ទីប្រឹក្សាផ្ទាល់សម្តេច ហ៊ុន សែន ៩រូបឡើងឋានៈស្មើរដ្ឋមន្ត្រី

ជាតិ

ទីប្រឹក្សាផ្ទាល់សម្តេច ហ៊ុន សែន ៩រូបឡើងឋានៈស្មើរដ្ឋមន្ត្រី

04, Oct 2017 , 9:57 am

រូបភាព

លោក ជុំ កុសល ស្ថិតក្នុងចំណោមទីប្រឹក្សាផ្ទាល់៩នាក់របស់សម្តេចនាយករដ្ឋមន្ត្រី ហ៊ុន សែន ដែលទើបឡើងឋានៈស្មើរដ្ឋមន្ត្រី។ រូបថត ហ្វេសប៊ុក

ដោយ: ថ្មីៗ

ភ្នំពេញ៖ ទីប្រឹក្សាផ្ទាល់របស់សម្តេចនាយករដ្ឋមន្ត្រី ហ៊ុន សែន ចំនួន៩រូប បានទទួលឋានៈស្មើរដ្ឋមន្ត្រី។ នេះបើតាមព្រះរាជក្រឹត្យ ចុះហត្ថលេខាដោយសម្តេច សាយ ឈុំ ប្រមុខរដ្ឋស្តីទី។

បើតាមព្រះរាជក្រឹត្យ ដែលចុះនៅថ្ងៃទី២៩ ខែកញ្ញា ឆ្នាំ២០១៧ ទីប្រឹក្សាទាំង៩រូបដែលទទួលបានឋានៈស្មើរដ្ឋមន្ត្រីនោះ រួមមាន លោក ខាំពូន កែវមុណី លោក ប៉ែន អ៊ាន លោកស្រី ញ៉ែម ស៊ីណាត ហើយជាមួយគ្នានេះ លោក ប្រាក់ ផល្លា លោក ជុំ កុសល លោក ស៊ាង ប៊ុនលាង លោក ឈឹម សារ៉េត លោក មួន សារ៉ន និងលោក ប្រាក់ ផល្លី ឡើងឋានៈដោយបន្ថែមលើមុខងារបច្ចុប្បន្ន៕