អន្តរជាតិ
×![]()
ដោយ: តន ចាន់រិទ្ធារ៉ា
អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត់ នៅថ្ងៃទី៣០ ខែសីហា បានបង្ហោះសារតាមបណ្ដាញសង្គម Twitter ដោយបានរិះគន់ប្រព័ន្ធយុត្តិធម៌ថៃក្រោមរបបដឹកនាំយោធា។ ការបង្ហោះសាររិះគន់នេះ ធ្វើឡើង ចំពេលដែលប្អូនស្រីរបស់លោក គឺអតីតនាយករដ្ឋមន្ត្រី យីងឡាក់ ស៊ីណាវ៉ាត់ កំពុងរត់គេចខ្លួនពីការកាត់ទោសរបស់តុលាការកំពូលថៃជុំវិញករណីធ្វេសប្រហែសក្នុងកម្មវិធីទិញអង្ករដែលធ្វើឲ្យរដ្ឋខាតបង់លុយរាប់រយលានដុល្លារ។
បន្ទាប់ពីស្ងៀមស្ងាត់អស់ពេលច្រើនឆ្នាំ អតីតនាយករដ្ឋមន្ត្រីថៃដ៏មានឥទ្ធិពល ថាក់ស៊ីន ស៊ីណាវ៉ាត់ បានចេញមុខរិះគន់របបដឹកនាំយោធាដែលកំពុងកាន់អំណាចនៅថៃ។ តាមរយៈបណ្ដាញ Twitter លោក ថាក់ស៊ីន បានរិះគន់របបសឹកដែលប្រើប្រាស់ប្រព័ន្ធតុលាការរឹតត្បិតសេរីភាព និងដាក់ទោសប្អូនស្រីរបស់លោក គឺអតីតនាយករដ្ឋមន្ត្រី យីងឡាក់ ស៊ីណាវ៉ាត់ ដែលរត់ទៅក្រៅប្រទេសមុនតុលាការប្រកាសសាលដីកាកាលពីសប្ដាហ៍មុន។
បើមិនគេចខ្លួនទេនោះ លោកស្រី យីងឡាក់ ប្រឈមមុខជាប់ពន្ធនាគាររយៈពេល១០ឆ្នាំ ក្រោមបទចោទធ្វេសប្រហែសក្នុងការងារដែលធ្វើឲ្យរដ្ឋខាតបង់រាប់រយលានដុល្លារក្នុងកម្មវិធីទិញអង្ករពីប្រជាជនក្នុងតម្លៃថ្លៃ ហើយលក់វិញក្នុងតម្លៃថោក។ អតីតរដ្ឋមន្ត្រីពីររូបរបស់រដ្ឋបាលលោកស្រី បានជាប់ទោសធ្ងន់ធ្ងរក្នុងសំណុំរឿងទិញអង្ករនេះ ខណៈលោកស្រី យីងឡាក់ ផ្ទាល់ បែរជាមិនបានបង្ហាញខ្លួននៅតុលាការទៅវិញ។
«ម៉ុងតេស្គីយើនិយាយថា គ្មានរបបផ្ដាច់ការណាសាហាវជាងរបបដែលរស់នៅស្ថិតស្ថេរដោយប្រើប្រាស់ច្បាប់ និងរស់ក្រោមឈ្មោះយុត្តិធម៌ឡើយ»។ នេះជាគឺជាអត្ថន័យក្នុងសាររបស់លោក ថាក់ស៊ីន ដែលបង្ហោះលើ Twitter របស់លោក ដោយបានដកស្រង់សម្ដីទស្សនវិទូបារាំង ម៉ុងតេស្គីយើ (Montesquieu) ដើម្បីរិះគន់របបយោធាថៃដែលបានទម្លាក់រដ្ឋាភិបាលបក្សភឿថៃរបស់លោកស្រិ យីងឡាក់ កាលពីឆ្នាំ២០១៤ ។
លោក ថាក់ស៊ីន ផ្ទាល់ក៏ធ្លាប់រងគ្រោះដោយសាររដ្ឋប្រហារដែរ។ កាលពីឆ្នាំ២០០៦ លោក ថាក់ស៊ីន ដែលកំពុងកាន់តំណែងនាយករដ្ឋមន្ត្រី ត្រូវបានក្រុមយោធាទម្លាក់ពីតំណែង ហើយមកដល់ឆ្នាំ២០០៨ លោកក៏ត្រូវតុលាការកាត់ទោសជាប់ពន្ធនាគារពីរឆ្នាំលើករណីពុករលួយ។ អតីតនាយករដ្ឋមន្ត្រីរូបនេះ បាននិរទេសខ្លួនទៅកាន់បរទេស និងបានទាត់ចោលការចោទប្រកាន់ទាំងនេះ ដោយចាត់ទុកជារឿងនយោបាយសុទ្ធសាធ។
គេជឿថាអតីតនាយករដ្ឋមន្ត្រីត្រូវជាបងប្អូនទាំងពីរនាក់នេះ កំពុងស្ថិតក្នុងទីក្រុងឌូបៃជាមួយគ្នា ព្រោះទីនោះជាកន្លែងដែលលោក ថាក់ស៊ីន កំពុងរស់នៅ។ មេបញ្ជាការកងទ័ពជើងគោកថៃក៏អះអាងថា លោក ថាក់ស៊ីន ទំនងជាបានជួយរៀបចំផែនការឲ្យប្អូនស្រីខ្លួនរត់គេចទៅក្រៅប្រទេសផងដែរ ដូចជាការត្រៀមយន្តហោះឯកជនសម្រាប់ដឹកលោកស្រី យីងឡាក់ ជាដើមផង៕
បន្ទាប់ពីស្ងៀមស្ងាត់អស់ពេលច្រើនឆ្នាំ អតីតនាយករដ្ឋមន្ត្រីថៃដ៏មានឥទ្ធិពល ថាក់ស៊ីន ស៊ីណាវ៉ាត់ បានចេញមុខរិះគន់របបដឹកនាំយោធាដែលកំពុងកាន់អំណាចនៅថៃ។ តាមរយៈបណ្ដាញ Twitter លោក ថាក់ស៊ីន បានរិះគន់របបសឹកដែលប្រើប្រាស់ប្រព័ន្ធតុលាការរឹតត្បិតសេរីភាព និងដាក់ទោសប្អូនស្រីរបស់លោក គឺអតីតនាយករដ្ឋមន្ត្រី យីងឡាក់ ស៊ីណាវ៉ាត់ ដែលរត់ទៅក្រៅប្រទេសមុនតុលាការប្រកាសសាលដីកាកាលពីសប្ដាហ៍មុន។
បើមិនគេចខ្លួនទេនោះ លោកស្រី យីងឡាក់ ប្រឈមមុខជាប់ពន្ធនាគាររយៈពេល១០ឆ្នាំ ក្រោមបទចោទធ្វេសប្រហែសក្នុងការងារដែលធ្វើឲ្យរដ្ឋខាតបង់រាប់រយលានដុល្លារក្នុងកម្មវិធីទិញអង្ករពីប្រជាជនក្នុងតម្លៃថ្លៃ ហើយលក់វិញក្នុងតម្លៃថោក។ អតីតរដ្ឋមន្ត្រីពីររូបរបស់រដ្ឋបាលលោកស្រី បានជាប់ទោសធ្ងន់ធ្ងរក្នុងសំណុំរឿងទិញអង្ករនេះ ខណៈលោកស្រី យីងឡាក់ ផ្ទាល់ បែរជាមិនបានបង្ហាញខ្លួននៅតុលាការទៅវិញ។
«ម៉ុងតេស្គីយើនិយាយថា គ្មានរបបផ្ដាច់ការណាសាហាវជាងរបបដែលរស់នៅស្ថិតស្ថេរដោយប្រើប្រាស់ច្បាប់ និងរស់ក្រោមឈ្មោះយុត្តិធម៌ឡើយ»។ នេះជាគឺជាអត្ថន័យក្នុងសាររបស់លោក ថាក់ស៊ីន ដែលបង្ហោះលើ Twitter របស់លោក ដោយបានដកស្រង់សម្ដីទស្សនវិទូបារាំង ម៉ុងតេស្គីយើ (Montesquieu) ដើម្បីរិះគន់របបយោធាថៃដែលបានទម្លាក់រដ្ឋាភិបាលបក្សភឿថៃរបស់លោកស្រិ យីងឡាក់ កាលពីឆ្នាំ២០១៤ ។
Montesquieu once said "There is no crueler tyranny than that which is perpetuated under the shield of law and in the name of the justice." — Thaksin Shinawatra (@ThaksinLive) August 30, 2017
លោក ថាក់ស៊ីន ផ្ទាល់ក៏ធ្លាប់រងគ្រោះដោយសាររដ្ឋប្រហារដែរ។ កាលពីឆ្នាំ២០០៦ លោក ថាក់ស៊ីន ដែលកំពុងកាន់តំណែងនាយករដ្ឋមន្ត្រី ត្រូវបានក្រុមយោធាទម្លាក់ពីតំណែង ហើយមកដល់ឆ្នាំ២០០៨ លោកក៏ត្រូវតុលាការកាត់ទោសជាប់ពន្ធនាគារពីរឆ្នាំលើករណីពុករលួយ។ អតីតនាយករដ្ឋមន្ត្រីរូបនេះ បាននិរទេសខ្លួនទៅកាន់បរទេស និងបានទាត់ចោលការចោទប្រកាន់ទាំងនេះ ដោយចាត់ទុកជារឿងនយោបាយសុទ្ធសាធ។
គេជឿថាអតីតនាយករដ្ឋមន្ត្រីត្រូវជាបងប្អូនទាំងពីរនាក់នេះ កំពុងស្ថិតក្នុងទីក្រុងឌូបៃជាមួយគ្នា ព្រោះទីនោះជាកន្លែងដែលលោក ថាក់ស៊ីន កំពុងរស់នៅ។ មេបញ្ជាការកងទ័ពជើងគោកថៃក៏អះអាងថា លោក ថាក់ស៊ីន ទំនងជាបានជួយរៀបចំផែនការឲ្យប្អូនស្រីខ្លួនរត់គេចទៅក្រៅប្រទេសផងដែរ ដូចជាការត្រៀមយន្តហោះឯកជនសម្រាប់ដឹកលោកស្រី យីងឡាក់ ជាដើមផង៕
Tag:
ថៃ
ថាក់ស៊ីន ស៊ីណាវ៉ាត់
យីងឡាក់ ស៊ីណាវ៉ាត់
© រក្សាសិទ្ធិដោយ thmeythmey.com
