កីឡាអន្តរជាតិ
អន្តរជាតិ
អាជ្ញាកណ្តាលអាចបញ្ឈប់ការប្រកួតភ្លាម បើមានការរើសអើងពូជសាសន៍នៅ World Cup
លោក Gianni Infantino ប្រធានសហព័ន្ធកីឡាបាល់ទាត់អន្តរជាតិ FIFA។ រូបថត AFP
×![]()
ដោយ: ទេព ពិទូរ្យ
ប្រធានសហព័ន្ធកីឡាបាល់ទាត់អន្តរជាតិ ហៅកាត់ថា FIFA លោក Gianni Infantino និយាយថា លោកអាជ្ញាកណ្តាលនឹងមានអំណាចសំខាន់មួយទៀត ដោយអាចសម្រេចបញ្ឈប់ ឬផ្អាកការប្រកួតភ្លាមៗ ប្រសិនបើមានសកម្មភាពរើសអើងជាតិសាសន៍កើតឡើងអំឡុងពេលប្រកួតពានរង្វាន់កីឡាបាល់ទាត់ FIFA World Cup នៅរុស្ស៊ីឆ្នាំ២០១៨។
BBC បានផ្សាយថា FIFA បានចេញវិធានការ៣ចំនុចដើម្បីផ្តល់អំណាចឲ្យមន្ត្រីអាជ្ញាកណ្តាលសម្រេចក្នុងការប្រកួតដណ្តើមពានកីឡាបាល់ទាត់លំដាប់ទី១ពិភពលោកនៅឆ្នាំក្រោយ។ បីចំនុចនោះរួមមាន ១.បញ្ឈប់ការប្រកួតតែម្តង ២.ព្យួរការប្រកួតបណ្តោះអាសន្ន និង៣.មិនឲ្យមានការប្រកួតក្រោយៗទៀតក្នុងព្រឹត្តិការណ៍នេះតែម្តង ប្រសិនបើអ្នកគាំទ្ររបស់ក្រុមណាមួយបង្ហាញឥរិយាបទរើសអើតជាតិសាសន៍ពេលកំពុងប្រកួតនោះ។
ដើម្បីអនុវត្តបីចំនុចខាងលើនេះបាន ស្ថាប័នក្បាលម៉ាស៊ីនកីឡាបាល់ទាត់មួយនេះនឹងដាក់ពង្រាយអ្នកសង្កេតការណ៍ឲ្យឃ្លាំមើលសកម្មភាពរបស់អ្នកគាំទ្រនោះតែម្តង។
លោក Infantino អះអាងថា វិធានការប្រឆាំងនឹងការរើសអើងខាងលើគឺជា "អាទិភាពខ្ពស់" សម្រាប់អង្គភាពគ្រប់គ្រងកីឡាបាល់ទាត់ពិភពលោកមួយនេះ។
លោកប្រធាន FIFA សញ្ជាតិស្វីសបានបន្ថែមថា៖«យើងនឹងមានភាពរឹងមាំកាន់តែខ្លាំង។ យើងក៏អាចរំពឹងថា ការលេងដោយយុត្តិធម៌នៅរុស្ស៊ីឆ្នាំក្រោយ យើងនឹងធ្វើឲ្យប្រាកដថាគ្មានការរើសអើង និងហេតុអាក្រក់កើតឡើងនោះទេ»។
វិធានការនេះ បានដាក់ឲ្យសាកល្បងរួចមកហើយនៅក្នុងព្រឹត្តិការណ៍ Confederations Cup លើកទី១០ នៅរុស្ស៊ី កាលពីខែមិថុនាកន្លងទៅ៕
BBC បានផ្សាយថា FIFA បានចេញវិធានការ៣ចំនុចដើម្បីផ្តល់អំណាចឲ្យមន្ត្រីអាជ្ញាកណ្តាលសម្រេចក្នុងការប្រកួតដណ្តើមពានកីឡាបាល់ទាត់លំដាប់ទី១ពិភពលោកនៅឆ្នាំក្រោយ។ បីចំនុចនោះរួមមាន ១.បញ្ឈប់ការប្រកួតតែម្តង ២.ព្យួរការប្រកួតបណ្តោះអាសន្ន និង៣.មិនឲ្យមានការប្រកួតក្រោយៗទៀតក្នុងព្រឹត្តិការណ៍នេះតែម្តង ប្រសិនបើអ្នកគាំទ្ររបស់ក្រុមណាមួយបង្ហាញឥរិយាបទរើសអើតជាតិសាសន៍ពេលកំពុងប្រកួតនោះ។
ដើម្បីអនុវត្តបីចំនុចខាងលើនេះបាន ស្ថាប័នក្បាលម៉ាស៊ីនកីឡាបាល់ទាត់មួយនេះនឹងដាក់ពង្រាយអ្នកសង្កេតការណ៍ឲ្យឃ្លាំមើលសកម្មភាពរបស់អ្នកគាំទ្រនោះតែម្តង។
លោក Infantino អះអាងថា វិធានការប្រឆាំងនឹងការរើសអើងខាងលើគឺជា "អាទិភាពខ្ពស់" សម្រាប់អង្គភាពគ្រប់គ្រងកីឡាបាល់ទាត់ពិភពលោកមួយនេះ។
លោកប្រធាន FIFA សញ្ជាតិស្វីសបានបន្ថែមថា៖«យើងនឹងមានភាពរឹងមាំកាន់តែខ្លាំង។ យើងក៏អាចរំពឹងថា ការលេងដោយយុត្តិធម៌នៅរុស្ស៊ីឆ្នាំក្រោយ យើងនឹងធ្វើឲ្យប្រាកដថាគ្មានការរើសអើង និងហេតុអាក្រក់កើតឡើងនោះទេ»។
វិធានការនេះ បានដាក់ឲ្យសាកល្បងរួចមកហើយនៅក្នុងព្រឹត្តិការណ៍ Confederations Cup លើកទី១០ នៅរុស្ស៊ី កាលពីខែមិថុនាកន្លងទៅ៕
Tag:
បាល់ទាត់
FIFA World Cup
Gianni Infantino
© រក្សាសិទ្ធិដោយ thmeythmey.com
