ជាតិ
នយោបាយជាតិ
ពីរខែចុងក្រោយ មេបក្ស៣នាក់ត្រូវបានចាប់ខ្លួនជាបន្តបន្ទាប់ ក្រោមបទចោទប្រកាន់ផ្សេងៗគ្នា ពីឆ្វេងទៅស្តាំ៖ លោក ញឹក ប៊ុនឆៃ លោក សួន សេរីរដ្ឋា និងលោក កឹម សុខា ។ រូបថត ហ្វេសប៊ុក
× បន្ទាប់ពីលោក ញឹក ប៊ុនឆៃ ប្រធានគណបក្សខ្មែររួបរួមជាតិ លោក សួន សេរីរដ្ឋា ប្រធានគណបក្សអំណាចខ្មែរ លោក កឹម សុខា គឺជាប្រធានគណបក្សនយោបាយទីបីដែលត្រូវបានចាប់ខ្លួននារយៈពេល២ខែចុងក្រោយនេះ។ ទោះបីជាយ៉ាងណាក៏ដោយ អ្នកនយោបាយទាំងបី ត្រូវបានចាប់ខ្លួនក្រោមបទចោទប្រកាន់ផ្សេងៗ ដោយមិនមានអ្វីជាប់ពាក់ព័ន្ធនឹងគ្នានោះឡើយ។
លោក ញឹក ប៊ុនឆៃ ប្រធានគណបក្សខ្មែររួបរួមជាតិ ត្រូវបានចាប់ខ្លួនកាលពីថ្ងៃទី៣ ខែសីហា ពាក់ព័ន្ធនឹង
បទសមគំនិតពីបទផលិតគ្រឿងញៀននៅខេត្តកំពង់ស្ពឺ កាលពីអំឡុងឆ្នាំ២០០៧។ នៅថ្ងៃទី៦ ខែសីហា អតីតមេទ័ព និងជាឧបនាយករដ្ឋមន្ត្រីរូបនេះ ត្រូវបានអយ្យការសាលាដំបូងរាជធានីភ្នំពេញ សម្រេចចោទប្រកាន់ពីបទសមគំនិតផលិតគ្រឿងញៀន និងនាំចូលសារធាតុផ្សំគ្រឿងញៀន កាលពី១០ឆ្នាំមុន។
ពីក្នុងពន្ធនាគារព្រៃស លោក ញឹក ប៊ុនឆៃ បាន
សរសរលិខិតប្រាប់ទៅសមាជិកបក្សឲ្យសម្រេចលើវាសនា ហើយបានសារភាពថា ខ្លួនប្រព្រឹត្តអំពើមិនគប្បីចំពោះសម្តេច ហ៊ុន សែន ដែលជាផលវិបាកនាំមកនូវការខូចខាតប្រយោជន៍របស់គណបក្សដែលសមាជិកទាំងអសបានកសាងរួមគ្នា។
បច្ចុប្បន្ន លោក ភ្នំពេញ៖
លោក សឹង្ហ គិរី សមាជិកគណៈកម្មាធិការនាយកនៃគណបក្សខ្មែររួបរួមជាតិ និងជាមនុស្សម្នាក់ដែលសិ្នទ្ធិនឹងលោក ញឹក ប៊ុនឆៃ ត្រូវបានជ្រើសតាំងឲ្យធ្វើជាប្រធានស្តីទី ដើម្បីដឹកនាំគណបក្សខ្មែររួបរួមជាតិបណ្តោះអាសន្ន។
ដោយឡែក លោក សួន សេរីរដ្ឋា ប្រធានគណបក្សអំណាចខ្មែរ ត្រូវបានចាប់ខ្លួនកាលពីថ្ងៃទី១៣ ខែសីហា បន្ទាប់ពីលោកបានសរសេរនៅលើគណនីហ្វេសប៊ុក ដែលមានអត្ថន័យរិះគន់ការពង្រាយកងទ័ពនៅតំបន់ព្រំដែនកម្ពុជា-ឡាវ។ បន្ទាប់មក លោក សួន សេរីរដ្ឋា
រងការចោទប្រកាន់៣ករណីក្នុងនោះមាន បទញុះញង់កុំឲ្យយោធិនស្តាប់បង្គ្រាប់ បទល្មើសធ្វើឲ្យខូចទឹកចិត្តកងទ័ព និងបទញុះញង់ឲ្យប្រព្រឹត្តបទឧក្រិដ្ឋជាអាទិ៍។
នៅថ្ងៃទី២៥ ខែសីហា
តុលាការបានផ្តន្ទាទោស លោក សួន សេរីរដ្ឋាឲ្យជាប់ពន្ធនាគារ៥ឆ្នាំ និងពិន័យជាប្រាក់ចំនួន១០លានរៀលចូលរដ្ឋ ពាក់ព័ន្ធនឹងសំណេររបស់ខ្លួននៅលើហ្វេសប៊ុក ។
នៅមុនការកាត់ទោស មេដឹកនាំគណបក្សអំណាចខ្មែររូបនេះ ក៏បានប្រកាសលាលែងពីតំណែងរបស់ខ្លួនផងដែរ។ បច្ចុប្បន្ន លោក សួង សុភ័ណ្ឌ អតីតមេដឹកនាំចលនាយុវជនគណបក្សសង្គ្រោះជាតិ ធ្វើជាប្រធានស្តីទីបណ្តោះអាសន្ន ហើយ
គណបក្សគ្រោងរៀបចំសមាជជ្រើសរើសក្បាលម៉ាស៊ីនដឹកនាំផ្លូវការ និងរៀបចំរចនាសម្ព័ន្ធ នាពេលខាងមុខ។
ចំណែកព្រឹត្តិការណ៍នយោបាយដ៏ក្តៅគគុកចុងក្រោយនេះ
ឯកឧត្តម កឹម សុខា ប្រធានគណបក្សសង្គ្រោះជាតិ ត្រូវបានចាប់ខ្លួនកាលពីពាក់កណ្តាលអធ្រាត្រឈានចូលថ្ងៃទី៣ ខែកញ្ញា។ បើតាមសេចក្តីថ្លែងការណ៍របស់រដ្ឋាភិបាល មេដឹកនាំបក្សប្រឆាំង បានឃុបឃិតជាមួយបរទេស ក្នុងការរៀចំផែនការសម្ងាត់ ដែលធ្វើឲ្យប៉ះពាល់ដល់ប្រទេសជាតិ។ រដ្ឋាភិបាល អះអាងដូច្នេះ ដោយសំអាងលើសារនយោបាយរបស់ឯកឧត្តម កឹម សុខា នៅក្នុងវីដេអូឃ្លីប ដែលត្រូវបានផ្សាយដោយបណ្តាញមួយ ឈ្មោះ CBN (Cambodian Broadcasting Network)។
កញ្ញា កឹម មនោវិទ្យា ដែលជាកូនស្រីបង្កើតរបស់ឯកឧត្តម កឹម សុខា បានអះអាងតាមរយៈបណ្តាញសង្គម Twitter ថា សមត្ថកិច្ច បានបញ្ជូនឪពុករបស់ខ្លួន ទៅឃុំនៅ
ពន្ធនាគារត្រពាំងផ្លុង ក្នុងខេត្តត្បូងឃ្មុំ។ ទោះបីជាយ៉ាងណាក៏ដោយ អ្នកនាំពាក្យអគ្គស្នងការនគរបាលជាតិ មិនអាចនិយាបានថា ប្រធានបក្សប្រឆាំងកំពុងស្ថិតនៅទីណានោះឡើយ៕
Tag:
កឹម សុខា
សួន សេរីរដ្ឋា
ញឹក ប៊ុនឆៃ
© រក្សាសិទ្ធិដោយ thmeythmey.com