អន្តរជាតិ
ចិន ផ្តល់ជំនួយជាង២០លានដុល្លារដល់ហ្វីលីពីនស្រោចស្រង់ស្ថានភាពនៅតំបន់រងការវាយប្រហារ
លោកប្រធានាធិបតីហ្វីលីពីន Rodrigo Duterte (ស្តាំ) និងលោកនាយករដ្ឋមន្ត្រីចិន Li Keqiang នាជំនួបនៅក្រុងម៉ានីលកាលពីថ្ងៃទី១៥ ខែវិច្ឆិកា។ រូបថត AFP
×![]()
បន្ទាប់ពីបញ្ចប់កិច្ចប្រជុំជាមួយនឹងមេដឹកនាំអាស៊ាន លោកនាយករដ្ឋមន្ត្រីចិន លី ឃឺឈាំង មិនទាន់ចាកចេញទៅកាន់ក្រុងប៉េកាំងវិញឡើយ ។ លោកនាយករដ្ឋមន្ត្រី លី បានបន្តបំពេញទស្សនកិច្ចផ្លូវការនៅហ្វីលីពីន ដោយថែមទាំងបានចុះហត្ថលេខាលើកិច្ចព្រមព្រៀងជាមួយនឹងប្រធានាធិបតីហ្វីលីពីន ឌូទើតេទៀតផង ។
លោកនាយករដ្ឋមន្ត្រី លី ឃឺឈាំង និងលោកប្រធានាធិបតី រ៉ូឌ្រីហ្គូ ឌូទើតេ នៅថ្ងៃ១៥ វិច្ឆិកាបានព្រមព្រៀងគ្នាក្នុងការពង្រឹងទំនាក់ទំនងទ្វេភាគីឲ្យកាន់តែល្អប្រសើរ និងស៊ីជម្រៅ ។ ប្រមុខដឹកនាំទាំងពីរ ក៏បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការចំនួន១៤ដែលពាក់ព័ន្ធលើពាណិជ្ជកម្ម បច្ចេកវិទ្យា និងហេដ្ឋារចនាសម្ព័ន្ធជាដើម ។ នេះបើយោងតាមភ្នាក់ងារព័ត៌មានចិន Xinhua ។
តាមប្រភពព័ត៌មានដដែលនោះ តាមរយៈជំនួបនេះ លោកនាយករដ្ឋមន្ត្រី លី ក៏បានសន្យាផ្តល់ជំនួយប្រមាណ ២២.៧ លានដុល្លារដែលជាជំនួយរបស់រដ្ឋាភិបាលចិនដើម្បីស្តារ និងសាងសង់ឡើងវិញនៅតំបន់រងការវាយប្រហារ Marawi របស់ហ្វីលីពីន ដែលទើបតែត្រូវបានរដ្ឋាភិបាលហ្វីលីពីនរម្តោះបានពីក្រុមឧទ្ទាមកាលពីពេលថ្មីៗនេះ ។
ខណៈថ្លែងពីការផ្តល់ជំនួយនេះ លោកនាយករដ្ឋមន្ត្រីចិន ក៏បានថ្លែងពីជំនឿរបស់លោកទៅកាន់ប្រមុខហ្វីលីពីនយ៉ាងដូច្នេះថា៖«ក្រោមការដឹកនាំរបស់លោក ឌូទើតេ ការស្តារឡើងវិញនៅតំបន់ Marawi នឹងត្រូវបានបញ្ចប់នាពេលខាងមុខដ៏ខ្លី ហើយប្រជាជនក្នុងស្រុក នឹងអាចវិលត្រលប់ទៅរកការរស់នៅដោយរីករាយវិញបានហើយ» ។
ប្រមុខរដ្ឋហ្វីលីពីន ក៏បានអរគុណប្រមុខរដ្ឋាភិបាលចិនសម្រាប់ការផ្តល់ជំនួយដើម្បីស្តារនីតិសម្បទានៅតំបន់រងគ្រោះ Marawi ក៏ដូចជាជំនួយដើម្បីជំរុញហ្វីលីពីនផងដែរ ។ លោកប្រធានាធិបតី បានសង្កត់ធ្ងន់ថា៖«ខ្ញុំ ពិតជារីករាយណាស់ដែលបានឃើញពីទំនាក់ទំនងវិជ្ជមានរវាងហ្វីលីពីន-ចិន។ កិច្ចសហប្រតិបត្តិការពិតប្រាកដលើវិស័យជាច្រើនរបស់យើង នឹងនាំមកវិញនូវផលប្រយោជន៍យ៉ាងពិតប្រយោជន៍នាពេលខាងមុខ»៕
លោកនាយករដ្ឋមន្ត្រី លី ឃឺឈាំង និងលោកប្រធានាធិបតី រ៉ូឌ្រីហ្គូ ឌូទើតេ នៅថ្ងៃ១៥ វិច្ឆិកាបានព្រមព្រៀងគ្នាក្នុងការពង្រឹងទំនាក់ទំនងទ្វេភាគីឲ្យកាន់តែល្អប្រសើរ និងស៊ីជម្រៅ ។ ប្រមុខដឹកនាំទាំងពីរ ក៏បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការចំនួន១៤ដែលពាក់ព័ន្ធលើពាណិជ្ជកម្ម បច្ចេកវិទ្យា និងហេដ្ឋារចនាសម្ព័ន្ធជាដើម ។ នេះបើយោងតាមភ្នាក់ងារព័ត៌មានចិន Xinhua ។
តាមប្រភពព័ត៌មានដដែលនោះ តាមរយៈជំនួបនេះ លោកនាយករដ្ឋមន្ត្រី លី ក៏បានសន្យាផ្តល់ជំនួយប្រមាណ ២២.៧ លានដុល្លារដែលជាជំនួយរបស់រដ្ឋាភិបាលចិនដើម្បីស្តារ និងសាងសង់ឡើងវិញនៅតំបន់រងការវាយប្រហារ Marawi របស់ហ្វីលីពីន ដែលទើបតែត្រូវបានរដ្ឋាភិបាលហ្វីលីពីនរម្តោះបានពីក្រុមឧទ្ទាមកាលពីពេលថ្មីៗនេះ ។
ខណៈថ្លែងពីការផ្តល់ជំនួយនេះ លោកនាយករដ្ឋមន្ត្រីចិន ក៏បានថ្លែងពីជំនឿរបស់លោកទៅកាន់ប្រមុខហ្វីលីពីនយ៉ាងដូច្នេះថា៖«ក្រោមការដឹកនាំរបស់លោក ឌូទើតេ ការស្តារឡើងវិញនៅតំបន់ Marawi នឹងត្រូវបានបញ្ចប់នាពេលខាងមុខដ៏ខ្លី ហើយប្រជាជនក្នុងស្រុក នឹងអាចវិលត្រលប់ទៅរកការរស់នៅដោយរីករាយវិញបានហើយ» ។
ប្រមុខរដ្ឋហ្វីលីពីន ក៏បានអរគុណប្រមុខរដ្ឋាភិបាលចិនសម្រាប់ការផ្តល់ជំនួយដើម្បីស្តារនីតិសម្បទានៅតំបន់រងគ្រោះ Marawi ក៏ដូចជាជំនួយដើម្បីជំរុញហ្វីលីពីនផងដែរ ។ លោកប្រធានាធិបតី បានសង្កត់ធ្ងន់ថា៖«ខ្ញុំ ពិតជារីករាយណាស់ដែលបានឃើញពីទំនាក់ទំនងវិជ្ជមានរវាងហ្វីលីពីន-ចិន។ កិច្ចសហប្រតិបត្តិការពិតប្រាកដលើវិស័យជាច្រើនរបស់យើង នឹងនាំមកវិញនូវផលប្រយោជន៍យ៉ាងពិតប្រយោជន៍នាពេលខាងមុខ»៕
Tag:
ចិន
ហ្វីលីពីន
អាស៊ាន
© រក្សាសិទ្ធិដោយ thmeythmey.com
