កីឡាអន្តរជាតិ
អន្តរជាតិ
Mutko ឈប់ដឹកនាំសហព័ន្ធកីឡាបាល់ទាត់រុស្ស៊ី ដើម្បីទៅតទល់ផ្លូវច្បាប់ជាមួយតុលាការកីឡា
×![]()
ដោយ: ទេព ពិទូរ្យ
ឧបនាយករដ្ឋមន្ត្រីរុស្ស៊ី Vitaly Mutko ដែលត្រូវបានហាមចូលរួមក្នុងព្រឹត្តិការណ៍កីឡាអូឡាំពិកអស់មួយជីវិត ពីបទប្រើសារធាតុហាមឃាត់ (Doping) ត្រូវបានព្យួរតួនាទីជាប្រធានសហព័ន្ធកីឡាបាល់ទាត់រុស្ស៊ី (RFU) ដ្បិតលោកបានប្រឆាំងនឹងបម្រាមក្នុងតុលាការមជ្ឈត្តកម្មកីឡា (CAS)។ នេះបើតាមការផ្សាយរបស់ទីភ្នាក់ងារសារព័ត៌មាន AFP។
«ខ្ញុំបានសម្រេចចិត្តដាក់ពាក្យបណ្តឹងទៅកាន់ CAS »។ លោក Mutko បានប្រាប់អ្នកកាសែតបែបនេះបន្ទាប់ពីកិច្ចប្រជុំគណៈកម្មាធិការប្រតិបត្តិ RFU ហើយលោកបានបន្ថែមទៀតថា ៖«ដូច្នេះអង្គការរបស់យើងមិនត្រូវបានរំខានក្នុងអំឡុងពេលនៃការស៊ើបអង្កេតផ្នែកច្បាប់ ... ខ្ញុំបានស្នើសុំផ្អាកការងាររបស់ខ្ញុំរហូតដល់ ៦ខែ»។
Mutko តែងតែបដិសេធរាល់ការចោទប្រកាន់លើការប្រើប្រាស់សារធាតុញៀនពីណៈកម្មាធិការអូឡាំពិកអន្តរជាតិ (IOC) បើទោះបីជាមានអត្តពលិករុស្ស៊ីមួយចំនួន រួមទាំងលោក ត្រូវបានហាមឃាត់ចូលប្រកួតកីឡាអូឡាំពិករដូវរងារឆ្នាំ ២០១៨ នៅកូរ៉េខាងត្បូងក៏ដោយ។
បើទោះជាបាត់បង់តំណែងប្រធានសហព័ន្ធកីឡាបាល់ទាត់រុស្ស៊ីក៏ដោយ តែឧបនាយករដ្ឋមន្ត្រីរុស្ស៊ី វ័យ៥៨ឆ្នាំរូបនេះ អះអាងថាលោកនឹងបន្តតួនាទីរបស់លោកនៅក្នុងរដ្ឋាភិបាល ក៏ដូចជាការរៀបចំការប្រកួតកីឡាបាល់ទាត់ពិភពលោក FIFA World Cup នៅរុស្ស៊ី ឆ្នាំ២០១៨ ដដែលប្រសិនបើថ្នាក់ដឹកនាំនៅតែទុកចិត្តលោក។
«ទាក់ទងនឹងបញ្ហាទំនាក់ទំនងជាមួយ FIFA និងគណៈកម្មាធិការរៀបចំការប្រកួត ដរាបណាប្រធានាធិបតីរុស្ស៊ីវ្លាឌីមៀរពូទីននៅតែទុកចិត្តខ្ញុំ ខ្ញុំនៅតែបន្តតំណែងជាឧបនាយករដ្ឋមន្ត្រី និងត្រួតពិនិត្យការរៀបចំសម្រាប់ការប្រកួតពិភពលោកតទៅទៀត»។ លោក Vitaly Mutko និយាយដូច្នេះ។
ប៉ុន្តែយ៉ាងណា លោកនឹង «ស្នើ» ទម្លាក់តំណែងជាប្រធានគណៈកម្មាធិការរៀបចំការប្រកួត World Cup របស់ខ្លួននេះវិញ ប្រសិនបើប្រមុខរដ្ឋាភិបាលរុស្ស៊ី និងក្រុមព្រឹក្សាត្រួតពិនិត្យចង់ឲ្យលោកចុះចេញ៕
«ខ្ញុំបានសម្រេចចិត្តដាក់ពាក្យបណ្តឹងទៅកាន់ CAS »។ លោក Mutko បានប្រាប់អ្នកកាសែតបែបនេះបន្ទាប់ពីកិច្ចប្រជុំគណៈកម្មាធិការប្រតិបត្តិ RFU ហើយលោកបានបន្ថែមទៀតថា ៖«ដូច្នេះអង្គការរបស់យើងមិនត្រូវបានរំខានក្នុងអំឡុងពេលនៃការស៊ើបអង្កេតផ្នែកច្បាប់ ... ខ្ញុំបានស្នើសុំផ្អាកការងាររបស់ខ្ញុំរហូតដល់ ៦ខែ»។
Mutko តែងតែបដិសេធរាល់ការចោទប្រកាន់លើការប្រើប្រាស់សារធាតុញៀនពីណៈកម្មាធិការអូឡាំពិកអន្តរជាតិ (IOC) បើទោះបីជាមានអត្តពលិករុស្ស៊ីមួយចំនួន រួមទាំងលោក ត្រូវបានហាមឃាត់ចូលប្រកួតកីឡាអូឡាំពិករដូវរងារឆ្នាំ ២០១៨ នៅកូរ៉េខាងត្បូងក៏ដោយ។
បើទោះជាបាត់បង់តំណែងប្រធានសហព័ន្ធកីឡាបាល់ទាត់រុស្ស៊ីក៏ដោយ តែឧបនាយករដ្ឋមន្ត្រីរុស្ស៊ី វ័យ៥៨ឆ្នាំរូបនេះ អះអាងថាលោកនឹងបន្តតួនាទីរបស់លោកនៅក្នុងរដ្ឋាភិបាល ក៏ដូចជាការរៀបចំការប្រកួតកីឡាបាល់ទាត់ពិភពលោក FIFA World Cup នៅរុស្ស៊ី ឆ្នាំ២០១៨ ដដែលប្រសិនបើថ្នាក់ដឹកនាំនៅតែទុកចិត្តលោក។
«ទាក់ទងនឹងបញ្ហាទំនាក់ទំនងជាមួយ FIFA និងគណៈកម្មាធិការរៀបចំការប្រកួត ដរាបណាប្រធានាធិបតីរុស្ស៊ីវ្លាឌីមៀរពូទីននៅតែទុកចិត្តខ្ញុំ ខ្ញុំនៅតែបន្តតំណែងជាឧបនាយករដ្ឋមន្ត្រី និងត្រួតពិនិត្យការរៀបចំសម្រាប់ការប្រកួតពិភពលោកតទៅទៀត»។ លោក Vitaly Mutko និយាយដូច្នេះ។
ប៉ុន្តែយ៉ាងណា លោកនឹង «ស្នើ» ទម្លាក់តំណែងជាប្រធានគណៈកម្មាធិការរៀបចំការប្រកួត World Cup របស់ខ្លួននេះវិញ ប្រសិនបើប្រមុខរដ្ឋាភិបាលរុស្ស៊ី និងក្រុមព្រឹក្សាត្រួតពិនិត្យចង់ឲ្យលោកចុះចេញ៕
Tag:
កីឡាអូឡាំពិក
IOC
Vitaly Mutko
RFU
© រក្សាសិទ្ធិដោយ thmeythmey.com
