អន្តរជាតិ
កុមាររ៉ូហ៊ីងយ៉ាកំពុងក្លាយជាជនរងគ្រោះដ៏ធ្ងន់ធ្ងរ។ រូបថត AFP
×![]()
សមាជិកអង្គការសហប្រជាជាតិជាច្រើន បានទទូចឲ្យអាជ្ញាធរមីយ៉ាន់ម៉ាបញ្ចប់យុទ្ធនាការរបស់យោធាប្រឆាំងនឹងជនជាតិភាគតិចឥស្លាមរ៉ូហ៊ីងយ៉ា ខណៈពេលដែលរដ្ឋាភិបាលមីយ៉ាន់ម៉ា អះអាងថា ស្ថានភាពបានធូរស្រាលវិលហើយនោះ ។
គណៈកម្មាធិការសិទ្ធិមនុស្សរបស់មហាសន្និបាទអង្គការសហប្រជាជាតិ នៅថ្ងៃ១៦ វិច្ឆិកា បានចេញសេចក្តីសម្រេចមួយ ដែលធ្វើឡើងតាមសំណើរបស់អង្គការសហប្រតិបត្តិការឥស្លាម ដោយបានបញ្ជាក់ថា ពួកគេ ពិតជាមានការភ្ញាក់ផ្អើលខ្លាំងចំពោះករណីហិង្សា និងការប្រើប្រាស់កងកម្លាំងប្រឆាំងនឹងជនជនភាគតិចរ៉ូហ៊ីងយ៉ា ។ នេះបើយោងតាមភ្នាក់ងារព័ត៌មាន AFP ។
តាមប្រភព័ត៌មានដដែលនោះ សេចក្តីសម្រេចរបស់គណៈកម្មាធិការសិទ្ធិមនុស្ស ក៏បានទទូចឲ្យរដ្ឋាភិបាលមីយ៉ាន់ម៉ា អនុញ្ញាតសម្រាប់ការងារផ្តល់ជំនួយមនុស្សធម៌ ធានាឲ្យបានការបញ្ជូនទៅវិញរបស់ជនភៀសខ្លួន និងផ្តល់សិទ្ធិរស់នៅពេញលេញដល់រ៉ូហ៊ីងយ៉ាទៀតផង ។ សេចក្តីសម្រេច ក៏បានស្នើឲ្យអគ្គលេខាធិការអង្គការសហប្រជាជាតិ បញ្ជូនបេសកកម្មពិសេសទៅកាន់ទីនោះទៀតផង ។
យ៉ាងណាក៏ដោយតបនឹងការលើកឡើងនេះ អគ្គរដ្ឋទូតមីយ៉ាន់ម៉ាប្រចាំអង្គការសហប្រជាជាតិ បានអះអាងថា រដ្ឋាភិបាលមីយ៉ាន់ម៉ា បានប្រឹងប្រែងដោះស្រាយបញ្ហានេះក្នុងវិជ្ជមានរួចហើយ ។ លោក ក៏បញ្ជាក់ដែរថា ស្ថានភាពមីយ៉ាន់ម៉ា បានមានស្ថិរភាពឡើយវិញហើយ ។
បើតាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ា ជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ា ដោយពួកគេ បានអះអាងថា ពួកគេ រងការគំរាមកំហែងពីសំណាក់អាជ្ញាធរ ។
គួរកត់សម្គាល់នោះ នៅថ្ងៃ០៦ វិច្ឆិកាកន្លងទៅ ក្រុមប្រឹក្សាសន្តិសុខអង្គការសហប្រជាជាតិ ក៏បានចេញសេចក្តីថ្លែងការណ៍រួមមួយ ដោយបាន ទទូចឲ្យរដ្ឋាភិបាលមីយ៉ាន់ម៉ាបញ្ឈប់ការប្រើប្រាស់ហិង្សាដោយកម្លាំងយោធាច្រើនលើសលប់ និងហិង្សាគ្រប់រូបភាពដែលបានបណ្តាលឲ្យជនជាតិភាគតិចរ៉ូហ៊ីងយ៉ា ក្នុងរដ្ឋ Rakhine ប្រមាណជាងកន្លះលាននាក់ គ្មានជម្រក និងភៀសខ្លួនចេញពីប្រទេស ៕
គណៈកម្មាធិការសិទ្ធិមនុស្សរបស់មហាសន្និបាទអង្គការសហប្រជាជាតិ នៅថ្ងៃ១៦ វិច្ឆិកា បានចេញសេចក្តីសម្រេចមួយ ដែលធ្វើឡើងតាមសំណើរបស់អង្គការសហប្រតិបត្តិការឥស្លាម ដោយបានបញ្ជាក់ថា ពួកគេ ពិតជាមានការភ្ញាក់ផ្អើលខ្លាំងចំពោះករណីហិង្សា និងការប្រើប្រាស់កងកម្លាំងប្រឆាំងនឹងជនជនភាគតិចរ៉ូហ៊ីងយ៉ា ។ នេះបើយោងតាមភ្នាក់ងារព័ត៌មាន AFP ។
តាមប្រភព័ត៌មានដដែលនោះ សេចក្តីសម្រេចរបស់គណៈកម្មាធិការសិទ្ធិមនុស្ស ក៏បានទទូចឲ្យរដ្ឋាភិបាលមីយ៉ាន់ម៉ា អនុញ្ញាតសម្រាប់ការងារផ្តល់ជំនួយមនុស្សធម៌ ធានាឲ្យបានការបញ្ជូនទៅវិញរបស់ជនភៀសខ្លួន និងផ្តល់សិទ្ធិរស់នៅពេញលេញដល់រ៉ូហ៊ីងយ៉ាទៀតផង ។ សេចក្តីសម្រេច ក៏បានស្នើឲ្យអគ្គលេខាធិការអង្គការសហប្រជាជាតិ បញ្ជូនបេសកកម្មពិសេសទៅកាន់ទីនោះទៀតផង ។
យ៉ាងណាក៏ដោយតបនឹងការលើកឡើងនេះ អគ្គរដ្ឋទូតមីយ៉ាន់ម៉ាប្រចាំអង្គការសហប្រជាជាតិ បានអះអាងថា រដ្ឋាភិបាលមីយ៉ាន់ម៉ា បានប្រឹងប្រែងដោះស្រាយបញ្ហានេះក្នុងវិជ្ជមានរួចហើយ ។ លោក ក៏បញ្ជាក់ដែរថា ស្ថានភាពមីយ៉ាន់ម៉ា បានមានស្ថិរភាពឡើយវិញហើយ ។
បើតាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ា ជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ា ដោយពួកគេ បានអះអាងថា ពួកគេ រងការគំរាមកំហែងពីសំណាក់អាជ្ញាធរ ។
គួរកត់សម្គាល់នោះ នៅថ្ងៃ០៦ វិច្ឆិកាកន្លងទៅ ក្រុមប្រឹក្សាសន្តិសុខអង្គការសហប្រជាជាតិ ក៏បានចេញសេចក្តីថ្លែងការណ៍រួមមួយ ដោយបាន ទទូចឲ្យរដ្ឋាភិបាលមីយ៉ាន់ម៉ាបញ្ឈប់ការប្រើប្រាស់ហិង្សាដោយកម្លាំងយោធាច្រើនលើសលប់ និងហិង្សាគ្រប់រូបភាពដែលបានបណ្តាលឲ្យជនជាតិភាគតិចរ៉ូហ៊ីងយ៉ា ក្នុងរដ្ឋ Rakhine ប្រមាណជាងកន្លះលាននាក់ គ្មានជម្រក និងភៀសខ្លួនចេញពីប្រទេស ៕
Tag:
មីយ៉ាន់ម៉ា
រ៉ូហ៊ីងយ៉ា
UN
© រក្សាសិទ្ធិដោយ thmeythmey.com
