កីឡាជាតិ
ជាតិ
ទិដ្ឋភាពពិធីក្រុងពលីនៃការប្រកួតកីឡានិងពិព័រណ៍កងទ័ពដើម្បីអបអរជ័យជម្នះ៧មករា
×![]()
ការប្រកួតកីឡាកងយោធពលខេមរភូមិន្ទ និងពិព័រណ៍សម្ភារយោធាដើម្បីអបអរជ័យជម្នះ ៧ មករា នឹងប្រព្រឹត្តទៅចាប់ពីថ្ងៃទី១២ ដល់ថ្ងៃទី១៤ ខែមករា ឆ្នាំ២០១៨ នៅបរិវេណកោះពេជ្រ។ នៅព្រឹកថ្ងៃទី៩ ខែមករា ឆ្នាំ២០១៨ គណៈកម្មការរៀបចំការប្រកួតកីឡាកងទ័ពបានរៀបចំពិធីក្រុងពលីសុំសេចក្តីសុខពីម្ចាស់ទឹកម្ចាស់ដី ដោយមានការចូលរួមពីថ្នាក់ដឹកនាំកំពូលៗជាច្រើនរូប។
មុន៣ថ្ងៃនៃការប្រកួតកីឡាកងទ័ព និងពិព័រណ៍សម្ភារយោធាមកដល់ នៅព្រឹកថ្ងៃទី៩ ខែមករា ឆ្នាំ២០១៨ នេះគណៈកម្មការរៀបចំការប្រកួតបានរៀបចំពិធីក្រុងពលីសុំសេចក្តីសុខម្ចាស់ទឹកម្ចាស់នៅទីតាំងក្នុងបរិវេណកោះពេជ្រ។ ពិធីក្រុងពលីនេះរៀបចំឡើងក្រោមវត្តមានលោក ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ និងជាមេបញ្ជាការរងកងទ័ពជើងគោក។
លើសពីនេះទទួលបានការចូលរួមពីសំណាក់លោក ជួន សុវណ្ណ អគ្គស្នងការរងនគរបាលជាតិ និងជាអគ្គស្នងការនគរបាលជាតិរាជធានីភ្នំពេញ និងលោក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ រួមនឹងមន្ត្រីអ្នកមុខអ្នកការជាច្រើនរូបទៀត។
ការប្រកួតកីឡាកងយោធពលខេមរភូមិន្ទ និងពិព័រណ៍សម្ភារកងទ័ពរៀបចំឡើងដើម្បីអបអរទិវាជ័យជម្នះ៧មករា និងដើម្បីផ្សារភ្ជាប់មិត្តភាពរវាងកងទ័ពនិងមហាជនឲ្យកាន់មានភាពស្និទ្ធស្នាល។ ព្រឹត្តិការណ៍ប្រកួតនេះ នឹងប្រព្រឹត្តទៅចាប់ពីថ្ងៃទី១២ ដល់ថ្ងៃទី១៤ ខែមករា ឆ្នាំ២០១៨ នៅបរិវេណកោះពេជ្រ។
ក្រៅពីប្រកួតកីឡានិងពិព័រណ៍សម្ភារកងទ័ពខាងលើ ក៏មានការតាំងពិព័រណ៍ផលិតផល និងសម្ភារបម្រើឲ្យការប្រើប្រាស់ប្រចាំថ្ងៃរបស់កងទ័ព និងការប្រគំតន្ត្រីដែលមានការចូលរួមពីកំពូលតារាចម្រៀងជួរមុខកម្ពុជានាពេលរាត្រីទៀតផង៕
មុន៣ថ្ងៃនៃការប្រកួតកីឡាកងទ័ព និងពិព័រណ៍សម្ភារយោធាមកដល់ នៅព្រឹកថ្ងៃទី៩ ខែមករា ឆ្នាំ២០១៨ នេះគណៈកម្មការរៀបចំការប្រកួតបានរៀបចំពិធីក្រុងពលីសុំសេចក្តីសុខម្ចាស់ទឹកម្ចាស់នៅទីតាំងក្នុងបរិវេណកោះពេជ្រ។ ពិធីក្រុងពលីនេះរៀបចំឡើងក្រោមវត្តមានលោក ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ និងជាមេបញ្ជាការរងកងទ័ពជើងគោក។
លើសពីនេះទទួលបានការចូលរួមពីសំណាក់លោក ជួន សុវណ្ណ អគ្គស្នងការរងនគរបាលជាតិ និងជាអគ្គស្នងការនគរបាលជាតិរាជធានីភ្នំពេញ និងលោក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ រួមនឹងមន្ត្រីអ្នកមុខអ្នកការជាច្រើនរូបទៀត។
ការប្រកួតកីឡាកងយោធពលខេមរភូមិន្ទ និងពិព័រណ៍សម្ភារកងទ័ពរៀបចំឡើងដើម្បីអបអរទិវាជ័យជម្នះ៧មករា និងដើម្បីផ្សារភ្ជាប់មិត្តភាពរវាងកងទ័ពនិងមហាជនឲ្យកាន់មានភាពស្និទ្ធស្នាល។ ព្រឹត្តិការណ៍ប្រកួតនេះ នឹងប្រព្រឹត្តទៅចាប់ពីថ្ងៃទី១២ ដល់ថ្ងៃទី១៤ ខែមករា ឆ្នាំ២០១៨ នៅបរិវេណកោះពេជ្រ។
ក្រៅពីប្រកួតកីឡានិងពិព័រណ៍សម្ភារកងទ័ពខាងលើ ក៏មានការតាំងពិព័រណ៍ផលិតផល និងសម្ភារបម្រើឲ្យការប្រើប្រាស់ប្រចាំថ្ងៃរបស់កងទ័ព និងការប្រគំតន្ត្រីដែលមានការចូលរួមពីកំពូលតារាចម្រៀងជួរមុខកម្ពុជានាពេលរាត្រីទៀតផង៕
Tag:
កីឡាកងទ័ព
ហ៊ុន ម៉ាណែត
ក្រុងពលី
© រក្សាសិទ្ធិដោយ thmeythmey.com
