ពីនេះ ពីនោះ
ព័ត៍មានសុខភាព
ការញ៉ាំមានជាប់ទាក់ទងនឹងការគិតដែរ
× យោងទៅតាម The Daily Telegraph បានឲ្យដឹងថា ការគិតអាចធ្វើឲ្យអ្នកទៅជាមនុស្សធាត់បាន។ ក្រុមអ្នកស្រាវជ្រាវជនជាតិកាណាដាមួយក្រុមបានពិនិត្យទៅលើការញ៉ាំអាហាររបស់និស្សិតស្រីប្រមាណ ១៤នាក់ក្រោយពីតម្រូវឲ្យពួកគេមានគោលដៅគិតបីយ៉ាងដែលក្នុងនោះមានទាំងការសម្រាកបន្ធូរអារម្មណ៍ពេលអង្គុយ ការអាន និងការសង្ខេបអត្ថបទ ឬបំពេញនូវការចងចាំ ការយកចិត្តទុកដាក់ និងការធ្វើតេស្តយ៉ាងប្រុងប្រយ័ត្ននៅលើកុំព្យូទ័រ។ នៅពេលផ្តល់ឲ្យញ៉ាំអាហារបូសហ្វេក្រោយពីធ្វើសកម្មភាពទាំងនោះរួច និស្សិតជាច្រើនក៏បានញ៉ាំកាឡូរីច្រើនជាង ២០៣ ក្រោយពីសង្ខេបអត្ថបទរួច និង ២៥៣ក្រោយពីធ្វើតេស្តកុំព្យូទ័ររួច។
អ្នកដឹកនាំការសិក្សានេះក៏បានពិនិត្យទៅលើភាពឡើងចុះរបស់ជាតិស្ករ និងអាំងស៊ុយលីនក្នុងឈាមដែរ ក្នុងគោលបំណងដើម្បីដឹងអំពីយន្តការរបស់វាក្នុងរាងកាយ។ យ៉ាងណាមិញ ការសិក្សានេះអាចគិតថាបង្ហាញលទ្ធផលជ្រុលពេកហើយនៅពេលវាគ្រាន់តែជាការសិក្សាដ៏តូចមួយប៉ុណ្ណោះ ហើយរឿងនេះក៏មិនបានរាប់បញ្ចូលក្នុងសកម្មភាពរាងកាយដែលមានតិចដែរ ក្នុងការធ្វើឲ្យមនុស្សម្នាក់ញ៉ាំច្រើនហើយធាត់បាន។
អ្វីដែលយើងដឹងនោះគឺថា យើងញ៉ាំនៅពេលឃ្លាន ហើយការធ្វើសកម្មភាពរាងកាយបន្ថែមទៀតក្រោយពីញ៉ាំរួច នឹងជំរុញដល់សកម្មភាពរបស់ខួរក្បាល ដែលសុទ្ធតែក្នុងបំណងបង្កើតជាថាមពលដើម្បីរស់នៅប៉ុណ្ណោះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com