ជាតិ
PCU ផ្ដល់អាហារូបករណ៍សិក្សាដល់កូន ក្មួយ មន្ត្រីនគរបាលចរាចរ និងសណ្តាប់ធ្នាប់សាធារណៈ
× សាកលវិទ្យាល័យបញ្ញាជាតិ(PCU) បានផ្ដល់អាហារូបករណ៍១០០ភាគរយ លើថ្លៃសិក្សារយៈពេល ៤ ឆ្នាំ ដល់ មន្ត្រី កូន និងក្មួយ របស់មន្ត្រីនគរបាលចរាចរណ៍ និងសណ្ដាប់ធ្នាប់សាធារណៈ ទាំងអស់ឲ្យចូលរៀន ថ្នាក់បរិញ្ញាបត្រ បរិញ្ញាបត្ររង។
សាកលវិទ្យាធិការនៃសកលវិទ្យាល័យបញ្ញាជាតិ លោកស្រី ជា សុវណ្ណនី បានលើកឡើងនៅក្នុងសេចក្តីជូនដំណឹងថា ការផ្ដល់អាហារូបករណ៍នេះ ដើម្បីផ្តល់ឱកាសដល់ កូន ក្មួយ ឬមន្ត្រីនគរបាលចរាចរ ដែលមានបំណង និងឆន្ទៈក្នុងការសិក្សារៀនសូត្រ បានចូលរៀននៅមហាវិទ្យាល័យថ្នាក់បរិញ្ញាបត្រ បរិញ្ញាបត្ររង នៅសាកលវិទ្យាល័យបញ្ញាជាតិ រាជធានីភ្នំពេញ។
នៅក្នុងលិខិតផ្ដល់អាហារូបករណ៍ ដែលលោកស្រី ជា សុវណ្ណនី ផ្ញើជូនលោក រុន រ័ត្នវាសនា នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បន្តទៀតថា សាកលវិទ្យាល័យបញ្ញាជាតិ ជាសាកលវិទ្យាល័យដែលមានសម្ភារ សិក្សាទំនើប សាស្ដ្រាចារ្យមានចំណេះដឹង បទពិសោធន៍ ជំនាញពិតប្រាកដ។ មិនត្រឹមតែប៉ុណ្ណោះ សាកលវិទ្យាល័យនេះ មានបុគ្គលិករួសរាយរាក់ទាក់ ហើយមាននិស្សិតខ្លាំងៗ មានការងារធ្វើល្អៗជាច្រើន ដែលបានសិក្សាលើជំនាញ ដូចជា គណនេយ្យ ហិរញ្ញវត្ថុនិងធនាគារ គ្រប់គ្រង ទីផ្សារ សេដ្ឋកិច្ច នីតិសាស្ត្រ វិទ្យាសាស្ត្រកុំព្យូទ័រ ទេសចរណ៍ និងភាសាអង់គ្លេស៕
© រក្សាសិទ្ធិដោយ thmeythmey.com