ជាតិ
ប្រតិភូសហភាពអឺរ៉ុប៖ ការបិទ ខេមបូឌា ដេលី ដោយបង្ខំ ធ្វើឲ្យប៉ះពាល់ធ្ងន់ធ្ងរដល់ភាពចម្រុះនៃព័ត៌មាននៅកម្ពុជា
លោកឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា George Edgar
×![]()
នៅថ្ងៃទី ៥ ខែកញ្ញា នេះ ប្រតិភូសហភាពអឺរ៉ុបប្រចាំនៅកម្ពុជា បានចេញសេចក្តីថ្លែងការណ៍ស្តីពី ការបិទសារព័ត៌មាន The Cambodia Daily។ ស្ថាប័ននេះ យល់ថា ការបិទដោយបង្ខំនូវកាសែតមួយនេះ ជាការធ្វើឲ្យប៉ះពាល់ធ្ងន់ធ្ងរដល់ភាពចម្រុះនៃបណ្តាញព័ត៌មាននៅកម្ពុជា។
ដោយមានការឯកភាពជាមួយប្រមុខបេសកកម្មការទូតរបស់សហភាពអឺរ៉ុបនៅកម្ពុជា ប្រតិភូសហភាពអឺរ៉ុប បានសម្រេចចេញសេចក្តីថ្លែងការណ៍ស្តីពី ការបិទសារព័ត៌មាន The Cambodia Daily។ «ការបិទដោយបង្ខំនូវសារព័ត៌មាន The Cambodia Daily គឺធ្វើឲ្យប៉ះពាល់ធ្ងន់ធ្ងរដល់ភាពចម្រុះនៃបណ្តាញផ្សព្វផ្សាយព័ត៌មានរបស់ប្រទេសកម្ពុជា»។ នេះជាសេចក្តីថ្លែងការណ៍របស់សហភាពអឺរ៉ុបក្នុងស្រុក នៅថ្ងៃទី ៥ ខែកញ្ញានេះ។
ប្រតិភូសហភាពអឺរ៉ុបបន្តលើកឡើងថា ដំណើរការប្រជាធិបតេយ្យគួរជាទីទុកចិត្ត ឆ្ពោះទៅរកការបោះឆ្នោតជ្រើសរើសតំណាងរាស្ត្រនៅខែកក្កដា ឆ្នាំ ២០១៨ តម្រូវឲ្យមានពហុនិយមនៅក្នុងប្រពន្ធផ្សព្វផ្សាយព័ត៌មាន ក៏ដូចជានៅក្នុងចំណោមគណបក្សនយោបាយផងដែរ។ សហភាពអឺរ៉ុបបញ្ជាក់យ៉ាងនេះថា៖ «យើងរំពឹងថា អាជ្ញាធរកម្ពុជា នឹងអនុញ្ញាតឲ្យសារព័ត៌មាន The Cambodia Daily និងអង្គភាពសារព័ត៌មានដែលរងផលប៉ះពាល់ដទៃទៀត អាចដំណើរការឡើងវិញ និងអាចប្រតិបត្តិការរបស់ខ្លួនបាន ហើយទន្ទឹមនឹងនោះបញ្ហាពន្ធដារ និងបញ្ហាផ្សេងៗទៀត ត្រូវដោះស្រាយតាមដំណើរការច្បាប់សមស្របណាមួយ»។
ជាមួយគ្នានេះនៅរសៀលថ្ងៃទី ៥ ខែកញ្ញា ស្ថានទូតអាមេរិកប្រចាំកម្ពុជា ក៏សម្តែងការសោកស្តាយចំពោះការបិទកាសែត ខេមបូឌា ដេលី ដែរ។ ស្ថានទូតនេះ ចាត់ទុកការបិទកាសែតនេះថា ជាថ្ងៃសោកសៅសម្រាប់សារព័ត៌មាននៅកម្ពុជា។
សូមបញ្ជាក់ថា បើទោះបីជាការិយាល័យរបស់ខ្លួន បានបិទហើយកាលពីថ្ងៃទី ៤ ខែកញ្ញា ក៏ពិតមែន តែកាសែត ខេមបូឌា ដេលី មិនទាន់រួចផុតពីកាតព្វកិច្ចក្នុងការបង់ពន្ធជូនរដ្ឋនោះទេ។ អគ្គនាយកដ្ឋានពន្ធដារនៃក្រសួងសេដ្ឋកិច្ច នៅតែទាមទារឲ្យលោកស្រី Deborath Krisher Steele អភិបាលសហគ្រាសនៃកាសែត ខេមបូឌា ដេលី ដោយមានលោក Douglas Eric Steele ជាអ្នកចាត់ការទូទៅ ត្រូវបង់ពន្ធជូនរដ្ឋជាមុនសិន ទើបអាចចាកចេញពីកម្ពុជាបាន។ អគ្គនាយកដ្ឋានពន្ធដារ ក៏បានផ្ញើលិខិតទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ នៅថ្ងៃទី ៤ ខែកញ្ញានេះ ដើម្បីសុំឲ្យរារាំងអ្នកទាំងពីរ ក្នុងការចាកចេញពីកម្ពុជា។
នៅក្នុងវេទិកាជាតិស្តីពីការការពារ និងអភិរក្សធនធានធម្មជាតិ កាលពីថ្ងៃទី ២២ ខែសីហា នៅវិមានសន្តិភាព សម្តេចនាយករដ្ឋមន្រ្តី ហ៊ុន សែន បានហៅការសែត ខេមបូឌា ដេលី ថា ជាមេចោរ ដោយសារសម្តេចអះអាងថា កាសែតនេះ មិនបានបង់ពន្ធជូនរដ្ឋ ១០ ឆ្នាំ មកហើយ។ ប្រមុខរដ្ឋាភិបាល ព្រមានខ្លាំងៗយ៉ាងនេះថា៖« បើមិនបង់ពន្ធឲ្យរដ្ឋទេ វេចបង្វិចចាកចេញទៅ»៕
ដោយមានការឯកភាពជាមួយប្រមុខបេសកកម្មការទូតរបស់សហភាពអឺរ៉ុបនៅកម្ពុជា ប្រតិភូសហភាពអឺរ៉ុប បានសម្រេចចេញសេចក្តីថ្លែងការណ៍ស្តីពី ការបិទសារព័ត៌មាន The Cambodia Daily។ «ការបិទដោយបង្ខំនូវសារព័ត៌មាន The Cambodia Daily គឺធ្វើឲ្យប៉ះពាល់ធ្ងន់ធ្ងរដល់ភាពចម្រុះនៃបណ្តាញផ្សព្វផ្សាយព័ត៌មានរបស់ប្រទេសកម្ពុជា»។ នេះជាសេចក្តីថ្លែងការណ៍របស់សហភាពអឺរ៉ុបក្នុងស្រុក នៅថ្ងៃទី ៥ ខែកញ្ញានេះ។
ប្រតិភូសហភាពអឺរ៉ុបបន្តលើកឡើងថា ដំណើរការប្រជាធិបតេយ្យគួរជាទីទុកចិត្ត ឆ្ពោះទៅរកការបោះឆ្នោតជ្រើសរើសតំណាងរាស្ត្រនៅខែកក្កដា ឆ្នាំ ២០១៨ តម្រូវឲ្យមានពហុនិយមនៅក្នុងប្រពន្ធផ្សព្វផ្សាយព័ត៌មាន ក៏ដូចជានៅក្នុងចំណោមគណបក្សនយោបាយផងដែរ។ សហភាពអឺរ៉ុបបញ្ជាក់យ៉ាងនេះថា៖ «យើងរំពឹងថា អាជ្ញាធរកម្ពុជា នឹងអនុញ្ញាតឲ្យសារព័ត៌មាន The Cambodia Daily និងអង្គភាពសារព័ត៌មានដែលរងផលប៉ះពាល់ដទៃទៀត អាចដំណើរការឡើងវិញ និងអាចប្រតិបត្តិការរបស់ខ្លួនបាន ហើយទន្ទឹមនឹងនោះបញ្ហាពន្ធដារ និងបញ្ហាផ្សេងៗទៀត ត្រូវដោះស្រាយតាមដំណើរការច្បាប់សមស្របណាមួយ»។
ជាមួយគ្នានេះនៅរសៀលថ្ងៃទី ៥ ខែកញ្ញា ស្ថានទូតអាមេរិកប្រចាំកម្ពុជា ក៏សម្តែងការសោកស្តាយចំពោះការបិទកាសែត ខេមបូឌា ដេលី ដែរ។ ស្ថានទូតនេះ ចាត់ទុកការបិទកាសែតនេះថា ជាថ្ងៃសោកសៅសម្រាប់សារព័ត៌មាននៅកម្ពុជា។
សូមបញ្ជាក់ថា បើទោះបីជាការិយាល័យរបស់ខ្លួន បានបិទហើយកាលពីថ្ងៃទី ៤ ខែកញ្ញា ក៏ពិតមែន តែកាសែត ខេមបូឌា ដេលី មិនទាន់រួចផុតពីកាតព្វកិច្ចក្នុងការបង់ពន្ធជូនរដ្ឋនោះទេ។ អគ្គនាយកដ្ឋានពន្ធដារនៃក្រសួងសេដ្ឋកិច្ច នៅតែទាមទារឲ្យលោកស្រី Deborath Krisher Steele អភិបាលសហគ្រាសនៃកាសែត ខេមបូឌា ដេលី ដោយមានលោក Douglas Eric Steele ជាអ្នកចាត់ការទូទៅ ត្រូវបង់ពន្ធជូនរដ្ឋជាមុនសិន ទើបអាចចាកចេញពីកម្ពុជាបាន។ អគ្គនាយកដ្ឋានពន្ធដារ ក៏បានផ្ញើលិខិតទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ នៅថ្ងៃទី ៤ ខែកញ្ញានេះ ដើម្បីសុំឲ្យរារាំងអ្នកទាំងពីរ ក្នុងការចាកចេញពីកម្ពុជា។
នៅក្នុងវេទិកាជាតិស្តីពីការការពារ និងអភិរក្សធនធានធម្មជាតិ កាលពីថ្ងៃទី ២២ ខែសីហា នៅវិមានសន្តិភាព សម្តេចនាយករដ្ឋមន្រ្តី ហ៊ុន សែន បានហៅការសែត ខេមបូឌា ដេលី ថា ជាមេចោរ ដោយសារសម្តេចអះអាងថា កាសែតនេះ មិនបានបង់ពន្ធជូនរដ្ឋ ១០ ឆ្នាំ មកហើយ។ ប្រមុខរដ្ឋាភិបាល ព្រមានខ្លាំងៗយ៉ាងនេះថា៖« បើមិនបង់ពន្ធឲ្យរដ្ឋទេ វេចបង្វិចចាកចេញទៅ»៕
Tag:
សហភាពអឺរ៉ុប
ខេមបូឌា ដេលី
ពន្ធដារ
© រក្សាសិទ្ធិដោយ thmeythmey.com
