អ្នកកាសែតសារព័ត៌មានថ្មីៗ កំពុងសិក្សាជំនាញ Data Journalism នៅហ្វីលីពីន

ជាតិ

អ្នកកាសែតសារព័ត៌មានថ្មីៗ កំពុងសិក្សាជំនាញ Data Journalism នៅហ្វីលីពីន

18, Oct 2017 , 10:39 pm

រូបភាព

ដោយ: ថ្មីៗ

ម៉ានីឡា៖ ភ្នាក់ងារអភិវឌ្ឍវិស័យសារព័ត៌មានក្នុងតំបន់ អាហ្វ្រិក និងអាស៊ី របស់បារាំង CFI បានជ្រើសរើសអ្នកកាសែតសារព័ត៌មានថ្មីៗម្នាក់ ក្នុងចំណោមអ្នកកាសែត ១២ នាក់ផ្សេងទៀត មកពីបណ្តាប្រទេសនៅតំបន់អាស៊ាន ដើម្បីឲ្យចូលរួមវគ្គសិក្សាស្តីពី Data Journalism។ វគ្គសិក្សានេះ ធ្វើឡើងនៅក្នុងប្រទេសចំនួន ៣ គឺ កម្ពុជា ម៉ាឡេស៊ី និងប្រទេសហ្វីលីពីន ដែលបានចាប់ផ្តើមតាំងពីដើមខែឧសភា ឆ្នាំ២០១៧។

លោក ជា ធីរិទ្ធ អ្នកកាសែតនៃសារព័ត៌មានថ្មីៗ កំពុងសិក្សាជំនាញសារព័ត៌មានផ្នែក Data Journalism នៅក្នុងទីក្រុង Manila ប្រទេសហ្វីលីពីន បន្ទាប់ពីលោក បានបញ្ចប់វគ្គសិក្សានេះ នៅប្រទេសកម្ពុជា និងម៉ាឡេស៊ី។ កម្មវិធីសិក្សាដែលរៀបចំឡើងដោយ CFI នេះ នឹងបញ្ចប់នៅថ្ងៃទី១៩ ខែតុលា ឆ្នាំ ២០១៧។

វគ្គសិក្សានេះ បណ្តុះបណ្តាលដោយគ្រូជនជាតិបារាំង និងអ្នកជំនាញផ្នែក Data Journalism នៅក្នុងតំបន់អាស៊ាន។

សូមបញ្ជាក់ថា CFI (Canal France International) គឺជាភ្នាក់ងារសហប្រតិបត្តិការនៃក្រសួងកិច្ចការបរទេសនិងអឺរ៉ុប របស់រដ្ឋាភិបាលបារាំង។ CFI មានតួនាទីជួយពង្រឹងវិស័យសារព័ត៌មាននៅក្នុងតំបន់អាស៊ី និងតំបន់អាហ្វ្រិក៕