ជាតិ
សេដ្ឋកិច្ច
×![]()
ភ្នំពេញ៖ ខណៈដែលប្រភេទសេវាកម្មដឹកជញ្ជូនថ្មីមួយទៀត គឺម៉ូតូកង់បី GPS ដែលកំពុងវាយលុកក្នុងទីផ្សារកម្ពុជា ម៉ូតូកង់បីខ្មែរ ឬគេហៅជាភាសាបរទេសថា«ទុកៗ» ក៏អាចប្រឈមនឹងការបាត់បង់ផងដែរ។ សេវាកម្មថ្មីនេះមិនបានធ្វើឲ្យអ្នករត់ទុកៗសប្បាយចិត្តនោះទេ ដោយពួកគេបានត្អូញត្អែរពីការធ្លាក់ចុះប្រាក់ចំណូលខ្លាំងពីមុខរបរនេះ។
អ្នករត់ម៉ូតូកង់បីខ្មែរក្នុងក្រុងភ្នំពេញមួយរូប គឺលោក នឿន បានថ្លែងប្រាប់សារព័ត៌មានថ្មីៗថា មុខរបរសព្វថ្ងៃរបស់លោកកំពុងជួបផលលំបាកខ្លាំង ដោយពីមុនលោករកចំណូលរង្វង់ ៤ម៉ឺនរៀលក្នុងមួយថ្ងៃ តែឥឡូវរកបានត្រឹម ២ម៉ឺនរៀល ឬតិចជាងនេះ។ លោកសន្មត់ថាសេវាកម្មថ្មី គឺម៉ូតូកង់បី GPS កំពុងដណ្ដើមអតិថិជនពីអ្នករត់ម៉ូតូកង់បីខ្មែរ។ លោកថ្លែងដូច្នេះថា៖«ឥឡូវគេនាំគ្នាជិះម៉ូតូកង់បី GPS ព្រោះវាថោកជាង វាប្រើហ្គាស។ ពិសេសបរទេសងាកមកជិះម៉ូតូនេះ»។
«បួនប្រាំឆ្នាំទៀត ទុកៗសព្វថ្ងៃលែងមានទៀតហើយ តាមមើលទៅ»។ នេះជាការថ្លែងរបស់ លោក នឿន ។ ចំណូលតិចបែបនេះ កំពុងជំរុញឲ្យអ្នករត់កង់បីខ្មែររូបនេះ គិតរកមុខរបរថ្មី។ លោកបន្ថែមថា អ្នករត់ម៉ូតូកង់បីខ្មែរជាមួយលោកមួយចំនួន បានឈប់ជាបណ្ដើរៗ។
បើទោះបីការរត់ម៉ូតូកង់បី GPS ហាក់កាក់កបជាង ប៉ុន្តែលោក នឿន អះអាងថាខ្លួនលោកមិនអាចឈោងចាប់សេវាកម្មថ្មីនេះបានទេ។ លោកប្រាប់ថា លោកគ្មានលទ្ធភាពទិញម៉ូតូកង់បីថ្មី ដែលមានតម្លៃជិត ៣០០០ដុល្លារនោះទេ។
អ្នករត់ម៉ូតូកង់បីខ្មែរម្នាក់ទៀត គឺលោក នង ក៏ហាក់អស់សង្ឃឹមនឹងការរត់ឌុបសព្វថ្ងៃនេះដែរ ប៉ុន្តែលោកមិនបានសន្មត់មូលហេតុទៅលើម៉ូតូកង់បី GPS តែមួយម្យ៉ាងនោះទេ។ លោកលើកឡើងដូច្នេះថា៖«រកអត់សូវបាននោះទេ មួយថ្ងៃបានតែ ១៥០០០រៀល ឬ ២០០០០រៀលប៉ុណ្ណោះ ព្រោះតែមានអ្នករត់ឌុបកាន់តែច្រើននៅពេលសព្វថ្ងៃនេះ។ អ្នកបើកម៉ូតូកង់បី GPS រកបានច្រើនជាង»។ លោកគ្រោងបោះបង់មុខរបររត់ម៉ូតូកង់បី និងងាកទៅបើកឡានតាក់ស៊ីវិញ។
សេវាកម្មម៉ូតូកង់បី GPS គឺជាសេវាកម្មដែលអាចឲ្យអតិថិជនហៅសេវា តាមរយៈ APP នៅលើទូរសព្ទស្មាតហ្វូន ហើយគិតកម្រៃសេវាជាធម្មតា ១២០០រៀលក្នុងមួយគីឡីម៉ែត្រ។ APP ត្រូវបានគ្រប់គ្រងដោយក្រុមហ៊ុនណាមួយ ហើយមានភ្នាក់ងារអ្នករត់ឌុបម៉ូតូកង់បីចុះឈ្មោះជាមួយក្រុមហ៊ុន ដើម្បីបានស្ថិតក្នុងបណ្ដាញរបស់ក្រុមហ៊ុន។ អ្នករត់ឌុបនោះត្រូវចែកភាគរយជាមួយក្រុមហ៊ុន ដែលពួកគេថា ១៥ ទៅ ២០ភាគរយ ទៅតាមក្រុមហ៊ុននីមួយៗ។ ពួកគេត្រូវមានម៉ូតូកង់បីដោយខ្លួនឯង ដែលអ្នកខ្លះទិញ អ្នកខ្លះជួល ពីក្រុមហ៊ុនផ្សេងទៀត ពោលគឺមិនមែនក្រុមហ៊ុនបង្កើត APP នោះទេ។ បើតាមអ្នករត់ប្រភេទម៉ូតូកង់បីថ្មីនេះ ម៉ូតូនេះតម្លៃមិនតិចជាង ២៨០០ដុល្លារ តែបើជួលគឺថ្លៃ ២ម៉ឺនរៀលក្នុងមួយថ្ងៃ។ ពួកគេថានេះជាផលិតផលនាំចូលពីប្រទេសឥណ្ឌា។
លោក តុប និមល ស្ថាបនិកក្រុមហ៊ុន Pass App យល់ឃើញថា របររត់ម៉ូតូកង់បីខ្មែរ នឹងជួបបញ្ហាទៅថ្ងៃមុខ បើមិនមានការផ្លាស់ប្ដូរនោះទេ។ លោកថ្លែងដូចនេះថា៖«របរនេះនឹងជួបបញ្ហា នៅក្នុងរបត់ថ្មីនេះ ដោយភ្ញៀវអត់ចូលចិត្តតថ្លៃនោះទេ។ តែបើបើពួកគេកំណត់តម្លៃស្ដង់ដារ ខ្ញុំយល់ថានៅតែដំណើរការ»។
លោកឲ្យដឹងថា ក្រុមហ៊ុនលោកធ្លាប់ទាក់ទាញអ្នកបើកម៉ូតូកង់បីខ្មែរឲ្យចូលក្នុងបណ្ដាញរបស់ក្រុមហ៊ុន ដោយប្រើ APP ដូចគ្នានឹងម៉ូតូកង់បីពីឥណ្ឌាផងដែរ តែអ្នកទាំងនោះនៅតែចូលចិត្តសេវាតថ្លៃ។ «ខាងខ្ញុំសាកភ្ជាប់ ម៉ូតូកង់បីខ្មែរដែរ តែពួកគាត់នៅតែចង់តថ្លៃពីភ្ញៀវ គឺមិនចង់ប្រើសេវាគិតគីឡូនោះទេ»។ លោក តុប និមល ថ្លែងបែបនេះ។ លោកបន្តថា ភ្ញៀវមិនថាខ្មែរ ឬបរទេស កំពុងងាកមកជិះម៉ូតូកង់បី GPS កាន់តែច្រើន ដោយសារតម្លៃស្ដង់ដារគ្មានការតថ្លៃ និងភាពងាយស្រួលដោយប្រើ APP ។
លោកបានប៉ាន់ស្មានថា អ្នករត់ម៉ូតូកង់បី GPS ក្នុងបណ្ដាណក្រុមហ៊ុនលោក ក្នុងមួយថ្ងៃរកប្រាក់ចំណូលបានប្រហែល ៧ម៉ឺនរៀល តែបើអ្នកជួលម៉ូតូកង់បីយកមករត់ បានចំណូលប្រមាណ ៥ម៉ឺនរៀល បើសិនណារត់ឌុបមួយថ្ងៃពេញ។ គ្រាន់តែក្រុមហ៊ុនលោកមួយមានម៉ូតូកង់បីពីឥណ្ឌាជាសមាជិកជាង ៨០០គ្រឿង ដែលមានប្រតិបត្តិការនៅតែក្នុងភ្នំពេញ៕
អ្នករត់ម៉ូតូកង់បីខ្មែរក្នុងក្រុងភ្នំពេញមួយរូប គឺលោក នឿន បានថ្លែងប្រាប់សារព័ត៌មានថ្មីៗថា មុខរបរសព្វថ្ងៃរបស់លោកកំពុងជួបផលលំបាកខ្លាំង ដោយពីមុនលោករកចំណូលរង្វង់ ៤ម៉ឺនរៀលក្នុងមួយថ្ងៃ តែឥឡូវរកបានត្រឹម ២ម៉ឺនរៀល ឬតិចជាងនេះ។ លោកសន្មត់ថាសេវាកម្មថ្មី គឺម៉ូតូកង់បី GPS កំពុងដណ្ដើមអតិថិជនពីអ្នករត់ម៉ូតូកង់បីខ្មែរ។ លោកថ្លែងដូច្នេះថា៖«ឥឡូវគេនាំគ្នាជិះម៉ូតូកង់បី GPS ព្រោះវាថោកជាង វាប្រើហ្គាស។ ពិសេសបរទេសងាកមកជិះម៉ូតូនេះ»។
«បួនប្រាំឆ្នាំទៀត ទុកៗសព្វថ្ងៃលែងមានទៀតហើយ តាមមើលទៅ»។ នេះជាការថ្លែងរបស់ លោក នឿន ។ ចំណូលតិចបែបនេះ កំពុងជំរុញឲ្យអ្នករត់កង់បីខ្មែររូបនេះ គិតរកមុខរបរថ្មី។ លោកបន្ថែមថា អ្នករត់ម៉ូតូកង់បីខ្មែរជាមួយលោកមួយចំនួន បានឈប់ជាបណ្ដើរៗ។
បើទោះបីការរត់ម៉ូតូកង់បី GPS ហាក់កាក់កបជាង ប៉ុន្តែលោក នឿន អះអាងថាខ្លួនលោកមិនអាចឈោងចាប់សេវាកម្មថ្មីនេះបានទេ។ លោកប្រាប់ថា លោកគ្មានលទ្ធភាពទិញម៉ូតូកង់បីថ្មី ដែលមានតម្លៃជិត ៣០០០ដុល្លារនោះទេ។
អ្នករត់ម៉ូតូកង់បីខ្មែរម្នាក់ទៀត គឺលោក នង ក៏ហាក់អស់សង្ឃឹមនឹងការរត់ឌុបសព្វថ្ងៃនេះដែរ ប៉ុន្តែលោកមិនបានសន្មត់មូលហេតុទៅលើម៉ូតូកង់បី GPS តែមួយម្យ៉ាងនោះទេ។ លោកលើកឡើងដូច្នេះថា៖«រកអត់សូវបាននោះទេ មួយថ្ងៃបានតែ ១៥០០០រៀល ឬ ២០០០០រៀលប៉ុណ្ណោះ ព្រោះតែមានអ្នករត់ឌុបកាន់តែច្រើននៅពេលសព្វថ្ងៃនេះ។ អ្នកបើកម៉ូតូកង់បី GPS រកបានច្រើនជាង»។ លោកគ្រោងបោះបង់មុខរបររត់ម៉ូតូកង់បី និងងាកទៅបើកឡានតាក់ស៊ីវិញ។
សេវាកម្មម៉ូតូកង់បី GPS គឺជាសេវាកម្មដែលអាចឲ្យអតិថិជនហៅសេវា តាមរយៈ APP នៅលើទូរសព្ទស្មាតហ្វូន ហើយគិតកម្រៃសេវាជាធម្មតា ១២០០រៀលក្នុងមួយគីឡីម៉ែត្រ។ APP ត្រូវបានគ្រប់គ្រងដោយក្រុមហ៊ុនណាមួយ ហើយមានភ្នាក់ងារអ្នករត់ឌុបម៉ូតូកង់បីចុះឈ្មោះជាមួយក្រុមហ៊ុន ដើម្បីបានស្ថិតក្នុងបណ្ដាញរបស់ក្រុមហ៊ុន។ អ្នករត់ឌុបនោះត្រូវចែកភាគរយជាមួយក្រុមហ៊ុន ដែលពួកគេថា ១៥ ទៅ ២០ភាគរយ ទៅតាមក្រុមហ៊ុននីមួយៗ។ ពួកគេត្រូវមានម៉ូតូកង់បីដោយខ្លួនឯង ដែលអ្នកខ្លះទិញ អ្នកខ្លះជួល ពីក្រុមហ៊ុនផ្សេងទៀត ពោលគឺមិនមែនក្រុមហ៊ុនបង្កើត APP នោះទេ។ បើតាមអ្នករត់ប្រភេទម៉ូតូកង់បីថ្មីនេះ ម៉ូតូនេះតម្លៃមិនតិចជាង ២៨០០ដុល្លារ តែបើជួលគឺថ្លៃ ២ម៉ឺនរៀលក្នុងមួយថ្ងៃ។ ពួកគេថានេះជាផលិតផលនាំចូលពីប្រទេសឥណ្ឌា។
លោក តុប និមល ស្ថាបនិកក្រុមហ៊ុន Pass App យល់ឃើញថា របររត់ម៉ូតូកង់បីខ្មែរ នឹងជួបបញ្ហាទៅថ្ងៃមុខ បើមិនមានការផ្លាស់ប្ដូរនោះទេ។ លោកថ្លែងដូចនេះថា៖«របរនេះនឹងជួបបញ្ហា នៅក្នុងរបត់ថ្មីនេះ ដោយភ្ញៀវអត់ចូលចិត្តតថ្លៃនោះទេ។ តែបើបើពួកគេកំណត់តម្លៃស្ដង់ដារ ខ្ញុំយល់ថានៅតែដំណើរការ»។
លោកឲ្យដឹងថា ក្រុមហ៊ុនលោកធ្លាប់ទាក់ទាញអ្នកបើកម៉ូតូកង់បីខ្មែរឲ្យចូលក្នុងបណ្ដាញរបស់ក្រុមហ៊ុន ដោយប្រើ APP ដូចគ្នានឹងម៉ូតូកង់បីពីឥណ្ឌាផងដែរ តែអ្នកទាំងនោះនៅតែចូលចិត្តសេវាតថ្លៃ។ «ខាងខ្ញុំសាកភ្ជាប់ ម៉ូតូកង់បីខ្មែរដែរ តែពួកគាត់នៅតែចង់តថ្លៃពីភ្ញៀវ គឺមិនចង់ប្រើសេវាគិតគីឡូនោះទេ»។ លោក តុប និមល ថ្លែងបែបនេះ។ លោកបន្តថា ភ្ញៀវមិនថាខ្មែរ ឬបរទេស កំពុងងាកមកជិះម៉ូតូកង់បី GPS កាន់តែច្រើន ដោយសារតម្លៃស្ដង់ដារគ្មានការតថ្លៃ និងភាពងាយស្រួលដោយប្រើ APP ។
លោកបានប៉ាន់ស្មានថា អ្នករត់ម៉ូតូកង់បី GPS ក្នុងបណ្ដាណក្រុមហ៊ុនលោក ក្នុងមួយថ្ងៃរកប្រាក់ចំណូលបានប្រហែល ៧ម៉ឺនរៀល តែបើអ្នកជួលម៉ូតូកង់បីយកមករត់ បានចំណូលប្រមាណ ៥ម៉ឺនរៀល បើសិនណារត់ឌុបមួយថ្ងៃពេញ។ គ្រាន់តែក្រុមហ៊ុនលោកមួយមានម៉ូតូកង់បីពីឥណ្ឌាជាសមាជិកជាង ៨០០គ្រឿង ដែលមានប្រតិបត្តិការនៅតែក្នុងភ្នំពេញ៕
Tag:
ម៉ូតូកង់បី
© រក្សាសិទ្ធិដោយ thmeythmey.com
