ជាតិ
ខ្មែរ-អាមេរិក សុំរដ្ឋាភិបាលលោក ត្រាំ បញ្ឈប់បញ្ជូនអ្នកធ្លាប់មានទោសមកស្រុកខ្មែរ
×![]()
ដោយ: ម៉ៅ សុផា
ភ្នំពេញ៖ វាជាទង្វើអមនុស្សធម៌ ដែលរដ្ឋាភិបាលអាមេរិក ដាក់ទោសពលរដ្ឋខ្មែរ ដែលភៀសខ្លួនទៅរស់នៅលើទឹកដីអាមេរិកឲ្យជាប់ពន្ធនាគារ ព្រោះប្រព្រឹត្តបទល្មើសណាមួយ ហើយបន្ទាប់មក ក៏បណ្តេញពួកគេ ឲ្យវិលមកកម្ពុជាវិញ។ ពលរដ្ឋខ្មែរ-អាមេរិកមួយចំនួន លើកឡើងដូច្នេះ ហើយសុំរដ្ឋាភិបាលអាមេរិក ពិចារណាឡើងវិញចំពោះការដាក់ទណ្ឌកម្មពីរដងបែបនេះ លើពលរដ្ឋខ្មែរ-អាមេរិក។
ពលរដ្ឋខ្មែរ-អាមេរិកមួយចំនួន ដែលត្រូវបានបញ្ជូនឲ្យមករស់នៅកម្ពុជាវិញ ព្រោះប្រព្រឹត្តកំហុសណាមួយ បានស្នើទៅរដ្ឋាភិបាលអាមេរិក ដែលដឹកនាំដោយលោកប្រធានាធិបតី ដូណាល់ ត្រាំ សុំឲ្យបញ្ឈប់ការអនុវត្តច្បាប់ឬគោលនយោបាយបែបនេះ លើពលរដ្ឋខ្មែរ-អាមេរិក ផ្សេងទៀត។ សំណើរបស់ពួកគេ ធ្វើឡើងតាមរយៈសន្និសីទកាសែតមួយ នាថ្ងៃទី២៦ ខែតុលា ឆ្នាំ២0១៧នេះ នៅសណ្ឋាគារសាន់វ៉េ ដែលស្ថិតនៅទាល់មុខស្ថានទូតអាមេរិកប្រចាំកម្ពុជា។
ពលរដ្ឋខ្មែរខាងលើ ដែលធ្លាប់ភៀសខ្លួនទៅរស់នៅអាមេរិក សង្ឃឹមថាសំណើរបស់ខ្លួន ក្នុងសន្និសីទកាសែតនោះ នឹងបានទៅដល់ស្ថាតទូតអាមេរិកប្រចាំកម្ពុជា ហើយជំរុញឲ្យរដ្ឋាភិបាលអាមេរិក ពិចារណាឡើងវិញចំពោះការបញ្ជូនពលរដ្ឋខ្មែរ-អាមេរិក ឲ្យមករស់នៅកម្ពុជា ក្រោមហេតុផលថាបានធ្វើខុសច្បាប់។ ពួកគេ យល់ថា ការដាក់ទណ្ឌកម្មណាមួយ ដូចជាឲ្យជាប់ពន្ធនាគារ គឺគ្រប់គ្រាន់ណាស់ទៅហើយ ពុំគួរណាបណ្តេញចេញទៀតនោះទេ។
លោក ខេវិន ពលរដ្ឋខ្មែរ-អាមេរិកម្នាក់ ដែលត្រូវបានរដ្ឋាភិបាលអាមេរិក បញ្ជូនមកកម្ពុជាវិញ ព្រោះបានប្រព្រឹត្តកំហុសនៅលើទឹកអាមេរិក បាននិយាយក្នុងសន្និសីទកាសែតទាំងអួលដើមក អំពើបទពិសោធជូរចត់របស់ខ្លួន។ លោក ខេវិន រៀបរាប់ថា លោក បានវាយតប់គ្នាជាមួយបុរសម្នាក់ ហើយត្រូវបានកាត់ទោសឲ្យជាប់ពន្ធនាគារកន្លះឆ្នាំ។ ពេលចេញពីពន្ធនាគារ លោក មានឱកាសបានរស់នៅនិងធ្វើការនៅអាមេរិកមួយឆ្នាំ តែក្រោយមកក៏រដ្ឋាភិបាលអាមេរិក បញ្ជូនមកកម្ពុជាវិញ។
លោក ខេវិន មិនរិះគន់ឡើយ ដែលលោកត្រូវបានកាត់ទោសឲ្យជាប់ពន្ធនាគារ ប៉ុន្តែលោក មិនអាចទទួលយកបានចំពោះការបណ្តេញចេញពីអាមេរិក។ លោក និយាយបែបនេះ៖«ពេលគេបណ្តេញចេញ ខ្ញុំពិបាកចិត្តខ្លាំងណាស់ ព្រោះត្រូវបែកបាក់គ្រួសារ និងឪពុកម្តាយ។ គ្រួសារ ត្រូវរស់នៅជាមួយគ្នា មិនអាចបំបែបគ្នាបានទេ។ សូមសួរវិញថា បើពួកគាត់ [រដ្ឋាភិបាលអាមេរិក] ស្ថិតក្នុងស្ថានភាពបែបហ្នឹង តើពួកគាត់ មានអារម្មណ៍យ៉ាងម៉េច?»។
ពលរដ្ឋខ្មែរ-អាមេរិកផ្សេងទៀត ដែលអ្នកខ្លះ ត្រូវបានបណ្តេញចេញពីអាមេរិក ដូចលោក ខេវិន ហើយអ្នកខ្លះធ្លាប់ធ្វើជាប្រធានក្នុងសហគមន៍នានាដើម្បីជួយពលរដ្ឋខ្មែរ ដែលភៀសខ្លួនទៅរស់នៅអាមេរិក បានលើកឡើងស្រដៀងគ្នា ជុំវិញបញ្ហានេះ។ ពួកគេចាត់ទុកការអនុវត្តច្បាប់ខាងលើ ថាគ្មានមនុស្សធម៌ ហើយក៏ស្នើឲ្យរដ្ឋាភិបាលអាមេរិកពិចារណាឡើងវិញ។
លោក រស់ ចន្ទ្រាបុត្រ ដែលជាទីប្រឹក្សារបស់សម្តេចនាយករដ្ឋមន្ត្រី ហ៊ុន សែន ផងនោះ បានរិះគន់រដ្ឋាភិបាលអាមេរិកខ្លាំងៗ ចំពោះការអនុវត្តគោលនយោបាយបែបនេះទៅលើជនភៀសខ្លួន។ លោក រស់ ចន្ទ្រាបុត្រ បញ្ជាក់ក្នុងសន្និសីទយ៉ាងដូច្នេះ៖«ធ្វើអ៊ីចឹង វាខុសច្បាប់ធម្មជាតិ មិនគោរពសិទ្ធិមនុស្ស ហើយក៏អមនុស្សធម៌ដែរ។ ទង្វើនេះ គឺមិនឲ្យតម្លៃមនុស្ស និងសីលធម៌។ ដាក់ពន្ធនាគារ ហើយបណ្តេញចេញទៀត។ វាជាទណ្ឌកម្មធ្ងន់ធ្ងរបំផុត»។
លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី ដែលបានរៀបចំនិងសម្របសម្រួលសន្និសីទនោះ ក៏មិនពេញចិត្តចំពោះការអនុវត្តគោលនយោបាយបែបនេះ ពីសំណាក់រដ្ឋាភិបាលអាមេរិកដែរ។ លោក សង្ឃឹមថា សាររបស់ពលរដ្ឋខ្មែរ-អាមេរិកទាំងនោះ នឹងទៅដល់រដ្ឋាភិបាលអាមេរិក និងរដ្ឋាភិបាលកម្ពុជា ដើម្បីស្វែងរកដំណោះស្រាយរួមគ្នា។
មន្ត្រីជាន់ខ្ពស់រដ្ឋាភិបាលកម្ពុជារូបនេះ មានប្រសាសន៍ដូច្នេះថា៖«យើង នៅតែចង់ជជែកគ្នាជាមួយអាមេរិក ដើម្បីរកដំណោះស្រាយ»។ ប៉ុន្តែលោកបន្ថែមថា រដ្ឋាភិបាលកម្ពុជាមិនបោះបង់ពលរដ្ឋខ្មែរ -អាមេរិកឡើយ ប្រសិនបើពួកគេ ត្រូវបានរដ្ឋាភិបាលអាមេរិកបណ្តេញចេញ ហើយបញ្ជូនមកកម្ពុជាវិញ។
កន្លងមកសម្តេច ហ៊ុន សែន ប្រមុខរដ្ឋាភិបាលកម្ពុជា ក៏ធ្លាប់ប្រតិកម្មទៅនឹងរដ្ឋាភិបាលអាមេរិកដែរ ចំពោះរឿងនេះដែរ។ សម្តេច ហ៊ុន សែន ចាត់ទុកថាវាជាអំពើអមនុស្សធម៌ ដែលពលរដ្ឋខ្មែរ-អាមេរិក ត្រូវបានដាក់ទោសរួចហើយ ហើយក្រោយមកត្រូវបានបណ្តេញចេញទៀតនោះ។
សូមបញ្ជាក់ថា រហូតមកដល់ពេលនេះ ពលរដ្ឋខ្មែរ-អាមេរិកជិត៦00នាក់ហើយ ដែលត្រូវបានបញ្ជូនមកកម្ពុជាវិញ ដោយសារតែធ្វើខុសច្បាប់។ ក្នុងចំណោមអ្នកទាំងនោះ ពលរដ្ឋខ្មែរ-អាមេរិកជាង១0នាក់ បានសម្រេចចិត្តធ្វើអត្តឃាត ក្រោយមកដល់កម្ពុជា ព្រោះតែការបែកបាក់គ្រួសារ និងគ្មានទីពំនាក់៕
ពលរដ្ឋខ្មែរ-អាមេរិកមួយចំនួន ដែលត្រូវបានបញ្ជូនឲ្យមករស់នៅកម្ពុជាវិញ ព្រោះប្រព្រឹត្តកំហុសណាមួយ បានស្នើទៅរដ្ឋាភិបាលអាមេរិក ដែលដឹកនាំដោយលោកប្រធានាធិបតី ដូណាល់ ត្រាំ សុំឲ្យបញ្ឈប់ការអនុវត្តច្បាប់ឬគោលនយោបាយបែបនេះ លើពលរដ្ឋខ្មែរ-អាមេរិក ផ្សេងទៀត។ សំណើរបស់ពួកគេ ធ្វើឡើងតាមរយៈសន្និសីទកាសែតមួយ នាថ្ងៃទី២៦ ខែតុលា ឆ្នាំ២0១៧នេះ នៅសណ្ឋាគារសាន់វ៉េ ដែលស្ថិតនៅទាល់មុខស្ថានទូតអាមេរិកប្រចាំកម្ពុជា។
ពលរដ្ឋខ្មែរខាងលើ ដែលធ្លាប់ភៀសខ្លួនទៅរស់នៅអាមេរិក សង្ឃឹមថាសំណើរបស់ខ្លួន ក្នុងសន្និសីទកាសែតនោះ នឹងបានទៅដល់ស្ថាតទូតអាមេរិកប្រចាំកម្ពុជា ហើយជំរុញឲ្យរដ្ឋាភិបាលអាមេរិក ពិចារណាឡើងវិញចំពោះការបញ្ជូនពលរដ្ឋខ្មែរ-អាមេរិក ឲ្យមករស់នៅកម្ពុជា ក្រោមហេតុផលថាបានធ្វើខុសច្បាប់។ ពួកគេ យល់ថា ការដាក់ទណ្ឌកម្មណាមួយ ដូចជាឲ្យជាប់ពន្ធនាគារ គឺគ្រប់គ្រាន់ណាស់ទៅហើយ ពុំគួរណាបណ្តេញចេញទៀតនោះទេ។
លោក ខេវិន ពលរដ្ឋខ្មែរ-អាមេរិកម្នាក់ ដែលត្រូវបានរដ្ឋាភិបាលអាមេរិក បញ្ជូនមកកម្ពុជាវិញ ព្រោះបានប្រព្រឹត្តកំហុសនៅលើទឹកអាមេរិក បាននិយាយក្នុងសន្និសីទកាសែតទាំងអួលដើមក អំពើបទពិសោធជូរចត់របស់ខ្លួន។ លោក ខេវិន រៀបរាប់ថា លោក បានវាយតប់គ្នាជាមួយបុរសម្នាក់ ហើយត្រូវបានកាត់ទោសឲ្យជាប់ពន្ធនាគារកន្លះឆ្នាំ។ ពេលចេញពីពន្ធនាគារ លោក មានឱកាសបានរស់នៅនិងធ្វើការនៅអាមេរិកមួយឆ្នាំ តែក្រោយមកក៏រដ្ឋាភិបាលអាមេរិក បញ្ជូនមកកម្ពុជាវិញ។
លោក ខេវិន មិនរិះគន់ឡើយ ដែលលោកត្រូវបានកាត់ទោសឲ្យជាប់ពន្ធនាគារ ប៉ុន្តែលោក មិនអាចទទួលយកបានចំពោះការបណ្តេញចេញពីអាមេរិក។ លោក និយាយបែបនេះ៖«ពេលគេបណ្តេញចេញ ខ្ញុំពិបាកចិត្តខ្លាំងណាស់ ព្រោះត្រូវបែកបាក់គ្រួសារ និងឪពុកម្តាយ។ គ្រួសារ ត្រូវរស់នៅជាមួយគ្នា មិនអាចបំបែបគ្នាបានទេ។ សូមសួរវិញថា បើពួកគាត់ [រដ្ឋាភិបាលអាមេរិក] ស្ថិតក្នុងស្ថានភាពបែបហ្នឹង តើពួកគាត់ មានអារម្មណ៍យ៉ាងម៉េច?»។
ពលរដ្ឋខ្មែរ-អាមេរិកផ្សេងទៀត ដែលអ្នកខ្លះ ត្រូវបានបណ្តេញចេញពីអាមេរិក ដូចលោក ខេវិន ហើយអ្នកខ្លះធ្លាប់ធ្វើជាប្រធានក្នុងសហគមន៍នានាដើម្បីជួយពលរដ្ឋខ្មែរ ដែលភៀសខ្លួនទៅរស់នៅអាមេរិក បានលើកឡើងស្រដៀងគ្នា ជុំវិញបញ្ហានេះ។ ពួកគេចាត់ទុកការអនុវត្តច្បាប់ខាងលើ ថាគ្មានមនុស្សធម៌ ហើយក៏ស្នើឲ្យរដ្ឋាភិបាលអាមេរិកពិចារណាឡើងវិញ។
លោក រស់ ចន្ទ្រាបុត្រ ដែលជាទីប្រឹក្សារបស់សម្តេចនាយករដ្ឋមន្ត្រី ហ៊ុន សែន ផងនោះ បានរិះគន់រដ្ឋាភិបាលអាមេរិកខ្លាំងៗ ចំពោះការអនុវត្តគោលនយោបាយបែបនេះទៅលើជនភៀសខ្លួន។ លោក រស់ ចន្ទ្រាបុត្រ បញ្ជាក់ក្នុងសន្និសីទយ៉ាងដូច្នេះ៖«ធ្វើអ៊ីចឹង វាខុសច្បាប់ធម្មជាតិ មិនគោរពសិទ្ធិមនុស្ស ហើយក៏អមនុស្សធម៌ដែរ។ ទង្វើនេះ គឺមិនឲ្យតម្លៃមនុស្ស និងសីលធម៌។ ដាក់ពន្ធនាគារ ហើយបណ្តេញចេញទៀត។ វាជាទណ្ឌកម្មធ្ងន់ធ្ងរបំផុត»។
លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី ដែលបានរៀបចំនិងសម្របសម្រួលសន្និសីទនោះ ក៏មិនពេញចិត្តចំពោះការអនុវត្តគោលនយោបាយបែបនេះ ពីសំណាក់រដ្ឋាភិបាលអាមេរិកដែរ។ លោក សង្ឃឹមថា សាររបស់ពលរដ្ឋខ្មែរ-អាមេរិកទាំងនោះ នឹងទៅដល់រដ្ឋាភិបាលអាមេរិក និងរដ្ឋាភិបាលកម្ពុជា ដើម្បីស្វែងរកដំណោះស្រាយរួមគ្នា។
មន្ត្រីជាន់ខ្ពស់រដ្ឋាភិបាលកម្ពុជារូបនេះ មានប្រសាសន៍ដូច្នេះថា៖«យើង នៅតែចង់ជជែកគ្នាជាមួយអាមេរិក ដើម្បីរកដំណោះស្រាយ»។ ប៉ុន្តែលោកបន្ថែមថា រដ្ឋាភិបាលកម្ពុជាមិនបោះបង់ពលរដ្ឋខ្មែរ -អាមេរិកឡើយ ប្រសិនបើពួកគេ ត្រូវបានរដ្ឋាភិបាលអាមេរិកបណ្តេញចេញ ហើយបញ្ជូនមកកម្ពុជាវិញ។
កន្លងមកសម្តេច ហ៊ុន សែន ប្រមុខរដ្ឋាភិបាលកម្ពុជា ក៏ធ្លាប់ប្រតិកម្មទៅនឹងរដ្ឋាភិបាលអាមេរិកដែរ ចំពោះរឿងនេះដែរ។ សម្តេច ហ៊ុន សែន ចាត់ទុកថាវាជាអំពើអមនុស្សធម៌ ដែលពលរដ្ឋខ្មែរ-អាមេរិក ត្រូវបានដាក់ទោសរួចហើយ ហើយក្រោយមកត្រូវបានបណ្តេញចេញទៀតនោះ។
សូមបញ្ជាក់ថា រហូតមកដល់ពេលនេះ ពលរដ្ឋខ្មែរ-អាមេរិកជិត៦00នាក់ហើយ ដែលត្រូវបានបញ្ជូនមកកម្ពុជាវិញ ដោយសារតែធ្វើខុសច្បាប់។ ក្នុងចំណោមអ្នកទាំងនោះ ពលរដ្ឋខ្មែរ-អាមេរិកជាង១0នាក់ បានសម្រេចចិត្តធ្វើអត្តឃាត ក្រោយមកដល់កម្ពុជា ព្រោះតែការបែកបាក់គ្រួសារ និងគ្មានទីពំនាក់៕
Tag:
ខែ្មរ-អាមេរិក
© រក្សាសិទ្ធិដោយ thmeythmey.com
