ជាតិ
សង្គមជាតិ
ពីថ្ងៃទី២0 ដល់ថ្ងៃទី២៧ ខែកញ្ញា កម្ពុជា នឹងមានភ្លៀងធ្លាក់ ស្ទើរទូទាំងប្រទេស
× ភ្នំពេញ៖ តាមការព្យាកររបស់ក្រសួងធនធានទឹក និងឧតុនិយម កម្ពុជា នឹងមានភ្លៀងធ្លាក់ពីមធ្យយមទៅច្រើន ស្ទើរតែនៅគ្រប់តំបន់ ចាប់ពីថ្ងៃទី២0 ដល់ថ្ងៃទី២៧ ខែកញ្ញា ឆ្នាំ២0១៧។ ការធ្លាក់ភ្លៀងនេះ គឺដោយសារកម្ពុជា ទទួលឥទ្ធិពលពីប្រព័ន្ធសម្ពាមទាបម្យ៉ាង ដែលហៅថា ITCZ។
ក្រសួងធនធានទឹកនិងឧតុនិយម បានឲ្យដឹងទៀតថា នៅតាមបណ្តារាជធានី-ខេត្ត ដែលស្ថិតក្នុងតំបន់វាលទំនាប និងតំបន់ខ្ពស់រាប នឹងមានភ្លៀងធ្លាក់ក្នុងកម្រិតបង្គួរ ទៅច្រើន។ ចំណែឯ តំបន់មាត់សមុទ្រវិញ ក៏នឹងមានភ្លៀងធ្លាក់ពីកម្រិតបង្គួរទៅច្រើនដែរ។ ក្រសួងបាន បញ្ជាក់ថា លើផ្ទៃសមុទ្រ នឹងមានភ្លៀងធ្លាក់ច្រើន និងមានខ្យល់បក់បោកខ្លាំង ជាមួយនឹងរលកខ្ពស់ៗ។
ក្រសួង បានអំពាវនាវដល់អ្នកទេសាទនិងអ្នកធ្វើដំណើរតាមសមុទ្រ បង្កើតការប្រុងប្រយ័ត្នឲ្យបានខ្ពស់ ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតមានឡើង៕
© រក្សាសិទ្ធិដោយ thmeythmey.com