អន្តរជាតិ
×![]()
ដោយ: តន ចាន់រិទ្ធារ៉ា
រាល់ពេលកូរ៉េខាងជើងបាញ់មីស៊ីលម្ដងៗ អាមេរិក កូរ៉េខាងត្បូង និងជប៉ុន តែងស្នើឲ្យមានការដាក់សម្ពាធ ឬបន្ថែមទណ្ឌកម្មលើរដ្ឋកុម្មុយនីស្តមួយនេះដើម្បីកុំឲ្យបំពានច្បាប់អន្តរជាតិទៀត។ យ៉ាងណាក្ដី ប្រធានាធិបតីរុស្ស៊ី វ្ល៉ាឌីមៀ ពូទីន បែរជាយល់ឃើញខុសពីនេះ ដោយលោកចាត់ទុកការដាក់សម្ពាធលើកូរ៉េខាងជើង គឺជាការដើរលើផ្លូវខុស ហើយគ្មានបានផលអ្វីទេ។ លោក ពូទីន បានស្នើឲ្យប្រើប្រាស់ការចរចាដើម្បីបញ្ចប់បញ្ហានេះ។
ប្រធានាធិបតីរុស្ស៊ី វ្ល៉ាឌីមៀ ពូទីន បានព្រមានពីគ្រោះថ្នាក់នៃវិបត្តិនុយក្លេអ៊ែររបស់កូរ៉េខាងជើង ខណៈដែលកូរ៉េខាងជើង និងអាមេរិករួមនិងសម្ព័ន្ធមិត្តរបស់ខ្លួន បានគំរាមគ្នាទៅវិញទៅមក ដែលធ្វើឲ្យស្ថានការណ៍នៅឧបទ្វីបកូរ៉េតានតឹងខ្លាំង។ លោក ពូទីន ក៏បានរិះគន់ការទាមទារឲ្យមានការសម្ពាធបន្ថែមលើកូរ៉េខាងជើង ព្រោះចំណាត់ការរបៀបនេះ ប្រៀបដូចជាផ្លូវមរណៈ ដែលមិនអាចដោះស្រាយបញ្ហាបានឡើយ។
ក្នុងអត្ថបទផ្ញើទៅកាន់ប្រព័ន្ធផ្សព្វផ្សាយនៃបណ្ដាប្រទេស BRICS ប្រធានាធិបតីរូបនេះនិយាយថា នយោបាយនៃការដាក់សម្ពាធលើក្រុងព្យុងយ៉ាងដើម្បីបញ្ឈប់កម្មវិធីនុយក្លេអ៊ែរ គឺជាការដើរលើផ្លូវខុស និងគ្មានខ្លឹមសារអ្វីទេ។ លោក ពូទីន បន្តថា បញ្ហាមួយនេះគួរដោះស្រាយតាមការចរចារវាងភាគីពាក់ព័ន្ធទាំងអស់ ដោយគ្មានលក្ខខណ្ឌអ្វីឡើយ ហើយការគំរាមប្រើកម្លាំងយោធា ការបង្ករឿង គឺមិនមែនជាដំណោះស្រាយដែរ។
យោងតាមទីភ្នាក់ងារព័ត៌មានរុស្ស៊ី TASS លោក ពូទីន ចាត់ទុកស្ថានភាពនៅឧបទ្វីបកូរ៉េក្នុងគ្រាបច្ចុប្បន្នថាស្ថិតក្នុងដំណាក់កាលដែលអាចឈានដល់ជម្លោះដ៏មហន្តរាយ។ ចំពោះការដោះស្រាយបញ្ហានេះ លោក ពូទីន ក៏បញ្ជាក់ដែរថា រុស្ស៊ី និងចិន បានគូសវាសផែនទីដើម្បីបន្ធូរបន្ថយភាពតានតឹង និងបង្កើតសន្តិភាពយូរអង្វែងសម្រាប់តំបន់អាស៊ីខាងជើង ដោយមិនចាំបាច់ប្រើប្រាស់កម្លាំងទ័ពដោះស្រាយបញ្ហាឡើយ។
តាមពិតទៅ ចិន និងរុស្ស៊ី ប្រកាន់ជំហរដូចគ្នាលើការបញ្ចប់បញ្ហានុយក្លេអ៊ែរកូរ៉េខាងជើង ដោយប្រទេសទាំងពីរប្រកាន់ជំហរដោះស្រាយដោយសន្តិភាព គ្មានការគំរាមកំហែង ជាពិសេសនោះគឺការចរចាដោយគ្មានលក្ខខណ្ឌ។ ចិន និងរុស្ស៊ី ក៏តែងស្នើឲ្យភាគីទាំងសងបញ្ឈប់ទង្វើបង្កហេតុដាក់គ្នា ដោយកូរ៉េខាងជើងត្រូវឈប់បាញ់មីស៊ីល ឬសាកល្បងនុយក្លេអ៊ែរ ឯអាមេរិក និងកូរ៉េខាងត្បូងឈប់ធ្វើសមយុទ្ធយោធាទៀត ហើយត្រូវងាកចូលតុចរចាវិញ។
កូរ៉េខាងជើង បានបាញ់មីស៊ីលរំលងជប៉ុននៅដើមសប្ដាហ៍នេះ ដែលធ្វើឲ្យអាមេរិក និងជប៉ុន ខឹងសម្បារយ៉ាងខ្លាំង។ ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់ និងបានថ្កោលទោសទង្វើព្រហើនរបស់កូរ៉េខាងជើងទៀតផង ចំណែកជប៉ុន កូរ៉េខាងត្បូងបានស្នើឲ្យមានការដាក់សម្ពាធបន្ថែមទៀតផង៕
ប្រធានាធិបតីរុស្ស៊ី វ្ល៉ាឌីមៀ ពូទីន បានព្រមានពីគ្រោះថ្នាក់នៃវិបត្តិនុយក្លេអ៊ែររបស់កូរ៉េខាងជើង ខណៈដែលកូរ៉េខាងជើង និងអាមេរិករួមនិងសម្ព័ន្ធមិត្តរបស់ខ្លួន បានគំរាមគ្នាទៅវិញទៅមក ដែលធ្វើឲ្យស្ថានការណ៍នៅឧបទ្វីបកូរ៉េតានតឹងខ្លាំង។ លោក ពូទីន ក៏បានរិះគន់ការទាមទារឲ្យមានការសម្ពាធបន្ថែមលើកូរ៉េខាងជើង ព្រោះចំណាត់ការរបៀបនេះ ប្រៀបដូចជាផ្លូវមរណៈ ដែលមិនអាចដោះស្រាយបញ្ហាបានឡើយ។
ក្នុងអត្ថបទផ្ញើទៅកាន់ប្រព័ន្ធផ្សព្វផ្សាយនៃបណ្ដាប្រទេស BRICS ប្រធានាធិបតីរូបនេះនិយាយថា នយោបាយនៃការដាក់សម្ពាធលើក្រុងព្យុងយ៉ាងដើម្បីបញ្ឈប់កម្មវិធីនុយក្លេអ៊ែរ គឺជាការដើរលើផ្លូវខុស និងគ្មានខ្លឹមសារអ្វីទេ។ លោក ពូទីន បន្តថា បញ្ហាមួយនេះគួរដោះស្រាយតាមការចរចារវាងភាគីពាក់ព័ន្ធទាំងអស់ ដោយគ្មានលក្ខខណ្ឌអ្វីឡើយ ហើយការគំរាមប្រើកម្លាំងយោធា ការបង្ករឿង គឺមិនមែនជាដំណោះស្រាយដែរ។
យោងតាមទីភ្នាក់ងារព័ត៌មានរុស្ស៊ី TASS លោក ពូទីន ចាត់ទុកស្ថានភាពនៅឧបទ្វីបកូរ៉េក្នុងគ្រាបច្ចុប្បន្នថាស្ថិតក្នុងដំណាក់កាលដែលអាចឈានដល់ជម្លោះដ៏មហន្តរាយ។ ចំពោះការដោះស្រាយបញ្ហានេះ លោក ពូទីន ក៏បញ្ជាក់ដែរថា រុស្ស៊ី និងចិន បានគូសវាសផែនទីដើម្បីបន្ធូរបន្ថយភាពតានតឹង និងបង្កើតសន្តិភាពយូរអង្វែងសម្រាប់តំបន់អាស៊ីខាងជើង ដោយមិនចាំបាច់ប្រើប្រាស់កម្លាំងទ័ពដោះស្រាយបញ្ហាឡើយ។
តាមពិតទៅ ចិន និងរុស្ស៊ី ប្រកាន់ជំហរដូចគ្នាលើការបញ្ចប់បញ្ហានុយក្លេអ៊ែរកូរ៉េខាងជើង ដោយប្រទេសទាំងពីរប្រកាន់ជំហរដោះស្រាយដោយសន្តិភាព គ្មានការគំរាមកំហែង ជាពិសេសនោះគឺការចរចាដោយគ្មានលក្ខខណ្ឌ។ ចិន និងរុស្ស៊ី ក៏តែងស្នើឲ្យភាគីទាំងសងបញ្ឈប់ទង្វើបង្កហេតុដាក់គ្នា ដោយកូរ៉េខាងជើងត្រូវឈប់បាញ់មីស៊ីល ឬសាកល្បងនុយក្លេអ៊ែរ ឯអាមេរិក និងកូរ៉េខាងត្បូងឈប់ធ្វើសមយុទ្ធយោធាទៀត ហើយត្រូវងាកចូលតុចរចាវិញ។
កូរ៉េខាងជើង បានបាញ់មីស៊ីលរំលងជប៉ុននៅដើមសប្ដាហ៍នេះ ដែលធ្វើឲ្យអាមេរិក និងជប៉ុន ខឹងសម្បារយ៉ាងខ្លាំង។ ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់ និងបានថ្កោលទោសទង្វើព្រហើនរបស់កូរ៉េខាងជើងទៀតផង ចំណែកជប៉ុន កូរ៉េខាងត្បូងបានស្នើឲ្យមានការដាក់សម្ពាធបន្ថែមទៀតផង៕
Tag:
រុស្ស៊ី
កូរ៉េខាងជើង
វ្ល៉ាឌីមៀ ពូទីន
នុយក្លេអ៊ែរ
© រក្សាសិទ្ធិដោយ thmeythmey.com
