ជាតិ
ក្រុមប្រឆាំង អរគុណអ្នកគាំទ្រនៅបរទេស ដែលជួយជ្រោមជ្រែង ក្រោយបក្សត្រូវរំលាយ
×![]()
ដោយ: ម៉ៅ សុផា
ភ្នំពេញ៖ គណៈកម្មាធិកាអចិន្ត្រៃយ៍នៃអតីតគណបក្សសង្គ្រោះជាតិ បានចេញសារលិខិតមួយ ដើម្បីកោតសរសើរ និងអរគុណចំពោះក្រុមដឹកនាំ សមាជិក-សមាជិកា និងអ្នកគាំទ្រទាំងអស់នៅក្រៅប្រទេស ដែលបានលះបង់ថវិកា និងពេលវេលា ក្នុងការជួយជ្រោមជ្រែងខ្លួនអស់មួយរយៈកន្លងមក។
សារលិខិតនោះ សង្កត់ធ្ងន់ថា អ្នកគាំទ្រនៅក្រៅប្រទេស បានចូលរួមយ៉ាងសកម្មជាមួយថ្នាក់ដឹកនាំនៃអតីតគណបក្សសង្គ្រោះជាតិ ដើម្បីទាមទារឲ្យរដ្ឋាភិបាលកម្ពុជា លុបចោលនូវសេចក្តីសម្រេចនៃការរំលាយគណបក្សសង្គ្រោះជាតិ និងដោះលែងលោក កឹម សុខា ឲ្យមានសេរីភាពឡើងវិញ។ សារលិខិត ដែលធ្វើឡើងនៅថ្ងៃទី១៧ ខែធ្នូ ឆ្នាំ២0១៧ បានបន្តថា ការចាត់វិធានការជាបន្តបន្ទាប់របស់សហគមន៍អន្តរជាតិ ទៅលើរដ្ឋាភិបាលកម្ពុជា ក៏ជាចំណែកដ៏ធំមួយនៃការចូលរួមរបស់អ្នកគាំទ្រនៅក្រៅប្រទេសដែរ។
សារលិខិតខាងលើ បានបញ្ជាក់យ៉ាងដូច្នេះ៖«គណបក្សសង្គ្រោះជាតិ មានជំនឿថា អ្នកគាំទ្រនៅឯនាយសមុទ្រទាំងអស់ នឹងនៅតែបន្តប្រឹងប្រែងតទៅទៀត ដើម្បីសង្គ្រោះជាតិយើង»។
ក្រោយគណបក្សសង្គ្រោះជាតិ ត្រូវបានរំលាយចោលពីសំណាក់តុលាការកំពូល អតីតតំណាងរាស្ត្រនិងថ្នាក់ដឹនាំភាគច្រើននៃគណបក្សនេះ បានបណ្តាក់គ្នា ចាកចេញពីកម្ពុជា ដើម្បីទៅប្រមូលផ្តុំកម្លាំងនៅក្រៅប្រទេស។ ទឹកដីបរទេសក្លាយជាមូលដ្ឋានឈរជើងរបស់អតីតក្រុមអ្នកប្រឆាំង ដើម្បីធ្វើសកម្មភាពនានាប្រឆាំងនឹងរដ្ឋាភិបាលកម្ពុជា ពិសេសពួកគេ បានស្វះស្វែងទៅពឹងពាក់សហគមន៍អន្តរជាតិ ក្នុងគោលបំណងសុំឲ្យជួយធ្វើអន្តរាគមន៍។
អតីតគណបក្ស ទើបនឹងបង្កើតគណៈកម្មការចំពោះកិច្ចមួយនៅក្រៅប្រទេស ដើម្បីជួយការងារនៅក្នុងគណៈកម្មាធិការអចិន្ត្រៃយ៍គណបក្ស។ នេះបើតាមសេចក្តីជូនដំណឹងរបស់អតីតគណបក្សសង្គ្រោះជាតិ ចុះនៅថ្ងៃទី១៩ ខែធ្នូ ឆ្នាំ២0១៧។ សេចក្តីជូនដំណឹង បានឲ្យដឹងថា សមាសភាពនៃគណៈកម្មការថ្មីនេះ រួមមាន លោកស្រី មូរ សុខហួរ លោក អេង ឆៃអ៊ាង លោក យឹម សុវណ្ណ លោក យ៉ែម បុញ្ញឫទ្ធិ និងកញ្ញា កឹម មនោវិទ្យា។
ការរំលាយគណបក្សសង្គ្រោះជាតិ និងការបន្តឃុំលោក កឹម សុខា ក្នុងពន្ធនាគារ បាននាំឲ្យសហគមន៍អន្តរជាតិ ដោយមានសហរដ្ឋអាមេរិក និងសហភាពអឺរ៉ុប ចេញមុនគេ ដាក់ទណ្ឌកម្មលើរដ្ឋាភិបាលកម្ពុជា តាមរយៈការរផ្តាច់ជំនួយលើការបោះឆ្នោត ការដាក់កំហិតលើទិដ្ឋាការ និងការបង្កកទ្រព្យសម្បតិ្ត ជាដើម។ ទោះរងការដាក់ទណ្ឌកម្មបែបនេះក្តី តែរដ្ឋាភិបាលកម្ពុជា ប្រកាសថាមិនខ្លាច ហើយឆ្លើយតបវិញថា នឹងនៅតែបន្តធ្វើអ្វីដែលស្ថិតក្នុងដែនអធិបតេយ្យរបស់ខ្លួនដដែល៕
សារលិខិតនោះ សង្កត់ធ្ងន់ថា អ្នកគាំទ្រនៅក្រៅប្រទេស បានចូលរួមយ៉ាងសកម្មជាមួយថ្នាក់ដឹកនាំនៃអតីតគណបក្សសង្គ្រោះជាតិ ដើម្បីទាមទារឲ្យរដ្ឋាភិបាលកម្ពុជា លុបចោលនូវសេចក្តីសម្រេចនៃការរំលាយគណបក្សសង្គ្រោះជាតិ និងដោះលែងលោក កឹម សុខា ឲ្យមានសេរីភាពឡើងវិញ។ សារលិខិត ដែលធ្វើឡើងនៅថ្ងៃទី១៧ ខែធ្នូ ឆ្នាំ២0១៧ បានបន្តថា ការចាត់វិធានការជាបន្តបន្ទាប់របស់សហគមន៍អន្តរជាតិ ទៅលើរដ្ឋាភិបាលកម្ពុជា ក៏ជាចំណែកដ៏ធំមួយនៃការចូលរួមរបស់អ្នកគាំទ្រនៅក្រៅប្រទេសដែរ។
សារលិខិតខាងលើ បានបញ្ជាក់យ៉ាងដូច្នេះ៖«គណបក្សសង្គ្រោះជាតិ មានជំនឿថា អ្នកគាំទ្រនៅឯនាយសមុទ្រទាំងអស់ នឹងនៅតែបន្តប្រឹងប្រែងតទៅទៀត ដើម្បីសង្គ្រោះជាតិយើង»។
ក្រោយគណបក្សសង្គ្រោះជាតិ ត្រូវបានរំលាយចោលពីសំណាក់តុលាការកំពូល អតីតតំណាងរាស្ត្រនិងថ្នាក់ដឹនាំភាគច្រើននៃគណបក្សនេះ បានបណ្តាក់គ្នា ចាកចេញពីកម្ពុជា ដើម្បីទៅប្រមូលផ្តុំកម្លាំងនៅក្រៅប្រទេស។ ទឹកដីបរទេសក្លាយជាមូលដ្ឋានឈរជើងរបស់អតីតក្រុមអ្នកប្រឆាំង ដើម្បីធ្វើសកម្មភាពនានាប្រឆាំងនឹងរដ្ឋាភិបាលកម្ពុជា ពិសេសពួកគេ បានស្វះស្វែងទៅពឹងពាក់សហគមន៍អន្តរជាតិ ក្នុងគោលបំណងសុំឲ្យជួយធ្វើអន្តរាគមន៍។
អតីតគណបក្ស ទើបនឹងបង្កើតគណៈកម្មការចំពោះកិច្ចមួយនៅក្រៅប្រទេស ដើម្បីជួយការងារនៅក្នុងគណៈកម្មាធិការអចិន្ត្រៃយ៍គណបក្ស។ នេះបើតាមសេចក្តីជូនដំណឹងរបស់អតីតគណបក្សសង្គ្រោះជាតិ ចុះនៅថ្ងៃទី១៩ ខែធ្នូ ឆ្នាំ២0១៧។ សេចក្តីជូនដំណឹង បានឲ្យដឹងថា សមាសភាពនៃគណៈកម្មការថ្មីនេះ រួមមាន លោកស្រី មូរ សុខហួរ លោក អេង ឆៃអ៊ាង លោក យឹម សុវណ្ណ លោក យ៉ែម បុញ្ញឫទ្ធិ និងកញ្ញា កឹម មនោវិទ្យា។
ការរំលាយគណបក្សសង្គ្រោះជាតិ និងការបន្តឃុំលោក កឹម សុខា ក្នុងពន្ធនាគារ បាននាំឲ្យសហគមន៍អន្តរជាតិ ដោយមានសហរដ្ឋអាមេរិក និងសហភាពអឺរ៉ុប ចេញមុនគេ ដាក់ទណ្ឌកម្មលើរដ្ឋាភិបាលកម្ពុជា តាមរយៈការរផ្តាច់ជំនួយលើការបោះឆ្នោត ការដាក់កំហិតលើទិដ្ឋាការ និងការបង្កកទ្រព្យសម្បតិ្ត ជាដើម។ ទោះរងការដាក់ទណ្ឌកម្មបែបនេះក្តី តែរដ្ឋាភិបាលកម្ពុជា ប្រកាសថាមិនខ្លាច ហើយឆ្លើយតបវិញថា នឹងនៅតែបន្តធ្វើអ្វីដែលស្ថិតក្នុងដែនអធិបតេយ្យរបស់ខ្លួនដដែល៕
Tag:
CNRP
© រក្សាសិទ្ធិដោយ thmeythmey.com
