ទ័ពដណ្តើម Top 4 ជាមួយបឹងកេតឯណាហ្គាវើលប៉ះអគ្គិសនីក្រោយគីរីវង់ស្វាគមន៍ស្វាយរៀង

កីឡាជាតិ

ជាតិ

ទ័ពដណ្តើម Top 4 ជាមួយបឹងកេតឯណាហ្គាវើលប៉ះអគ្គិសនីក្រោយគីរីវង់ស្វាគមន៍ស្វាយរៀង

16, Sep 2017 , 7:39 am

រូបភាព

កីឡាករ សុខ សុវណ្ណ ព្យាយាមដណ្តើមបាល់ពី ឈិន ឈឿន ពេលប៉ះក្នុងជើងទី១នៅពហុកីឡដ្ឋាន

ដោយ:

ក្រុមបាល់ទាត់ក្រសួងការពារជាតិ(ទ័ព)ត្រូវប្រជែងដណ្តើមឈរតំបន់ Top 4 ជាមួយក្រុមបឹងកេតក្នុងសប្តាហ៍ទី១៦នៃពានរង្វាន់ក្របខណ្ឌមិត្តហ្វូនខេមបូឌានលីកឆ្នាំ២០១៧នាវេលាម៉ោង៦ល្ងាចថ្ងៃទី១៦ ខែកញ្ញានេះនៅកីឡដ្ឋានស្តាតចាស់ ខណៈណាហ្គាវើលត្រូវការពារទីតាំងរបស់ខ្លួនជាមួយអគ្គិសនីកម្ពុជានៅពហុកីឡដ្ឋានជាតិ។ ការប្រកួតទាំងពីរគូខាងលើធ្វើឡើង បន្ទាប់ពីក្រុមគីរីវង់សុខសែនជ័យស្វាគមន៍ព្រះខ័នរាជស្វាយរៀងនាវេលាម៉ោង៣:៣០នាទីនៅកីឡដ្ឋានគីរីវង់។

ក្រោយណាហ្គាវើលទម្លាក់ពីលេខរៀងទី២កាលពីសប្តាហ៍មុន ទ័ពត្រូវជួបប្រកួតការពារតំណែងរបស់ខ្លួនជាមួយក្រុមបឹងកេតក្នុងសប្តាហ៍ទី១៦នៃពានរង្វាន់ក្របខណ្ឌមិត្តហ្វូនខេមបូឌានលីកឆ្នាំ២០១៧ នាវេលាម៉ោង៦ល្ងាចថ្ងៃសៅរ៍ទី១៦ ខែកញ្ញានេះ នៅកីឡដ្ឋានស្តាតចាស់។ សម្រាប់ការជួបគ្នារវាងក្រុមទាំងពីរនៅល្ងាចនេះ ជាជំនួបមួយដ៏តានតឹង និងស្វិតស្វាញបំផុត ព្រោះក្រុមទាំងពីសុទ្ធត្រូវការឈ្នះ ដើម្បីឈរក្នុងតំបន់ Top 4។ បច្ចុប្បន្នទ័ពកំពុងឈរលេខរៀងទី៤ដោយមាន២៧ពិន្ទុ ខណៈបឹងកេតឈរលេខរៀងទី៥ដោយមាន២៧ពិន្ទុដូចគ្នា ខណៈកាលជើងទី១ទ័ពបានយកឈ្នះបឹងកេត ៣-០ នៅពហុកីឡដ្ឋានជាតិ។

ជាមួយគ្នានេះ ក្រុមឈរលេខរៀងទី២ណាហ្គាវើលក៏ត្រូវប្រកួតការពារតំណែងរបស់ខ្លួនជាមួយអគ្គិសនីកម្ពុជាផងដែរនៅម៉ោង៦ល្ងាននេះនៅពហុកីឡដ្ឋានជាតិ។ ណាហ្គាវើលត្រូវការឈ្នះជាដាច់ខាត ដើម្បីការពារទីតាំងរបស់ខ្លួនដែលទើបដណ្តើមបានពីទ័ពកាលពីសប្តាហ៍សប្តាហ៍មុន។ សម្រាប់ការប្រកួតកាលពីសប្តាហ៍មុនណាហ្គាវើលបានយកឈ្នះទ័ព ៣-០ ខណៈអគ្គិសនីកម្ពុជាចាញ់ព្រះខ័នរាជស្វាយរៀងក្នុងលទ្ធផល ៦-០។

ដោយឡែក ក្រុមឈរបាតតារាងមិនដែលស្គាល់ជ័យជម្នះគីរីវង់សុខសែនជ័យត្រូវបើកទ្វារកីឡដ្ឋានរបស់ខ្លួនស្វាគមន៍ក្រុមឈរកំពូលតារាងព្រះខ័នរាជស្វាយរៀងនាវេលាម៉ោង៣:៣០នាទីរសៀលថ្ងៃនេះនៅកីឡដ្ឋានគីរីវង់។ ក្រុមគីរីវង់សុខសែនជ័យបានយកឈ្នះស្មើ ១-១ ជាមួយភ្នំពេញក្រោនកាលពីសប្តាហ៍មុន ខណៈព្រះខ័នរាជស្វាយរៀងលត់អគ្គិសនីរហូត ៦-០៕