ពីនេះ ពីនោះ
ព័ត៍មានសុខភាព
បុរសមើលវីដេអូសិចច្រើនអាចធ្វើឲ្យខួរក្បាលស្វិតបាន
× យោងទៅតាមសេចក្តីរាយការណ៍មួយរបស់ Daily Mail បានឲ្យដឹងថា ការមើលវីដេអូសិចច្រើនអាចបណ្តាលឲ្យស្វិតខួរក្បាលបាន។
តាមការសិក្សាដ៏តូចមួយ ដែលមានការថត MRI នោះបានរកឃើញថា បុរសដែលមើលវីដេអូសិចភាគច្រើនគឺធ្វើឲ្យតំបន់ខួរក្បាល Grey Matter មិនសូវមានច្រើន ដូចបុរសដែលមើលតិចបំផុតឡើយ។
គេបានរកឃើញនូវទំនាក់ទំនងតិចតួចទៅមធ្យមមួយរវាងចំនួនម៉ោងនៃការមើលវីដេអូសិចក្នុងមួយសប្តាហ៍ និងការមិនសូវសកម្មនៅផ្នែកជាច្រើននៃខួរក្បាលទើបធ្វើឲ្យជាប់ទាក់ទងនឹងការភ្ញោចខាងផ្លូវភេទលើមនុស្សប្រុស។
កាលណាចំនួនម៉ោងនៃការមើលវីដេអូសិចកាន់តែច្រើន ចំនួនឬទំហំតំបន់ខួរក្បាល Grey Matter និងការបញ្ជូនសញ្ញារបស់ខួរក្បាលកាន់តែតិច។
ទោះបីជាយ៉ាងណាក៏ដោយ បញ្ហាធំមួយនៃការសិក្សានេះគឺថា អ្នកមិនអាចប្រាប់បានថាអ្វីទៅជាមូលហេតុ និងឥទ្ធិពលរបស់វាបាននៅឡើយទេ។ មនុស្សអាចយល់ថា បុរសដែលមានភាពខ្សោយ ឬតំបន់មួយជាច្រើននៃខួរក្បាលមិនសូវមានសកម្មជាមនុស្សដែលចូលចិត្តមើលវីដេអូសិចទៅវិញដែរ។
សរុបមក ការសិក្សានេះមិនបានផ្តល់អំណះអំណាងច្បាស់លាស់ថា ការមើលវីដេអូសិចអាចធ្វើឲ្យខួរក្បាលស្វិតឡើយ ប៉ុន្តែជាចំនុចដែលយើងគួរតែកត់សម្គាល់ដែរ៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com