កីឡាអន្តរជាតិ
អន្តរជាតិ
ក្រោយឃើញដំណឹងដ៏ជូរចត់ ក្លិប Galatasaray ឲ្យ Eboue មានការងារនៅឈុតយុវជន
×![]()
ដោយ: ទេព ពិទូរ្យ
Emmanuel Eboue ត្រូវទទួលបានការងារដ៏ល្អមួយពី Galatasaray បន្ទាប់ពីក្លិបនៃលីកកំពូលតួកគីនេះឮដំណឹងពីភាពតោកយ៉ាករបស់គេ ដោយសារការលែងលះ និងចាញ់ក្តីអតីតភរិយាយអស់ទ្រព្យពីខ្លួន រហូតដល់ពេលខ្លះចង់សម្លាប់ខ្លួនទៀតផង។
លោក Fatih Terim អ្នកចាត់ការទូទៅក្រុម Galatasaray បានផ្តល់តំណែងមួយឲ្យ Eboue ជាគ្រូបង្វឹកក្រុមយុវជនក្រោមអាយុ១៤ឆ្នាំ ដើម្បីស្តាស្ថានភាពដ៏លំបាករបស់គេឡើងវិញ បន្ទាប់ពីទទួលបានព័ត៌មានជូចត់នៅថ្ងៃបុណ្យណូអែលអំពីអតីតខ្សែការពារក្រុមកាំភ្លើងធំ Arsenal នេះ។
លោក Fatih Terim អ្នកចាត់ការទូទៅក្រុម Galatasaray ដែលផ្តល់ការងារឲ្យ Eboue
«យើងបានឮព័ត៌មានអំពី Eboue នៅក្នុងបន្ទប់ប្តូរសំលៀកបំពាក់ ហើយខ្ញុំបានជូនដំណឹងនេះទៅកាន់ថ្នាក់លើនៅពេលនោះភ្លាមៗ។ យើងនឹងធ្វើអ្វីដែលយើងអាចធ្វើបានដើម្បីជួយមិត្តរបស់ខ្ញុំ»។ នេះជាសម្តីរបស់លោក Terim វ័យ៦៤ឆ្នាំ ដែលជាអ្នកចាត់ការ Galatasarayផង និងជាប្រធានសហព័ន្ធកីឡាបាល់ទាត់ទួកគីផង។
Eboue ពិតជារីករាយក្រោយទទួបានតំណែងនេះ ហើយលើកឡើងថា៖«ខ្ញុំពិតជារីករាយណាស់ប្រសិនបើ Fatih ពិតជាផ្តល់ការងារសម្រាប់ខ្ញុំជាមួយ Galatasaray មែន។ Fatih Terim គឺជាឪពុករបស់ខ្ញុំខ្ញុំស្រឡាញ់គាត់ខ្លាំងណាស់ខ្ញុំនឹងធ្វើអ្វីៗគ្រប់យ៉ាងសម្រាប់គាត់ព្រោះខ្ញុំស្រឡាញ់គាត់ខ្លាំងណាស់»។
អតីតសមាជិកក្រុមជម្រើសជាតិកូឌីវ័រ វ័យ៣៤ឆ្នាំ Eboue បានរៀបរាប់ពីភាពវេទនាក្រោយចាញ់ក្តីលែងលះភរិយាបែលហ្ស៊ិក Aurelie អស់ទាំងទ្រព្យសម្បត្តិពីខ្លួនគ្មានទីពឹង ថែមទាំងមិនបានជួបមុខកូនស្រីទាំងពីរ Clara វ័យ១៤ឆ្នាំ និង Maeva វ័យ១២ឆ្នាំ ហើយរហូតឈានដល់ចង់ធ្វើអត្តឃាតទៀតផង។
Eboue ធ្លាប់តែរកលុយបានរាប់លានដុល្លារអាមេរិកកាលពីប្រកបអាជីពជាកីឡាករបាល់ទាត់ជាមួយ Arsenal និង Galatasaray ប៉ុន្តែឥឡូវនេះរូបគេកំពុងធ្វើការនៅកសិដ្ឋានមួយកន្លែង គ្នានផ្ទះសំបែងផ្ទាល់ខ្លួន រស់នៅក្នុងផ្ទះរបស់មិត្តភក្តិ បោកខោអាវដោយដៃខ្លួនឯង និងគេចពីប៉ូលិសទៀតផង។
អតីតភរិយា Eboue នាង Aurelie ក្នុងពិធីរៀបការ
ដោយសារចាញ់ក្តីលែងលះជាមួយភរិយា អតីតខ្សែការពារដែលលេងឲ្យ Arsenal ៧ឆ្នាំរូបនេះ ត្រូវបញ្ជូនប្រាក់ចំណូលដែលគេរកបានទាំងប៉ុន្មានទៅឲ្យកូន និងប្រពន្ធគ្នានសេសសល់អ្វីសម្រាប់ខ្លួនឯងឡើយ។
យ៉ាងណាក៏ដោយ ជុំវិញករណីនេះតុលាការនឹងស៊ើបអង្កេតឡើងវិញ ហើយរំពឹងថា Eboue អាចត្រូវបានលុបចោលបណ្តឹងរបស់អតីតភរិយាខ្លួនវិញ៕
លោក Fatih Terim អ្នកចាត់ការទូទៅក្រុម Galatasaray បានផ្តល់តំណែងមួយឲ្យ Eboue ជាគ្រូបង្វឹកក្រុមយុវជនក្រោមអាយុ១៤ឆ្នាំ ដើម្បីស្តាស្ថានភាពដ៏លំបាករបស់គេឡើងវិញ បន្ទាប់ពីទទួលបានព័ត៌មានជូចត់នៅថ្ងៃបុណ្យណូអែលអំពីអតីតខ្សែការពារក្រុមកាំភ្លើងធំ Arsenal នេះ។
លោក Fatih Terim អ្នកចាត់ការទូទៅក្រុម Galatasaray ដែលផ្តល់ការងារឲ្យ Eboue
«យើងបានឮព័ត៌មានអំពី Eboue នៅក្នុងបន្ទប់ប្តូរសំលៀកបំពាក់ ហើយខ្ញុំបានជូនដំណឹងនេះទៅកាន់ថ្នាក់លើនៅពេលនោះភ្លាមៗ។ យើងនឹងធ្វើអ្វីដែលយើងអាចធ្វើបានដើម្បីជួយមិត្តរបស់ខ្ញុំ»។ នេះជាសម្តីរបស់លោក Terim វ័យ៦៤ឆ្នាំ ដែលជាអ្នកចាត់ការ Galatasarayផង និងជាប្រធានសហព័ន្ធកីឡាបាល់ទាត់ទួកគីផង។
Eboue ពិតជារីករាយក្រោយទទួបានតំណែងនេះ ហើយលើកឡើងថា៖«ខ្ញុំពិតជារីករាយណាស់ប្រសិនបើ Fatih ពិតជាផ្តល់ការងារសម្រាប់ខ្ញុំជាមួយ Galatasaray មែន។ Fatih Terim គឺជាឪពុករបស់ខ្ញុំខ្ញុំស្រឡាញ់គាត់ខ្លាំងណាស់ខ្ញុំនឹងធ្វើអ្វីៗគ្រប់យ៉ាងសម្រាប់គាត់ព្រោះខ្ញុំស្រឡាញ់គាត់ខ្លាំងណាស់»។
អតីតសមាជិកក្រុមជម្រើសជាតិកូឌីវ័រ វ័យ៣៤ឆ្នាំ Eboue បានរៀបរាប់ពីភាពវេទនាក្រោយចាញ់ក្តីលែងលះភរិយាបែលហ្ស៊ិក Aurelie អស់ទាំងទ្រព្យសម្បត្តិពីខ្លួនគ្មានទីពឹង ថែមទាំងមិនបានជួបមុខកូនស្រីទាំងពីរ Clara វ័យ១៤ឆ្នាំ និង Maeva វ័យ១២ឆ្នាំ ហើយរហូតឈានដល់ចង់ធ្វើអត្តឃាតទៀតផង។
Eboue ធ្លាប់តែរកលុយបានរាប់លានដុល្លារអាមេរិកកាលពីប្រកបអាជីពជាកីឡាករបាល់ទាត់ជាមួយ Arsenal និង Galatasaray ប៉ុន្តែឥឡូវនេះរូបគេកំពុងធ្វើការនៅកសិដ្ឋានមួយកន្លែង គ្នានផ្ទះសំបែងផ្ទាល់ខ្លួន រស់នៅក្នុងផ្ទះរបស់មិត្តភក្តិ បោកខោអាវដោយដៃខ្លួនឯង និងគេចពីប៉ូលិសទៀតផង។
អតីតភរិយា Eboue នាង Aurelie ក្នុងពិធីរៀបការ
ដោយសារចាញ់ក្តីលែងលះជាមួយភរិយា អតីតខ្សែការពារដែលលេងឲ្យ Arsenal ៧ឆ្នាំរូបនេះ ត្រូវបញ្ជូនប្រាក់ចំណូលដែលគេរកបានទាំងប៉ុន្មានទៅឲ្យកូន និងប្រពន្ធគ្នានសេសសល់អ្វីសម្រាប់ខ្លួនឯងឡើយ។
យ៉ាងណាក៏ដោយ ជុំវិញករណីនេះតុលាការនឹងស៊ើបអង្កេតឡើងវិញ ហើយរំពឹងថា Eboue អាចត្រូវបានលុបចោលបណ្តឹងរបស់អតីតភរិយាខ្លួនវិញ៕
Tag:
បាល់ទាត់
Emmanuel Eboue
Galatasaray
Arsenal
© រក្សាសិទ្ធិដោយ thmeythmey.com
