អន្តរជាតិ
×![]()
ដោយ: តន ចាន់រិទ្ធារ៉ា
មន្ត្រីការទូតចិនជាន់ខ្ពស់ នៅថ្ងៃទី១៧ ខែវិច្ឆិកា បានសន្យាថា ចិននឹងជួយប៉ាណាម៉ាគ្រប់យ៉ាងតាមតម្រូវការ ក្រោយរដ្ឋតំបន់អាមេរិកកណ្ដាលមួយនេះផ្ដាច់ទំនាក់ទំនងជាមួយកោះតៃវ៉ាន់កាលពីខែមិថុនាមក។ នៅខណៈនេះ ប្រធានាធិបតីប៉ាណាម៉ា Juan Carlos Valera កំពុងទស្សនកិច្ចផ្លូវរដ្ឋនៅទឹកដីចិន ដើម្បីពូនជ្រំទំនាក់ទំនងថ្មីថ្មោងជាមួយមហាយក្សចិន ដែលជាអ្នកប្រើប្រាស់ព្រែកជីកប៉ាណាម៉ាដ៏ធំមួយ។
ប្រធានាធិបតីប៉ាណាម៉ា Juna Carlos Valera បានចាប់ផ្ដើមទស្សនកិច្ចមួយសប្ដាហ៍នៅទឹកដីសម្ព័ន្ធមិត្តថ្មី គឺចិន ក្រោយសម្រេចចិត្តបោះបង់មិត្តចាស់ គឺតៃវ៉ាន់។ នៅថ្ងៃទី១៦ ខែវិច្ឆិកា លោក Valera បានចូលរួមពិធីបើកស្ថានទូតប៉ាណាម៉ាជាផ្លូវការក្នុងទីក្រុងប៉េកាំង ហើយនៅថ្ងៃទី១៧ លោកក៏ត្រូវបានស្វាគមន៍យ៉ាងរាក់ទាក់បំផុតពីសំណាក់ប្រធានាធិបតីចិន ស៊ី ជិនភីង នៅខាងមុខវិមានប្រជាជនចិនផង។
ក្រោយជំនួបមេដឹកនាំទាំងពីរមួយថ្ងៃ លោក Zhai Bentang ប្រធាននាយកដ្ឋានកិច្ចការអាមេរិកឡាទីនបានប្រាប់អ្នកសារព័ត៌មានថា ចិននឹងជ្រោមជ្រែងប៉ាណាម៉ាតាមការចាំបាច់ទាំងអស់។ មន្ត្រីចិនរូបនេះក៏បញ្ជាក់ថា ទំនាក់ទំនងរវាងចិន និងប៉ាណាម៉ា មិនមែនផ្អែកលើទឹកប្រាក់អ្វីទាំងអស់ តែការសម្រេចចិត្តនយោបាយដើម្បីប្រយោជន៍សងខាង។ ការលើកឡើងបែងនេះ ជាការឆ្លើយតបនឹងការចោទប្រកាន់របស់តៃវ៉ាន់ដែលថា ចិនប្រើទឹកលុយដើម្បីបង្កើតមិត្ត។
«ប្រសិនបើមិត្តប៉ាណាម៉ាត្រូវការ ក្នុងនាមជាមិត្ត និងកិច្ចសហប្រតបិត្តការត្បូង-ត្បូង ភាគីចិនមានឆន្ទៈជួយសេដ្ឋកិច្ច និងការអភិវឌ្ឍសង្គមប៉ាណាម៉ាតាមលទ្ធភាពដែលខ្លួនមាន។» នេះជាការបញ្ជាក់របស់លោក Zhan Bentang ដែលផ្សាយដោយទីភ្នាក់ងារព័ត៌មាន Reuters ។ ឯលោក Valera ផ្ទាល់ក៏អះអាងក្នុងកិច្ចសម្ភាសជាមួយទូរទស្សន៍រដ្ឋចិនថា ប៉ាណាម៉ាចងមិត្តជាមួយចិន ដោយមិនបានសំឡឹងឃើញលុយឡើយ។
ក្រោយជំនួបនៅវិមានប្រជាជនចិន ប្រធានាធិបតីចិន និងប៉ាណាម៉ា បានធ្វើជាសាក្សីក្នុងការចុះហត្ថលេខាលើកិច្ចព្រមព្រៀងដល់ទៅ១៩ ដែលក្នុងនោះក៏មានកិច្ចព្រមព្រៀងពាណិជ្ជកម្មសេរីទ្វេភាគីទៀតផង។ ប្រធានាធិបតីចិន ស៊ី ជិនភីង បានសរសើរលោក Valera ដែលសម្រេចចិត្តជ្រើសរើសចិនដីគោក ដោយបោះបង់តៃវ៉ាន់ ហើយចិននឹងពង្រឹងទំនាក់ទំនងនេះឲ្យកាន់តែប្រសើរឡើង ក្រោយពេលរអាក់រអួលច្រើនឆ្នាំមក។
ការសម្រេចចិត្តរបស់ប៉ាណាម៉ា ធ្វើឲ្យដង្ហើមការទូតរបស់កោះតៃវ៉ាន់កាន់តែខ្សត់ខ្សោយថែមទៀត។ ក្នុងចំណោមសមាជិកអង្គការសហប្រជាជាតិទាំងអស់ មានតែប្រទេសចំនួន១៩ និងបុរីវ៉ាទីកង់ប៉ុណ្ណោះ ដែលទទួលស្គាល់តៃវ៉ាន់ជារដ្ឋឯករាជ្យ។ ប៉ុន្តែចិនដីគោក ដែលចាត់ទុកតៃវ៉ាន់ជាទឹកដីរបស់ខ្លួននោះ បានប្រើប្រាស់ឥទ្ធិពលរបស់ខ្លួនដើម្បីបញ្ចប់ផ្លូវការទូតរបស់តៃវ៉ាន់។ ប្រទេសដែលជ្រើសរើសចិន តែងទទួលជំនួយហិរញ្ញវត្ថុសន្ធឹកសន្ធាប់ផងដែរ៕
ប្រធានាធិបតីប៉ាណាម៉ា Juna Carlos Valera បានចាប់ផ្ដើមទស្សនកិច្ចមួយសប្ដាហ៍នៅទឹកដីសម្ព័ន្ធមិត្តថ្មី គឺចិន ក្រោយសម្រេចចិត្តបោះបង់មិត្តចាស់ គឺតៃវ៉ាន់។ នៅថ្ងៃទី១៦ ខែវិច្ឆិកា លោក Valera បានចូលរួមពិធីបើកស្ថានទូតប៉ាណាម៉ាជាផ្លូវការក្នុងទីក្រុងប៉េកាំង ហើយនៅថ្ងៃទី១៧ លោកក៏ត្រូវបានស្វាគមន៍យ៉ាងរាក់ទាក់បំផុតពីសំណាក់ប្រធានាធិបតីចិន ស៊ី ជិនភីង នៅខាងមុខវិមានប្រជាជនចិនផង។
ក្រោយជំនួបមេដឹកនាំទាំងពីរមួយថ្ងៃ លោក Zhai Bentang ប្រធាននាយកដ្ឋានកិច្ចការអាមេរិកឡាទីនបានប្រាប់អ្នកសារព័ត៌មានថា ចិននឹងជ្រោមជ្រែងប៉ាណាម៉ាតាមការចាំបាច់ទាំងអស់។ មន្ត្រីចិនរូបនេះក៏បញ្ជាក់ថា ទំនាក់ទំនងរវាងចិន និងប៉ាណាម៉ា មិនមែនផ្អែកលើទឹកប្រាក់អ្វីទាំងអស់ តែការសម្រេចចិត្តនយោបាយដើម្បីប្រយោជន៍សងខាង។ ការលើកឡើងបែងនេះ ជាការឆ្លើយតបនឹងការចោទប្រកាន់របស់តៃវ៉ាន់ដែលថា ចិនប្រើទឹកលុយដើម្បីបង្កើតមិត្ត។
«ប្រសិនបើមិត្តប៉ាណាម៉ាត្រូវការ ក្នុងនាមជាមិត្ត និងកិច្ចសហប្រតបិត្តការត្បូង-ត្បូង ភាគីចិនមានឆន្ទៈជួយសេដ្ឋកិច្ច និងការអភិវឌ្ឍសង្គមប៉ាណាម៉ាតាមលទ្ធភាពដែលខ្លួនមាន។» នេះជាការបញ្ជាក់របស់លោក Zhan Bentang ដែលផ្សាយដោយទីភ្នាក់ងារព័ត៌មាន Reuters ។ ឯលោក Valera ផ្ទាល់ក៏អះអាងក្នុងកិច្ចសម្ភាសជាមួយទូរទស្សន៍រដ្ឋចិនថា ប៉ាណាម៉ាចងមិត្តជាមួយចិន ដោយមិនបានសំឡឹងឃើញលុយឡើយ។
ក្រោយជំនួបនៅវិមានប្រជាជនចិន ប្រធានាធិបតីចិន និងប៉ាណាម៉ា បានធ្វើជាសាក្សីក្នុងការចុះហត្ថលេខាលើកិច្ចព្រមព្រៀងដល់ទៅ១៩ ដែលក្នុងនោះក៏មានកិច្ចព្រមព្រៀងពាណិជ្ជកម្មសេរីទ្វេភាគីទៀតផង។ ប្រធានាធិបតីចិន ស៊ី ជិនភីង បានសរសើរលោក Valera ដែលសម្រេចចិត្តជ្រើសរើសចិនដីគោក ដោយបោះបង់តៃវ៉ាន់ ហើយចិននឹងពង្រឹងទំនាក់ទំនងនេះឲ្យកាន់តែប្រសើរឡើង ក្រោយពេលរអាក់រអួលច្រើនឆ្នាំមក។
ការសម្រេចចិត្តរបស់ប៉ាណាម៉ា ធ្វើឲ្យដង្ហើមការទូតរបស់កោះតៃវ៉ាន់កាន់តែខ្សត់ខ្សោយថែមទៀត។ ក្នុងចំណោមសមាជិកអង្គការសហប្រជាជាតិទាំងអស់ មានតែប្រទេសចំនួន១៩ និងបុរីវ៉ាទីកង់ប៉ុណ្ណោះ ដែលទទួលស្គាល់តៃវ៉ាន់ជារដ្ឋឯករាជ្យ។ ប៉ុន្តែចិនដីគោក ដែលចាត់ទុកតៃវ៉ាន់ជាទឹកដីរបស់ខ្លួននោះ បានប្រើប្រាស់ឥទ្ធិពលរបស់ខ្លួនដើម្បីបញ្ចប់ផ្លូវការទូតរបស់តៃវ៉ាន់។ ប្រទេសដែលជ្រើសរើសចិន តែងទទួលជំនួយហិរញ្ញវត្ថុសន្ធឹកសន្ធាប់ផងដែរ៕
Tag:
ចិន
ប៉ាណាមា់
តៃវ៉ាន់
© រក្សាសិទ្ធិដោយ thmeythmey.com
