីត ដែលទទួលបន្ទុកការងារសន្តិសុខ បានសារភាពថា អតីតនាយករដ្ឋមន្ត្រីថៃរូបនេះបានចាកចេញពីប្រទេសទៅហើយ។ ម្ចាស់បណ្ដឹង លោក Chanya បានបង្ហាញការងឿងឆ្ងល់ថាហេតុអ្វីបានជាមន្ត្រីរដ្ឋាភិបាល និងមន្ត្រីសន្តិសសុខអនុញ្ញាតឲ្យលោកស្រី យីងឡាក់ ចាកចេញពីប្រទេសបានបែបនេះ ខណៈតាំងពីដើមមករបបសឹកថៃបានតាមដានសកម្មភាពលោកស្រីយ៉ាងដឹតដល់បំផុត។
«វាជារឿងធម្មតាដែលទង្វើគ្រប់ជំហានរបស់លោកស្រី យីងឡាក់ ត្រូវបានឃ្លាំមើលមិនដាក់ពីសំណាក់មន្ត្រីសន្តិសុខ។ ពួកគេក្លាយជាស្រមោលរបស់លោកស្រី ប៉ុន្តែដល់ថ្ងៃប្រកាសសាលដីកា បែរជាគ្មាននរណាដឹងថាលោកស្រីចាកចេញពីប្រទេសដោយរបៀបណា និងនៅពេលណាទៅវិញ»។ នេះជាការបញ្ជាក់របស់លោក Chanya ដែលបានដាក់បណ្ដឹងទៅកាន់គណៈកម្មការប្រឆាំងអំពើពុករលួយ និងផ្សាយដោយកាសែតបាងកកប៉ុស្តិ៍។
ក្រោយលោកស្រី យីងឡាក់ អនុវត្តមាននៅថ្ងៃប្រកាសសាលដីកា នាយករដ្ឋមន្ត្រី ប្រាយុទ្ធ ចន្ទអូចា ក៏បានប្រាប់ឲ្យមន្ត្រីសន្តិសុខស្វែងរកលោកស្រីផងដែរ ខណៈមកទល់ពេលនេះគេនៅតែមិនទាន់ច្បាស់ថាលោកស្រីនៅទីណាឲ្យប្រាកដដែរ។ ជាមួយគ្នានេះ លោក ប្រាយុទ្ធ ក៏និយាយដែរថា រដ្ឋាភិបាលថៃនឹងបដិសេធលិខិតឆ្លងដែនរបស់អតីតនាយករដ្ឋមន្ត្រីស្ត្រីដំបូងគេទៀតផង។ ពាក្យចចាមអារាមជាច្រើនបញ្ជាក់ថាលោកស្រីកំពុងស្ថិតនៅទីក្រុងឌូបៃជាមួយលោក ថាក់ស៊ីន ស៊ីណាវ៉ាត់ ជាបងប្រុស៕
លោក Srisuwan Chanya អគ្គលេខាធិការអង្គការការពាររដ្ឋធម្មនុញ្ញ បានដាក់ពាក្យបណ្ដឹងប្រឆាំងមន្ត្រីជាន់ខ្ពស់របបយោធាថៃចំនួនពីរនាក់លើករណីបាត់ខ្លួនអតីតនាយករដ្ឋមន្ត្រី យីងឡាក់ ស៊ីណាវ៉ាត់ ។ លោក Chanya ប្ដឹងឧបនាយករដ្ឋមន្ត្រី និងជារដ្ឋមន្ត្រីការពារជាតិ ប្រាវីត វង្សសុវណ្ណ និងស្នងការប៉ូលិសជាតិ Chakthip Chaijinda ដែលធ្វេសប្រហែសក្នុងការងាររហូតបណ្ដោយឲ្យលោកស្រី យីងឡាក់ អាចចាកចេញពីប្រទេសបាន។
លោកស្រី យីងឡាក់ មិនបានបង្ហាញខ្លួនចំពោះមុខតុលាការទេនៅថ្ងៃទី២៥ ខែសីហា ដែលជាថ្ងៃប្រកាសសាលដីកាជុំវិញករណីធ្វេសប្រហែសក្នុងកម្មវិធីទិញអង្កររបស់រដ្ឋាភិបាលលោកស្រី ដែលបណ្ដាលឲ្យរដ្ឋខាតបង់រាប់រយលានដុល្លារ។ មេធាវីលោកស្រីបានប្រាប់តុលាការថា លោកស្រី យីងឡាក់ មានជំងឺ តែតុលាការមិនជឿ និងបានចេញបញ្ជាចាប់ខ្លួនទៀតផង។ សារព័ត៌មានថៃផ្សាយថា លោកស្រី យីងឡាក់ បានទៅដល់ឌូបៃបាត់ហើយ។
ឧបនាយករដ្ឋមន្ត្រីថៃ ប្រាវីត ដែលទទួលបន្ទុកការងារសន្តិសុខ បានសារភាពថា អតីតនាយករដ្ឋមន្ត្រីថៃរូបនេះបានចាកចេញពីប្រទេសទៅហើយ។ ម្ចាស់បណ្ដឹង លោក Chanya បានបង្ហាញការងឿងឆ្ងល់ថាហេតុអ្វីបានជាមន្ត្រីរដ្ឋាភិបាល និងមន្ត្រីសន្តិសសុខអនុញ្ញាតឲ្យលោកស្រី យីងឡាក់ ចាកចេញពីប្រទេសបានបែបនេះ ខណៈតាំងពីដើមមករបបសឹកថៃបានតាមដានសកម្មភាពលោកស្រីយ៉ាងដឹតដល់បំផុត។
«វាជារឿងធម្មតាដែលទង្វើគ្រប់ជំហានរបស់លោកស្រី យីងឡាក់ ត្រូវបានឃ្លាំមើលមិនដាក់ពីសំណាក់មន្ត្រីសន្តិសុខ។ ពួកគេក្លាយជាស្រមោលរបស់លោកស្រី ប៉ុន្តែដល់ថ្ងៃប្រកាសសាលដីកា បែរជាគ្មាននរណាដឹងថាលោកស្រីចាកចេញពីប្រទេសដោយរបៀបណា និងនៅពេលណាទៅវិញ»។ នេះជាការបញ្ជាក់របស់លោក Chanya ដែលបានដាក់បណ្ដឹងទៅកាន់គណៈកម្មការប្រឆាំងអំពើពុករលួយ និងផ្សាយដោយកាសែតបាងកកប៉ុស្តិ៍។
ក្រោយលោកស្រី យីងឡាក់ អនុវត្តមាននៅថ្ងៃប្រកាសសាលដីកា នាយករដ្ឋមន្ត្រី ប្រាយុទ្ធ ចន្ទអូចា ក៏បានប្រាប់ឲ្យមន្ត្រីសន្តិសុខស្វែងរកលោកស្រីផងដែរ ខណៈមកទល់ពេលនេះគេនៅតែមិនទាន់ច្បាស់ថាលោកស្រីនៅទីណាឲ្យប្រាកដដែរ។ ជាមួយគ្នានេះ លោក ប្រាយុទ្ធ ក៏និយាយដែរថា រដ្ឋាភិបាលថៃនឹងបដិសេធលិខិតឆ្លងដែនរបស់អតីតនាយករដ្ឋមន្ត្រីស្ត្រីដំបូងគេទៀតផង។ ពាក្យចចាមអារាមជាច្រើនបញ្ជាក់ថាលោកស្រីកំពុងស្ថិតនៅទីក្រុងឌូបៃជាមួយលោក ថាក់ស៊ីន ស៊ីណាវ៉ាត់ ជាបងប្រុស៕
Tag:
ថៃ
Prawit Wongsuwon
Chakthip Chaijinda
យីងឡាក់ ស៊ីណាវ៉ាត់
© រក្សាសិទ្ធិដោយ thmeythmey.com
