ជាតិ
បណ្តឹងសុំរំលាយ CNRP ស្របពេលឯ.ឧ កឹម សុខា មិនទាន់ជាអ្នកទោស តើផ្ទុយច្បាប់ឬទេ?
លោកមេធាវិ ហែម សុជាតិ (ខាងឆ្វេងដៃ) និងលោកមេធាវី ជូង ជូងី (ខាងស្តាំដៃ) ដែលតែងតែទទួលសិទ្ធិការពារក្តីឲ្យអ្នកនយោបាយក្នុងគណបក្សសង្គ្រោះជាតិ
×![]()
ដោយ: ម៉ៅ សុផា
ភ្នំពេញ៖ មេធាវី ដែលការពារក្តីឲ្យអ្នកនយោបាយក្នុងគណបក្សសង្គ្រោះជាតិ អះអាងថា ស្ថិតក្នុងដំណាក់កាលនេះ ក្រសួងមហាផ្ទៃ មិនទាន់អាចដាក់បណ្តឹងទៅកាន់តុលាការកំពូល ដើម្បីសុំឲ្យរំលាយគណបក្សសង្គ្រោះជាតិ នោះទេ។ ប៉ុន្តែ មេធាវី តំណាងឲ្យក្រសួងមហាផ្ទៃ ថ្លែងការពារថា ការដាក់បណ្តឹងសុំឲ្យរំលាយគណបក្សសង្គ្រោះជាតិ គឺអាចទៅរួច ហើយក៏ស្របតាមនីតិវិធីដែរ។
ក្នុងអំឡុងឯកឧត្តម កឹម សុខា កំពុងស្ថិតនៅក្រោមការស៊ើបសួររបស់តុលាការ ដោយមិនទាន់ត្រូវបានកាត់ក្តី ឲ្យក្លាយជាអ្នកទោសផងនោះ ស្រាប់តែក្រសួងមហាផ្ទៃ ដាក់បណ្តឹងទៅកាន់តុលាការកំពូល ដើម្បីសុំឲ្យរំលាយគណបក្សសង្គ្រោះជាតិ។ លោក ហែម សុជាតិ មេធាវីមួយរូប ដែលតែងតែទទួលបានសិទ្ធិការពារក្តីឲ្យអ្នកនយោបាយក្នុងគណបក្សសង្គ្រោះជាតិ ចាត់ទុកទង្វើរបស់ក្រសួងមហាផ្ទៃថា ធ្វើខុសនឹងនីតិវិធី។
លោកមេធាវីរូបនេះ បានបកស្រាយថា ក្រសួងមហាផ្ទៃ អាចប្តឹងសុំឲ្យរំលាយគណបក្សសង្គ្រោះជាតិបាន ល្គឹកណា ឯកឧត្តម កឹម សុខា មានឈ្មោះជាអ្នកទោស ឬទណ្ឌិត ក្រោមអំណាចនៃសាលក្រម ឬសាដីកាស្ថាពររបស់តុលាការជាមុនសិន។ លោក ហែម សុជាតិ ដែលកំពុងការពារក្តីឲ្យឯកឧត្តម កឹម សុខា បញ្ជាក់យ៉ាងដូច្នេះ៖«គេ [ឯកឧត្តម កឹម សុខា] មិនទាន់ក្លាយជាអ្នកទោសផង ហើយចង់ទៅរំលាយគណបក្សរបស់គេចោល។ យើង គិតមើល ត្រឹមត្រូវអត់? សម្រាប់ខ្ញុំ អត់ត្រឹមត្រូវទេ»។
លោក គង់ ទីលីន មេធាវីមួយរូប ដែលតំណាងឲ្យក្រសួងមហាផ្ទៃ អះអាងថា ការរៀបចំបណ្តឹងសុំឲ្យរំលាយគណបក្សសង្គ្រោះជាតិ គឺអនុលោមតាមនីតិវិធី និងច្បាប់ស្តីគណបក្សនយោបាយ។ លោក បន្តថា ក្រុមមេធាវីទាំងប្រាំរូប ដែលតំណាងឲ្យក្រសួងមហាផ្ទៃ ថែមទាំងមានភស្តុតាងគ្រប់គ្រាន់ផងដែរ ក្នុងការដាក់បណ្តឹងសុំឲ្យរំលាយគណបក្សសង្គ្រោះជាតិ។ «ខ្ញុំ មិនបញ្ជាក់អ្វីច្រើនទេ។ គ្រាន់តែថា បើភាគីម្ខាងទៀត ថា ខុស ឲ្យគាត់ ទៅសិក្សាច្បាប់ឡើងវិញទៅ»។ នេះ ជាការឆ្លើយតបរបស់លោក គង់ ទីលីន ទៅកាន់លោក ហែម សុជាតិ។
លោក សុខ សំអឿន មេធាវីមួយរូប ដែលមិនស្ថិតនៅក្រោមការពឹងពាក់ផ្នែកច្បាប់ពីគណបក្សសង្គ្រោះជាតិ ឬគណបក្សប្រជាជនកម្ពុជា បានបកស្រាយថា រឿងសំខាន់ជាងគេ ចំពោះករណីខាងលើនេះ គឺត្រូវផ្អែកលើភស្តុតាង។ លោក សង្កត់ធ្ងន់ថា ប្រសិនបើមានភស្តុតាង មេធាវី ដែលតំណាងឲ្យក្រសួងមហាផ្ទៃ អាចប្តឹងសុំឲ្យរំលាយគណបក្សសង្គ្រោះជាតិបាន ដោយមិនពាក់ព័ន្ធនឹងករណីរបស់ឯកឧត្តម កឹម សុខា ឡើយ។
លោកមេធាវីរូបនេះ លើកឡើងយ៉ាងដូច្នេះ៖«យើងមិនអាចថា គេ [មេធាវីក្រសួងមហាផ្ទៃ] ធ្វើខុសឬត្រូវទេ ព្រោះយើងមិនដឹងថាគេ មានភស្តុតាងឬអត់។ យើង មិនដឹងថា គេ មានភស្តុតាងអ្វី។ បើគេ មានភស្តុតាង គឺគេអាចប្តឹងបានហើយ មិនមែនទាល់តែឯកឧត្តម កឹម សុខា ក្លាយជាអ្នកទោស ទើបអាចប្តឹងបាននោះទេ។ វា ជារឿងដាច់ដោយឡែកពីគ្នា»។
រហូតមកដល់ពេលនេះ តុលាការកំពូល មិនទាន់កំណត់កាលបរិច្ឆេទនៃការជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ នៅឡើយទេ។ នេះបើតាម លោក នៅ មុនីជោត អ្នកនាំពាក្យតុលាការកំពូល។ ប៉ុន្តែ លោក ប្រាប់ថា បច្ចុប្បន្ននេះ តុលាការកំពូល កំពុងពិនិត្យបណ្តឹងសុំឲ្យរំលាយគណបក្សសង្គ្រោះជាតិ។ អ្នកនាំពាក្យតុលាការកំពូល និយាយបែបនេះថា៖«យើង នឹងចាត់ការតាមនិតីវិធី និងច្បាប់ស្តីពីគណបក្សនយោបាយ»។
សារព័ត៌មានថ្មីៗ មិនអាចសុំការបកស្រាយពីអ្នកនាំពាក្យនិងមន្ត្រីជាន់ខ្ពស់គណបក្សសង្គ្រោះជាតិបានទេ ដោយសារតែពួកគាត់ មិនបានលើកទូរសព្ទ។ គណបក្សសង្គ្រោះជាតិ មិនទាន់ប្រតិកម្មអ្វីឡើយ ចាប់តាំងពីក្រសួងមហាផ្ទៃ ដាក់បណ្តឹងទៅកាន់តុលាការកំពូល កាលពីថ្ងៃទី៦ ខែតុលា ឆ្នាំ២0១៧។
សូមបញ្ជាក់ថា អ្នក ដែលស្នើឲ្យក្រសួងមហាផ្ទៃ ដាក់បណ្តឹងសុំរំលាយគណបក្សសង្គ្រោះជាតិ គឺគណបក្សគណបក្សហ្វ៊ុនស៊ិនប៉ិចរបស់សម្តេចក្រុមព្រះ និងគណបក្សយុវជនកម្ពុជារបស់លោក ពេជ្រ ស្រស់។ សម្រាប់គណបក្សទាំងពីរនេះ ឯកឧត្តម កឹម សុខា ដែលសង្ស័យថា ជាប់ពាក់ព័ន្ធនឹងអំពើក្បត់ជាតិ មិនគួរលើកលែងឲ្យឡើយ រួមទាំងគណបក្សសង្គ្រោះជាតិ ទាំងមូលផងដែរ។ នេះ ជាមូលហេតុចម្បង ដែលគណបក្សទាំងពីរ ចង់ឲ្យតុលាការ រំលាយគណបក្សសង្គ្រោះជាតិចោល៕
ក្នុងអំឡុងឯកឧត្តម កឹម សុខា កំពុងស្ថិតនៅក្រោមការស៊ើបសួររបស់តុលាការ ដោយមិនទាន់ត្រូវបានកាត់ក្តី ឲ្យក្លាយជាអ្នកទោសផងនោះ ស្រាប់តែក្រសួងមហាផ្ទៃ ដាក់បណ្តឹងទៅកាន់តុលាការកំពូល ដើម្បីសុំឲ្យរំលាយគណបក្សសង្គ្រោះជាតិ។ លោក ហែម សុជាតិ មេធាវីមួយរូប ដែលតែងតែទទួលបានសិទ្ធិការពារក្តីឲ្យអ្នកនយោបាយក្នុងគណបក្សសង្គ្រោះជាតិ ចាត់ទុកទង្វើរបស់ក្រសួងមហាផ្ទៃថា ធ្វើខុសនឹងនីតិវិធី។
លោកមេធាវីរូបនេះ បានបកស្រាយថា ក្រសួងមហាផ្ទៃ អាចប្តឹងសុំឲ្យរំលាយគណបក្សសង្គ្រោះជាតិបាន ល្គឹកណា ឯកឧត្តម កឹម សុខា មានឈ្មោះជាអ្នកទោស ឬទណ្ឌិត ក្រោមអំណាចនៃសាលក្រម ឬសាដីកាស្ថាពររបស់តុលាការជាមុនសិន។ លោក ហែម សុជាតិ ដែលកំពុងការពារក្តីឲ្យឯកឧត្តម កឹម សុខា បញ្ជាក់យ៉ាងដូច្នេះ៖«គេ [ឯកឧត្តម កឹម សុខា] មិនទាន់ក្លាយជាអ្នកទោសផង ហើយចង់ទៅរំលាយគណបក្សរបស់គេចោល។ យើង គិតមើល ត្រឹមត្រូវអត់? សម្រាប់ខ្ញុំ អត់ត្រឹមត្រូវទេ»។
លោក គង់ ទីលីន មេធាវីមួយរូប ដែលតំណាងឲ្យក្រសួងមហាផ្ទៃ អះអាងថា ការរៀបចំបណ្តឹងសុំឲ្យរំលាយគណបក្សសង្គ្រោះជាតិ គឺអនុលោមតាមនីតិវិធី និងច្បាប់ស្តីគណបក្សនយោបាយ។ លោក បន្តថា ក្រុមមេធាវីទាំងប្រាំរូប ដែលតំណាងឲ្យក្រសួងមហាផ្ទៃ ថែមទាំងមានភស្តុតាងគ្រប់គ្រាន់ផងដែរ ក្នុងការដាក់បណ្តឹងសុំឲ្យរំលាយគណបក្សសង្គ្រោះជាតិ។ «ខ្ញុំ មិនបញ្ជាក់អ្វីច្រើនទេ។ គ្រាន់តែថា បើភាគីម្ខាងទៀត ថា ខុស ឲ្យគាត់ ទៅសិក្សាច្បាប់ឡើងវិញទៅ»។ នេះ ជាការឆ្លើយតបរបស់លោក គង់ ទីលីន ទៅកាន់លោក ហែម សុជាតិ។
លោក សុខ សំអឿន មេធាវីមួយរូប ដែលមិនស្ថិតនៅក្រោមការពឹងពាក់ផ្នែកច្បាប់ពីគណបក្សសង្គ្រោះជាតិ ឬគណបក្សប្រជាជនកម្ពុជា បានបកស្រាយថា រឿងសំខាន់ជាងគេ ចំពោះករណីខាងលើនេះ គឺត្រូវផ្អែកលើភស្តុតាង។ លោក សង្កត់ធ្ងន់ថា ប្រសិនបើមានភស្តុតាង មេធាវី ដែលតំណាងឲ្យក្រសួងមហាផ្ទៃ អាចប្តឹងសុំឲ្យរំលាយគណបក្សសង្គ្រោះជាតិបាន ដោយមិនពាក់ព័ន្ធនឹងករណីរបស់ឯកឧត្តម កឹម សុខា ឡើយ។
លោកមេធាវីរូបនេះ លើកឡើងយ៉ាងដូច្នេះ៖«យើងមិនអាចថា គេ [មេធាវីក្រសួងមហាផ្ទៃ] ធ្វើខុសឬត្រូវទេ ព្រោះយើងមិនដឹងថាគេ មានភស្តុតាងឬអត់។ យើង មិនដឹងថា គេ មានភស្តុតាងអ្វី។ បើគេ មានភស្តុតាង គឺគេអាចប្តឹងបានហើយ មិនមែនទាល់តែឯកឧត្តម កឹម សុខា ក្លាយជាអ្នកទោស ទើបអាចប្តឹងបាននោះទេ។ វា ជារឿងដាច់ដោយឡែកពីគ្នា»។
រហូតមកដល់ពេលនេះ តុលាការកំពូល មិនទាន់កំណត់កាលបរិច្ឆេទនៃការជំនុំជម្រះលើបណ្តឹងសុំឲ្យរំលាយគណបក្សសង្គ្រោះជាតិ នៅឡើយទេ។ នេះបើតាម លោក នៅ មុនីជោត អ្នកនាំពាក្យតុលាការកំពូល។ ប៉ុន្តែ លោក ប្រាប់ថា បច្ចុប្បន្ននេះ តុលាការកំពូល កំពុងពិនិត្យបណ្តឹងសុំឲ្យរំលាយគណបក្សសង្គ្រោះជាតិ។ អ្នកនាំពាក្យតុលាការកំពូល និយាយបែបនេះថា៖«យើង នឹងចាត់ការតាមនិតីវិធី និងច្បាប់ស្តីពីគណបក្សនយោបាយ»។
សារព័ត៌មានថ្មីៗ មិនអាចសុំការបកស្រាយពីអ្នកនាំពាក្យនិងមន្ត្រីជាន់ខ្ពស់គណបក្សសង្គ្រោះជាតិបានទេ ដោយសារតែពួកគាត់ មិនបានលើកទូរសព្ទ។ គណបក្សសង្គ្រោះជាតិ មិនទាន់ប្រតិកម្មអ្វីឡើយ ចាប់តាំងពីក្រសួងមហាផ្ទៃ ដាក់បណ្តឹងទៅកាន់តុលាការកំពូល កាលពីថ្ងៃទី៦ ខែតុលា ឆ្នាំ២0១៧។
សូមបញ្ជាក់ថា អ្នក ដែលស្នើឲ្យក្រសួងមហាផ្ទៃ ដាក់បណ្តឹងសុំរំលាយគណបក្សសង្គ្រោះជាតិ គឺគណបក្សគណបក្សហ្វ៊ុនស៊ិនប៉ិចរបស់សម្តេចក្រុមព្រះ និងគណបក្សយុវជនកម្ពុជារបស់លោក ពេជ្រ ស្រស់។ សម្រាប់គណបក្សទាំងពីរនេះ ឯកឧត្តម កឹម សុខា ដែលសង្ស័យថា ជាប់ពាក់ព័ន្ធនឹងអំពើក្បត់ជាតិ មិនគួរលើកលែងឲ្យឡើយ រួមទាំងគណបក្សសង្គ្រោះជាតិ ទាំងមូលផងដែរ។ នេះ ជាមូលហេតុចម្បង ដែលគណបក្សទាំងពីរ ចង់ឲ្យតុលាការ រំលាយគណបក្សសង្គ្រោះជាតិចោល៕
Tag:
CNRP
រំលាយបក្ស
មេធាវី
© រក្សាសិទ្ធិដោយ thmeythmey.com
