ពីនេះ ពីនោះ
«ច្រែស»,«ច្រេះ»និង«ច្រែះ»ខុសគ្នាដូចម្តេច?
× ពាក្យ«ច្រែស»,«ច្រេះ»និង«ច្រែះ» មានសូរសព្ទដូចគ្នា តែអត្ថន័យផ្សេងគ្នា។ «ច្រែស»សំដៅលើសូរដែលផ្លែចប និងអំបែងដុំក្រួសដែលគេកាប់ប៉ះត្រូវ។ រីឯ«ច្រេះ»សំដៅលើចាំងរេះឲ្យរបេះបន្តិចៗ។ ចំណែក«ច្រែះ»សំដៅលើដែកមានស្និម។
វចនានុក្រម សម្តេចព្រះសង្ឃរាជ ជួន ណាត បានពន្យល់ពាក្យ «ច្រែស»មានន័យថា សូរដែលផ្លែចប និងអំបែងដុំក្រួសដែលគេកាប់ប៉ះត្រូវ។ ឧទាហរណ៍៖ សូរច្រែស។
«ច្រេះ»មានន័យថា កាប់ ឬចាំងរេះត្រង់ទីខាងៗនៃវត្ថុអ្វីមួយដើម្បីឲ្យរបេះបន្តិចៗ។ ឧទាហរណ៍៖ ច្រេះគល់ឈើ, ច្រេះដីជើងដំបូក។
ចំណែកឯ «ច្រែះ»មានន័យថា ស្និមលោហជាតិដែលកើតចេញពីដែក។ ឧទាហរណ៍៖ ច្រែះកើតពីដែកវាស៊ីដែក ដែកឡើងស្និម៕
© រក្សាសិទ្ធិដោយ thmeythmey.com