កីឡាអន្តរជាតិ
អន្តរជាតិ
គ្រូអាហ្សង់ទីន៖ មានតែប្រេស៊ីល អេស្ប៉ាញ និងបារាំងប៉ុណ្ណោះ អាចឈ្នះ World Cup
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិប្រេស៊ីល អេស្ប៉ាញ និងបារាំងគឺជាប្រទេសមានភាគរយច្រើនលើសគេក្នុងការឈ្នះពានរង្វាន់បាល់ទាត់ពិភពលោក FIFA World Cup នៅរុស្ស៊ី ឆ្នាំ២០១៨។ នេះជាការលើកឡើងរបស់លោក Jorge Sampaoli អ្នកចាត់ការទូទៅក្រុមជម្រើសជាតិអាហ្សង់ទីន។
«ខ្ញុំគិតថាប្រេស៊ីល អេស្ប៉ាញ និងបារាំងមានជំហានមួយឆ្ពោះទៅមុខដាច់គេ ដោយសារតែពេលវេលារបស់ពួកគេធ្វើការជាមួយគ្នាបានល្អជាងក្រុមដ៏ទៃ។ ខ្ញុំមិននិយាយពីអាឡឺម៉ង់ មិនមែនដោយសារតែខ្ញុំភ្លេចពួកគេទេប៉ុន្តែដោយសារខ្ញុំមិនចូលចិត្តរបៀបដែលពួកគេលេង»។ នេះជាសម្តីលោក Sampaoli អតីតអ្នកចាត់ការក្រុមជម្រើសជាតិស៊ីលី និងក្រុម Sevilla នៃក្របខណ្ឌលីកកំពូលអេស្ប៉ាញ ដែលបានប្រាប់និស្សិតអ្នកសារព័ត៌មាននៅឯសាលា Tea And Deportea ក្នុងទីក្រុង Buenos Aires ប្រទេសអាហ្សង់ទីន។ នេះបើតាមកាផ្សាយរបស់ទីភ្នាក់ងារសារព័ត៌មាន Xinhua។
អ្នកចាត់ការសញ្ជាតិស៊ីលី វ័យ៥៧ឆ្នាំ បន្ថែមទៀតថាអាល្លឺម៉ង់មិនស្ថិតក្នុងកម្រិតមួយដែលអាចដណ្តើមពានលំដាប់ទី១ពិភពលោកនេះទេ បើទោះបីពួកគេធ្លាប់បានយកឈ្នះអាហ្សង់ទីនក្នុងវគ្គផ្តាច់ព្រ័ត្រ World Cup នៅប្រេស៊ីលកាលពីឆ្នាំ ២០១៤ ក៏ដោយ។
Sampaoli បានឡើងដឹកនាំក្រុមជម្រើសជាតិអាហ្សង់ទីនកាលពីខែមិថុនា ឆ្នាំ២០១៧កន្លងទៅ អំឡុងពេលក្រុមកំពុងយ៉ាប់យឺនខ្លាំង។ លោកបានជួយស្រោចស្រង់ក្រុមមកពីអាមេរិកឡាទីននេះ ឲ្យរួចផុតពីការបាត់បង់កៅអីទៅរុស្ស៊ីឆ្នាំក្រោយ បន្ទាប់ពីយកឈ្នះអេក្វាឌ័រ ៣-១ នាការប្រកួតចុងក្រោយវគ្គជម្រុះតាមតំបន់៕
«ខ្ញុំគិតថាប្រេស៊ីល អេស្ប៉ាញ និងបារាំងមានជំហានមួយឆ្ពោះទៅមុខដាច់គេ ដោយសារតែពេលវេលារបស់ពួកគេធ្វើការជាមួយគ្នាបានល្អជាងក្រុមដ៏ទៃ។ ខ្ញុំមិននិយាយពីអាឡឺម៉ង់ មិនមែនដោយសារតែខ្ញុំភ្លេចពួកគេទេប៉ុន្តែដោយសារខ្ញុំមិនចូលចិត្តរបៀបដែលពួកគេលេង»។ នេះជាសម្តីលោក Sampaoli អតីតអ្នកចាត់ការក្រុមជម្រើសជាតិស៊ីលី និងក្រុម Sevilla នៃក្របខណ្ឌលីកកំពូលអេស្ប៉ាញ ដែលបានប្រាប់និស្សិតអ្នកសារព័ត៌មាននៅឯសាលា Tea And Deportea ក្នុងទីក្រុង Buenos Aires ប្រទេសអាហ្សង់ទីន។ នេះបើតាមកាផ្សាយរបស់ទីភ្នាក់ងារសារព័ត៌មាន Xinhua។
អ្នកចាត់ការសញ្ជាតិស៊ីលី វ័យ៥៧ឆ្នាំ បន្ថែមទៀតថាអាល្លឺម៉ង់មិនស្ថិតក្នុងកម្រិតមួយដែលអាចដណ្តើមពានលំដាប់ទី១ពិភពលោកនេះទេ បើទោះបីពួកគេធ្លាប់បានយកឈ្នះអាហ្សង់ទីនក្នុងវគ្គផ្តាច់ព្រ័ត្រ World Cup នៅប្រេស៊ីលកាលពីឆ្នាំ ២០១៤ ក៏ដោយ។
Sampaoli បានឡើងដឹកនាំក្រុមជម្រើសជាតិអាហ្សង់ទីនកាលពីខែមិថុនា ឆ្នាំ២០១៧កន្លងទៅ អំឡុងពេលក្រុមកំពុងយ៉ាប់យឺនខ្លាំង។ លោកបានជួយស្រោចស្រង់ក្រុមមកពីអាមេរិកឡាទីននេះ ឲ្យរួចផុតពីការបាត់បង់កៅអីទៅរុស្ស៊ីឆ្នាំក្រោយ បន្ទាប់ពីយកឈ្នះអេក្វាឌ័រ ៣-១ នាការប្រកួតចុងក្រោយវគ្គជម្រុះតាមតំបន់៕
Tag:
បាល់ទាត់
FIFA World Cup
Jorge Sampaoli
© រក្សាសិទ្ធិដោយ thmeythmey.com
