អន្តរជាតិ
ក្រុមរដ្ឋឥស្លាមជញ្ជូនអាវុធធុនធ្ងន់ទៅការពារមូលដ្ឋានចុងក្រោយនៅស៊ីរី
×![]()
ដោយ: តន ចាន់រិទ្ធារ៉ា
ក្រសួងការពារជាតិរុស្ស៊ីបាននិយាយថា ក្រុមរដ្ឋឥស្លាមបានចាប់ផ្ដើមជញ្ជូនរថក្រោះ និងយុទ្ធោបករណ៍សង្គ្រាមផ្សេងទៀតទៅកាន់តំបន់ Deir ez-Zor ដើម្បីការពារទីតាំងនេះ ខណៈកងទ័ពរដ្ឋាភិបាលស៊ីរី ដែលគាំទ្រដោយកម្លាំងអាកាសរុស្ស៊ីកំពុងមានប្រៀបយ៉ាងខ្លាំង។ កម្លាំងយោធាស៊ីរីបានដណ្ដើមគ្រប់គ្រងទឹកដីពីដៃក្រុមរដ្ឋឥស្លាមជាបន្តបន្ទាប់ ដែលគេមើលឃើញបានថមថយកម្លាំងចំពោះជោគជ័យរបស់រដ្ឋាភិបាលស៊ីរី។
ក្រុមជ្រុលនិយមរដ្ឋឥស្លាមបានបន្តបាត់បង់មូលដ្ឋានរបស់ខ្លួនជាបន្តបន្ទាប់ទាំងនៅស៊ីរី និងអ៊ីរ៉ាក់។ នៅអ៊ីរ៉ាក់ ទាហានចម្រុះអ៊ីរ៉ាក់បានឡោមព័ទ្ធទីក្រុង Tal Afar ក៏ដូចជាកំពុងបើកប្រតិបត្តិការរំដោះទីក្រុងនេះផងដែរ។ ដោយឡែកនៅស៊ីរីវិញ ក្រុមជ្រុលនិយមមួយនេះក៏បរាជ័យក្នុងការការពារមូលដ្ឋានរបស់ពួកគេដែរ ខណៈដែលទាហានរដ្ឋាភិបាលស៊ីរីក្រោមជំនួយពីទាហានអាកាសរុស្ស៊ី បានវាយដណ្ដើមតំបន់ជាច្រើនមកគ្រប់គ្រងឡើងវិញ។
ក្រសួងការពារជាតិរុស្ស៊ីនៅថ្ងៃទី២៨ ខែសីហា បានប្រកាសថា ប្រតិបត្តិការឥតឈប់ឈររបស់កងទ័ពស៊ីរីរួមជាមួយជាមួយកម្លាំងអាកាសរុស្ស៊ី បានធ្វើឲ្យក្រុមរដ្ឋឥស្លាមខូចខាតយ៉ាងខ្លាំង និងបានប្រមូលផ្ដុំកម្លាំង ក៏ដូចជាអាវុធយុទ្ធភណ្ឌធុនធ្ងន់ជាច្រើនគ្រឿងទៅកាន់ទីក្រុង Deir ez-Zor ។ Deir ez-Zor ជាមូលដ្ឋានរឹងមាំរបស់ក្រុមជ្រុលនិយម ប៉ុន្តែកំពុងរងការវាយប្រហារយ៉ាងខ្លាំងពីសំណាក់កងទ័ពស៊ីរី និងយន្តហោះរុស្ស៊ី។
យោងតាមសារព័ត៌មាន RT ក្រសួងការពារជាតិរុស្ស៊ីបន្តថា ក្រុមនេះបានពង្រាយសម្ភារយោធាដូចជារថក្រោះ រថពាសដែក និងកាំភ្លើងធំនៅជុំវិញទីក្រុង Deir ez-Zor ។ បើតាមក្រសួងដដែល សកម្មភាពរបស់ក្រុមរដ្ឋឥស្លាម គឺជាសញ្ញាបង្ហាញថាពួកគេកំពុងចាត់ទុកជាតំបន់ជុំវិញ Deir ez-Zor ជាមូលដ្ឋានរឹងមាំចុងក្រោយនៅលើទឹកដីស៊ីរី។ ចំពោះមុខការរុលចូលរបស់ទាហានស៊ីរី ក្រុមរដ្ឋឥស្លាមត្រូវគេមើលឃើញថាបានបាក់ស្បាតជាខ្លាំង។
ស្របពេលដែលពួកជ្រុលនិយមកំពុងរៀបចំយុទ្ធសាស្ត្រការពារ Deir ez-Zor កម្លាំងទ័ពអាកាសរុស្ស៊ីបានបន្តយុទ្ធនាការរបស់ខ្លួន ដោយបានកម្ទេចសព្វាវុធរបស់ក្រុមរដ្ឋឥស្លាមជាច្រើនផងដែរ។ ដោយឡែក កម្លាំងស៊ីរីក្រោមជំនួយរបស់រុស្ស៊ីបានបន្តវាយប្រហារលើមូលដ្ឋានរបស់ក្រុមនេះនៅជុំវិញទីក្រុង Deir ez-Zor ហើយកំពុងតែរុលតាមបណ្ដោយច្រាំងខាងកើតទន្លេ Euphrates ។
ក្រុង Deir ez-Zor ត្រូវបានក្រុមជ្រុលនិយមកាន់កាប់អស់ពេលពីរឆ្នាំកន្លះមកហើយ បន្ទាប់ត្រូវបានក្រុមនេះដណ្ដើមត្រួតត្រាតាំងពីឆ្នាំ២០១៥ មកនោះ។ ក្នុងប្រតិបត្តិការរំដោះទីក្រុងនេះ កម្លាំងអាកាសរុស្ស៊ីបានបង្កើនប្រតិបត្តិការដល់ទៅ៧០ដងក្នុងមួយថ្ងៃ ដើម្បីជួយរំដោះទីក្រុងនេះឲ្យបានឆាប់ ស្របដែលយន្តហោះរុស្ស៊ី និងស៊ីរីជាច្រើនគ្រឿងក៏បានផ្គត់ផ្គង់អាហារដល់តំបន់ជុំវិញផងដែរ។ យ៉ាងណាក្ដី ស្ថានការណ៍នៅទីនោះនៅតែតានតឹង ដ្បិតក្រុមរដ្ឋឥស្លាមនៅលទ្ធភាពតបតវិញដែរ៕
ក្រុមជ្រុលនិយមរដ្ឋឥស្លាមបានបន្តបាត់បង់មូលដ្ឋានរបស់ខ្លួនជាបន្តបន្ទាប់ទាំងនៅស៊ីរី និងអ៊ីរ៉ាក់។ នៅអ៊ីរ៉ាក់ ទាហានចម្រុះអ៊ីរ៉ាក់បានឡោមព័ទ្ធទីក្រុង Tal Afar ក៏ដូចជាកំពុងបើកប្រតិបត្តិការរំដោះទីក្រុងនេះផងដែរ។ ដោយឡែកនៅស៊ីរីវិញ ក្រុមជ្រុលនិយមមួយនេះក៏បរាជ័យក្នុងការការពារមូលដ្ឋានរបស់ពួកគេដែរ ខណៈដែលទាហានរដ្ឋាភិបាលស៊ីរីក្រោមជំនួយពីទាហានអាកាសរុស្ស៊ី បានវាយដណ្ដើមតំបន់ជាច្រើនមកគ្រប់គ្រងឡើងវិញ។
ក្រសួងការពារជាតិរុស្ស៊ីនៅថ្ងៃទី២៨ ខែសីហា បានប្រកាសថា ប្រតិបត្តិការឥតឈប់ឈររបស់កងទ័ពស៊ីរីរួមជាមួយជាមួយកម្លាំងអាកាសរុស្ស៊ី បានធ្វើឲ្យក្រុមរដ្ឋឥស្លាមខូចខាតយ៉ាងខ្លាំង និងបានប្រមូលផ្ដុំកម្លាំង ក៏ដូចជាអាវុធយុទ្ធភណ្ឌធុនធ្ងន់ជាច្រើនគ្រឿងទៅកាន់ទីក្រុង Deir ez-Zor ។ Deir ez-Zor ជាមូលដ្ឋានរឹងមាំរបស់ក្រុមជ្រុលនិយម ប៉ុន្តែកំពុងរងការវាយប្រហារយ៉ាងខ្លាំងពីសំណាក់កងទ័ពស៊ីរី និងយន្តហោះរុស្ស៊ី។
យោងតាមសារព័ត៌មាន RT ក្រសួងការពារជាតិរុស្ស៊ីបន្តថា ក្រុមនេះបានពង្រាយសម្ភារយោធាដូចជារថក្រោះ រថពាសដែក និងកាំភ្លើងធំនៅជុំវិញទីក្រុង Deir ez-Zor ។ បើតាមក្រសួងដដែល សកម្មភាពរបស់ក្រុមរដ្ឋឥស្លាម គឺជាសញ្ញាបង្ហាញថាពួកគេកំពុងចាត់ទុកជាតំបន់ជុំវិញ Deir ez-Zor ជាមូលដ្ឋានរឹងមាំចុងក្រោយនៅលើទឹកដីស៊ីរី។ ចំពោះមុខការរុលចូលរបស់ទាហានស៊ីរី ក្រុមរដ្ឋឥស្លាមត្រូវគេមើលឃើញថាបានបាក់ស្បាតជាខ្លាំង។
ស្របពេលដែលពួកជ្រុលនិយមកំពុងរៀបចំយុទ្ធសាស្ត្រការពារ Deir ez-Zor កម្លាំងទ័ពអាកាសរុស្ស៊ីបានបន្តយុទ្ធនាការរបស់ខ្លួន ដោយបានកម្ទេចសព្វាវុធរបស់ក្រុមរដ្ឋឥស្លាមជាច្រើនផងដែរ។ ដោយឡែក កម្លាំងស៊ីរីក្រោមជំនួយរបស់រុស្ស៊ីបានបន្តវាយប្រហារលើមូលដ្ឋានរបស់ក្រុមនេះនៅជុំវិញទីក្រុង Deir ez-Zor ហើយកំពុងតែរុលតាមបណ្ដោយច្រាំងខាងកើតទន្លេ Euphrates ។
ក្រុង Deir ez-Zor ត្រូវបានក្រុមជ្រុលនិយមកាន់កាប់អស់ពេលពីរឆ្នាំកន្លះមកហើយ បន្ទាប់ត្រូវបានក្រុមនេះដណ្ដើមត្រួតត្រាតាំងពីឆ្នាំ២០១៥ មកនោះ។ ក្នុងប្រតិបត្តិការរំដោះទីក្រុងនេះ កម្លាំងអាកាសរុស្ស៊ីបានបង្កើនប្រតិបត្តិការដល់ទៅ៧០ដងក្នុងមួយថ្ងៃ ដើម្បីជួយរំដោះទីក្រុងនេះឲ្យបានឆាប់ ស្របដែលយន្តហោះរុស្ស៊ី និងស៊ីរីជាច្រើនគ្រឿងក៏បានផ្គត់ផ្គង់អាហារដល់តំបន់ជុំវិញផងដែរ។ យ៉ាងណាក្ដី ស្ថានការណ៍នៅទីនោះនៅតែតានតឹង ដ្បិតក្រុមរដ្ឋឥស្លាមនៅលទ្ធភាពតបតវិញដែរ៕
Tag:
រុស្ស៊ី
ក្រុមរដ្ឋឥស្លាម
ស៊ីរី
© រក្សាសិទ្ធិដោយ thmeythmey.com
