ជាតិ
នាយនគរបាល២១នាក់ត្រូវបានតម្លើងឋានន្តរស័ក្តិឧត្តមសេនីយ៍ត្រី «ផ្កាយ១»
× ព្រះករុណាព្រះបាទសម្តេច ព្រះបរមនាថ នរោត្តម សីហមុនី កាលពីថ្ងៃទី១៦ ខែតុលា បានចេញព្រះរាជក្រឹត្យ ត្រាស់បង្គាប់តម្លើងឋានន្តរស័ក្តិ «ឧត្តមសេនីយ៍ត្រី» ដល់នាយនគរបាលជាន់ខ្ពស់២១រូបក្នុងក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ។
មន្ត្រីនគរបាលទាំងនោះ ដែលភាគច្រើនមានតួនាទីជាស្នងការរងនគរបាលប្រចាំខេត្តនានា បានឡើងឋានន្តរស័ក្តិពី វរសេនីយ៍ឯកទៅឧត្តមសេនីយ៍ត្រី «ផ្កាយមួយ»។
មន្ត្រីទាំងនោះរួមមានលោក គាំ សុផល លោក សំ សុជាតិ លោក តូច សាកល ភឹង ចិន្តារ៉េត និងលោក ស៊ន់ ចំណាន ដែលជាស្នងការរងខេត្តសៀមរាប។ ថ្នាក់ដឹកនាំនគរបាលមកពីបណ្តាស្ថាប័ន និងខេត្តផ្សេងៗទៀតរួមមាន លោក អឿន សារុន លោក យុន សូវុត្ថា លោក ចាន់ សុផា លោក វង្ស ប្រាថ្នា លោក សុវណ្ណ គឹមហាក់ លោក អ៊ិត ប៊ុនណា លោក រ៉ែម វីរៈ លោក អ៊ឹម វលក្ខណ៍ លោក ជា ជាង លោក ប៉ាល់ សូត្រ លោក ស៊ាង ឡេង លោក យុន សារឿន លោក ហៀង ស៊ីថា លោក ឈឹម គឹមហុង លោក ព្រហ្ម ផានិត និងលោក សិត សីលា៕
© រក្សាសិទ្ធិដោយ thmeythmey.com