Wayne Rooney ធ្វើបាន Hat-trick ជួយ Everton យកឈ្នះ West Ham ៤-០ ក្នុងការប្រកួតពាន Premier League នារាត្រីថ្ងៃទី២៩ ខែវិច្ឆិកា មុនលោក Sam Allardyce ឡើងដឹកនាំ។
៣គ្រាប់របស់ Rooney និង១គ្រាប់របស់ខ្សែការពារ Ashley Williams បានរុញ Everton រំកិលខ្លួនឡើង៤លេខទៀត ពោលគឺឈានទៅចំណាត់ថ្នាក់ទី១៣ ឆ្ងាយពីតំបន់ត្រូវកាត់ចោលនៃក្របខណ្ឌលីកកំពូលអង់គ្លេស។
ក្រោមការដឹកនាំបណ្តោះអាសន្នចំនួន ៨ប្រកួតចុងក្រោយរបស់លោក David Unsworth នេះជាជ័យជម្នះលើកដំបូងហើយបន្ទាប់ពី Everton បណ្តេញអ្នកចាត់ការទូទៅ Ronal Koeman កាលពីខែមុន។
សម្រាប់ការប្រកួតនៅទឹកដី Goodison Park នេះក៏មានការចូលពីសំណាក់លោក Sam Allardyce ដែលនឹងត្រៀមខ្លួនឡើងមកដឹកនាំក្រុមនៅខែធ្នូខាងមុខនេះផងដែរ៕