ជាតិ
មេធាវី៖«ឯកឧត្តម កឹម សុខា មិនស្លុតនឹងបណ្តឹងសុំរំលាយគណបក្សសង្គ្រោះជាតិ»
រូបភាព៖ លោក សំ សុគង់ មេធាវីការពារសិទ្ធិឲ្យឯកឧត្តម កឹម សុខា ប្រធានគណបក្សសង្គ្រោះជាតិ ផ្តល់បទសម្ភាសដល់ក្រុមអ្នកកាសែត នៅមុខតុលាការកំពូល កាលពីកន្លងមក
×![]()
ដោយ: ម៉ៅ សុផា
ភ្នំពេញ៖ ឯកឧត្តម កឹម សុខា ហាក់មិនភ្ញាក់ផ្អើលអ្វីឡើយ ចំពោះបណ្តឹងរបស់ក្រសួងមហាផ្ទៃ ដែលសុំឲ្យតុលាការកំពូល រំលាយគណបក្សសង្គ្រោះជាតិ។ ឯកឧត្តម កឹម សុខា ក៏ពុំបានផ្ញើសារឬដំណោះស្រាយ ទៅកាន់មន្ត្រីរបស់ខ្លួនដែរ ជុំវិញបណ្តឹងសុំឲ្យរំលាយគណបក្សនេះ។
ឯកឧត្តម កឹម សុខា ស្ថិតក្នុងសភាពធម្មតា ពេលឮក្រុមមេធាវី ជម្រាបជូនពីព័ត៌មាន ដែលក្រសួងមហាផ្ទៃ ដាក់បណ្តឹងទៅកាន់តុលាការកំពូល ដើម្បីសុំឲ្យរំលាយគណបក្សសង្គ្រោះជាតិ។ លោក សំ សុគង់ មេធាវីមួយរូបក្នុងចំណោមមេធាវីទាំងប្រាំបីរូប ដែលរួមគ្នាការពារសិទ្ធិឲ្យឯកឧត្តម កឹម សុខា បានប្រាប់សារព័ត៌មានថ្មីៗ តាមទូរសព្ទយ៉ាងដូច្នេះ។ បើតាមលោក សំ សុគង់ ឯកឧត្តម កឹម សុខា ទើបនឹងទទួលបានដំណឹងខាងលើ នៅពេលក្រុមមេធាវី បានទៅជួបក្នុងពន្ធនាគារត្រពាំងផ្លុង នៅព្រឹកថ្ងៃទី៩ ខែតុលា ឆ្នាំ២០១៧នេះ។
លោកមេធាវី បាននិយាយបែបនេះថា៖«យើង បានប្រាប់គាត់ [ឯកឧត្តម កឹម សុខា] ដែរ ពីរឿងគេប្តឹងឲ្យរំលាយគណបក្ស។ តែគាត់ មើលទៅធម្មតា។ គាត់ អត់ប្រតិកម្មអ្វីទេ ហើយក៏មិនសួរនាំច្រើនដែរ។ គាត់ ដូចអត់តក់ស្លុតចំពោះរឿងហ្នឹងផង»។
លោក សំ សុគង់ បានឲ្យដឹងទៀតថា ឯកឧត្តម កឹម សុខា មិនបានពឹងពាក់ក្រុមមេធាវី ដើម្បីការពារក្តីឲ្យគណបក្សសង្គ្រោះជាតិ ដែលកំពុងស្ថិតនៅក្រោមការប្តឹងផ្តល់ពីសំណាក់ក្រសួងមហាផ្ទៃនោះទេ។ លោក បញ្ជាក់ថា អ្វីដែលក្រុមមេធាវី និងឯកឧត្តម កឹម សុខា យកចិត្តទុកដាក់និងចំណាយពេលជាច្រើនក្នុងការពិភាក្សាគ្នា គឺទាក់ទងនឹងនីតិវិធីនិងការវិវត្តនូវសំណុំរឿងផ្ទាល់របស់ឯកឧត្តម កឹម សុខា។
នៅថ្ងៃទី៩ ខែតុលា ឆ្នាំ២0១៧នេះ ក្រុមមេធាវី បានដាក់សំណើមួយថ្មីទៀត ទៅកាន់ព្រះរាជអាជ្ញានៃសាលាដំបូងរាជធានីភ្នំពេញ ដើម្បីសុំឲ្យផ្ទេរឯកឧត្តម កឹម សុខា ពីពន្ធនាគារត្រពាំងផ្លុង ក្នុងខេត្តត្បូងឃ្មុំ មកឃុំនៅពន្ធនាគាររាជធានីភ្នំពេញ (PJ) វិញ។ នេះជាការបន្ថែមរបស់លោក សំ សុគង់ ដដែល។ សម្រាប់លោក សំ សុគង់ ការបញ្ជូនមកឃុំនៅពន្ធនាគាររាជធានីភ្នំពេញ អាចសម្រួលដល់ក្រុមមេធាវី ក្នុងការទៅជួបឯកឧត្តម កឹម សុខា ដើម្បីពិភាក្សាគ្នាពីផ្លូវច្បាប់ ហើយក៏អាចសម្រួលដល់នីតិវិធីរបស់តុលាការផងដែរ។
លោក សំ សុគង់ ធ្លាប់អះអាងកាលពីកន្លងមកថា នៅក្នុងពន្ធនាគារ ឯកឧត្តម កឹម សុខា មិនត្រូវបានអនុញ្ញាតឲ្យមានវិទ្យុ និងទូរសព្ទឡើយ ហេតុដូច្នេះទើបមិនបានដឹងព័ត៌មានអ្វីទាំងអស់ ។ លោក ធ្លាប់ប្រាប់ថា ការជួបមេធាវី គឺជាមធ្យោបាយតែមួយគត់ ដែលឯកឧត្តម កឹម សុខា អាចទទួលបានព័ត៌មាន។
សូមបញ្ជាក់ថា ឯកឧត្តម កឹម សុខា ត្រូវបានតុលាការចោទពីបទ «ឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា» ដែលបទល្មើលនេះ ស្ថិតក្នុងអំពើក្បត់ជាតិ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ និងគណបក្សយុវជនកម្ពុជារបស់លោក ពេជ្រ ស្រស់ យល់ថា បទចោទ ដែលឯកឧត្តម កឹម សុខា កំពុងទទួលរង អាចពាក់ព័ន្ធនឹងគណបក្សសង្គ្រោះជាតិទាំងមូល។ ហេតុដូច្នេះ គណបក្សទាំងពីរ ក៏ស្នើឲ្យក្រសួងមហាផ្ទៃ ប្តឹងទៅកាន់តុលាការកំពូល ដើម្បីសុំរំលាយគណបក្សសង្គ្រោះជាតិ៕
ឯកឧត្តម កឹម សុខា ស្ថិតក្នុងសភាពធម្មតា ពេលឮក្រុមមេធាវី ជម្រាបជូនពីព័ត៌មាន ដែលក្រសួងមហាផ្ទៃ ដាក់បណ្តឹងទៅកាន់តុលាការកំពូល ដើម្បីសុំឲ្យរំលាយគណបក្សសង្គ្រោះជាតិ។ លោក សំ សុគង់ មេធាវីមួយរូបក្នុងចំណោមមេធាវីទាំងប្រាំបីរូប ដែលរួមគ្នាការពារសិទ្ធិឲ្យឯកឧត្តម កឹម សុខា បានប្រាប់សារព័ត៌មានថ្មីៗ តាមទូរសព្ទយ៉ាងដូច្នេះ។ បើតាមលោក សំ សុគង់ ឯកឧត្តម កឹម សុខា ទើបនឹងទទួលបានដំណឹងខាងលើ នៅពេលក្រុមមេធាវី បានទៅជួបក្នុងពន្ធនាគារត្រពាំងផ្លុង នៅព្រឹកថ្ងៃទី៩ ខែតុលា ឆ្នាំ២០១៧នេះ។
លោកមេធាវី បាននិយាយបែបនេះថា៖«យើង បានប្រាប់គាត់ [ឯកឧត្តម កឹម សុខា] ដែរ ពីរឿងគេប្តឹងឲ្យរំលាយគណបក្ស។ តែគាត់ មើលទៅធម្មតា។ គាត់ អត់ប្រតិកម្មអ្វីទេ ហើយក៏មិនសួរនាំច្រើនដែរ។ គាត់ ដូចអត់តក់ស្លុតចំពោះរឿងហ្នឹងផង»។
លោក សំ សុគង់ បានឲ្យដឹងទៀតថា ឯកឧត្តម កឹម សុខា មិនបានពឹងពាក់ក្រុមមេធាវី ដើម្បីការពារក្តីឲ្យគណបក្សសង្គ្រោះជាតិ ដែលកំពុងស្ថិតនៅក្រោមការប្តឹងផ្តល់ពីសំណាក់ក្រសួងមហាផ្ទៃនោះទេ។ លោក បញ្ជាក់ថា អ្វីដែលក្រុមមេធាវី និងឯកឧត្តម កឹម សុខា យកចិត្តទុកដាក់និងចំណាយពេលជាច្រើនក្នុងការពិភាក្សាគ្នា គឺទាក់ទងនឹងនីតិវិធីនិងការវិវត្តនូវសំណុំរឿងផ្ទាល់របស់ឯកឧត្តម កឹម សុខា។
នៅថ្ងៃទី៩ ខែតុលា ឆ្នាំ២0១៧នេះ ក្រុមមេធាវី បានដាក់សំណើមួយថ្មីទៀត ទៅកាន់ព្រះរាជអាជ្ញានៃសាលាដំបូងរាជធានីភ្នំពេញ ដើម្បីសុំឲ្យផ្ទេរឯកឧត្តម កឹម សុខា ពីពន្ធនាគារត្រពាំងផ្លុង ក្នុងខេត្តត្បូងឃ្មុំ មកឃុំនៅពន្ធនាគាររាជធានីភ្នំពេញ (PJ) វិញ។ នេះជាការបន្ថែមរបស់លោក សំ សុគង់ ដដែល។ សម្រាប់លោក សំ សុគង់ ការបញ្ជូនមកឃុំនៅពន្ធនាគាររាជធានីភ្នំពេញ អាចសម្រួលដល់ក្រុមមេធាវី ក្នុងការទៅជួបឯកឧត្តម កឹម សុខា ដើម្បីពិភាក្សាគ្នាពីផ្លូវច្បាប់ ហើយក៏អាចសម្រួលដល់នីតិវិធីរបស់តុលាការផងដែរ។
លោក សំ សុគង់ ធ្លាប់អះអាងកាលពីកន្លងមកថា នៅក្នុងពន្ធនាគារ ឯកឧត្តម កឹម សុខា មិនត្រូវបានអនុញ្ញាតឲ្យមានវិទ្យុ និងទូរសព្ទឡើយ ហេតុដូច្នេះទើបមិនបានដឹងព័ត៌មានអ្វីទាំងអស់ ។ លោក ធ្លាប់ប្រាប់ថា ការជួបមេធាវី គឺជាមធ្យោបាយតែមួយគត់ ដែលឯកឧត្តម កឹម សុខា អាចទទួលបានព័ត៌មាន។
សូមបញ្ជាក់ថា ឯកឧត្តម កឹម សុខា ត្រូវបានតុលាការចោទពីបទ «ឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា» ដែលបទល្មើលនេះ ស្ថិតក្នុងអំពើក្បត់ជាតិ។ គណបក្សហ្វ៊ុនស៊ិនប៉ិចរបស់សម្តេចក្រុមព្រះ និងគណបក្សយុវជនកម្ពុជារបស់លោក ពេជ្រ ស្រស់ យល់ថា បទចោទ ដែលឯកឧត្តម កឹម សុខា កំពុងទទួលរង អាចពាក់ព័ន្ធនឹងគណបក្សសង្គ្រោះជាតិទាំងមូល។ ហេតុដូច្នេះ គណបក្សទាំងពីរ ក៏ស្នើឲ្យក្រសួងមហាផ្ទៃ ប្តឹងទៅកាន់តុលាការកំពូល ដើម្បីសុំរំលាយគណបក្សសង្គ្រោះជាតិ៕
Tag:
កឹម សុខា
មេធាវី
រំលាយបក្ស
© រក្សាសិទ្ធិដោយ thmeythmey.com
