អន្តរជាតិ
លោក ម៉ូឌី នឹងក្លាយជានាយករដ្ឋមន្ត្រីឥណ្ឌាដំបូងបំផុតទៅទស្សនកិច្ចនៅប៉ាឡេស្ទីន
×![]()
នាយករដ្ឋមន្ត្រីឥណ្ឌាលោក នារិន្ទ្រា ម៉ូឌីនឹងអញ្ជើញទៅទស្សនកិច្ចនៅប៉ាឡេស្ទីននៅខែកុម្ភៈខាងមុខនេះ។ លោក ម៉ូឌី ក្លាយជានាយករដ្ឋមន្ត្រីឥណ្ឌាទីមួយដែលទៅទស្សនកិច្ចនៅទឹកដីប៉ាឡេស្ទីន ហើយវាបង្ហាញពី ជំហរឯករាជ្យ និងមិនងាករេរបស់ឥណ្ឌាក្នុងការគាំទ្រប៉ាឡេស្ទីនជារដ្ឋឯករាជ្យដែរ។
លោក នារិន្ទ្រា ម៉ូឌី នឹងក្លាយជានាយករដ្ឋមន្ត្រីឥណ្ឌាដំបូងបង្អស់ដែលទៅទស្សនកិច្ចទឹកដីប៉ាឡេស្ទីន។ ទស្សនកិច្ចរបស់លោកនៅប៉ាឡេស្ទីននឹងចាប់ផ្តើមនៅថ្ងៃ ១០ ខែកុម្ភៈខាងមុខនេះ។
យោងតាមទីភ្នាក់ងារព័ត៌មាន Xinhua នាយករដ្ឋមន្ត្រី ម៉ូឌី នឹងអញ្ជើញទៅកាន់ទីក្រុង Ramallah ដែលជារដ្ឋធានីបណ្តោះអាសន្នរបស់ប៉ាឡេស្ទីន ប៉ុន្តែទស្សនកិច្ចរបស់លោកមិនទាន់មានការប្រកាសទទួលស្គាល់ជាផ្លូវការពីសំណាក់ក្រសួងការបរទេសឥណ្ឌាឡើយ។
នេះក៏ដោយសារបច្ចុប្បន្ន នាយករដ្ឋមន្ត្រីអ៊ីស្រាអែល បេនចាមិន ណេតាន់យ៊ូ នៅបន្តទស្សនកិច្ចរបស់ខ្លួននៅឥណ្ឌានៅឡើយ។ យ៉ាងណាមិញ កាលពីឆ្នាំមុនលោក ម៉ូឌី ក៏បានអញ្ជើញទៅទស្សនកិច្ចនៅអ៊ីស្រាអែលផងដែរដើម្បីពង្រឹងទំនាក់ទំនងទ្វេភាគី។
វត្តមានរបស់លោក ម៉ូឌី នៅប៉ាឡេស្ទីននឹងក្លាយជាទស្សនកិច្ចប្រវត្តិសាស្ត្រមួយសម្រាប់ប្រជាជនប៉ាឡេស្ទីន ហើយវាក៏បញ្ជាក់ឲ្យឃើញច្បាស់ថា គោលនយោបាយឥណ្ឌាចំពោះប៉ាឡេស្ទីនមិនមានការផ្លាស់ប្តូរឡើយចាប់ពីពេលដែលលោក ម៉ូឌី ឡើងកាន់តំណែងមក។ មិនត្រឹមតែប៉ុណ្ណោះ វាក៏បញ្ជាក់ឲ្យឃើញថា ទំនាក់ទំនងជិតស្និទ្ធរវាងឥណ្ឌា និងអ៊ីស្រាអែលមិនបង្កឲ្យប៉ះពាល់ដល់ទំនាក់ទំនង និងសម្ព័ន្ធភាពរវាងឥណ្ឌា និងប៉ាឡេស្ទីនឡើយ។
រឿងដែលគួរឲ្យកត់សម្គាល់នោះ ឥណ្ឌាបានចូលរួមជាមួយបណ្តាប្រទេសជាង ១០០ ផ្សេងទៀតនៅមហាសនិ្នបាតអង្គការសហប្រជាជាតិដើម្បីបោះឆ្នោតគាំទ្រដំណោះស្រាយរបស់ស្ថាប័ននេះដើម្បីប្រឆាំងអាមេរិកដែលទទួលស្គាល់ក្រុងហ្ស៊េរុយសាឡិមជារដ្ឋធានីអ៊ីស្រាអែលនោះ។
សកម្មភាពនេះធ្វើឲ្យអ៊ីស្រាអែលអន់ចិត្តមិនតិចឡើយ។ ដូចឃើញស្រាប់ លោក ណេតាន់យ៉ាហ៊ូ បានបញ្ជាក់ក្នុងពេលបំពេញទស្សនកិច្ចនៅឥណ្ឌានៅសប្តាហ៍នេះថា លោកខកចិត្តខ្លាំងចំពោះគោលជំហររបស់ឥណ្ឌាលើបញ្ហាទីក្រុងហ្ស៊េរុយសាឡិមកន្លងមក ប៉ុន្តែលោកសង្កត់ធ្ងន់ថា ទោះបីជាបែបនេះក្តីលោកមិនអាចឲ្យបញ្ហានេះធ្វើឲ្យទំនាក់ទំនងទ្វេភាគីជាមួយឥណ្ឌាល្អក់កករឡើយ។
សូមបញ្ជាក់ថា ឥណ្ឌានិងប៉ាឡេស្ទីនមានទំនាក់ទំនងជិតស្និទ្ធយូរអង្វែងមកហើយ។ ឥណ្ឌាបានក្លាយជារដ្ឋក្រៅតំបន់អារ៉ាប់មុនគេបង្អស់ដែលទទួលស្គាល់អាជ្ញាធររំដោះប៉ាឡេស្ទីនជាតំណាងស្របច្បាប់របស់ប៉ាឡេស្ទីនកាលពីឆ្នាំ ១៩៧៤ ហើយឥណ្ឌាក៏ជាប្រទេសដំបូងដែលទទួលស្គាល់ឥណ្ឌាជារដ្ឋនៅឆ្នាំ ១៩៨៨ ដែរ៕
លោក នារិន្ទ្រា ម៉ូឌី នឹងក្លាយជានាយករដ្ឋមន្ត្រីឥណ្ឌាដំបូងបង្អស់ដែលទៅទស្សនកិច្ចទឹកដីប៉ាឡេស្ទីន។ ទស្សនកិច្ចរបស់លោកនៅប៉ាឡេស្ទីននឹងចាប់ផ្តើមនៅថ្ងៃ ១០ ខែកុម្ភៈខាងមុខនេះ។
យោងតាមទីភ្នាក់ងារព័ត៌មាន Xinhua នាយករដ្ឋមន្ត្រី ម៉ូឌី នឹងអញ្ជើញទៅកាន់ទីក្រុង Ramallah ដែលជារដ្ឋធានីបណ្តោះអាសន្នរបស់ប៉ាឡេស្ទីន ប៉ុន្តែទស្សនកិច្ចរបស់លោកមិនទាន់មានការប្រកាសទទួលស្គាល់ជាផ្លូវការពីសំណាក់ក្រសួងការបរទេសឥណ្ឌាឡើយ។
នេះក៏ដោយសារបច្ចុប្បន្ន នាយករដ្ឋមន្ត្រីអ៊ីស្រាអែល បេនចាមិន ណេតាន់យ៊ូ នៅបន្តទស្សនកិច្ចរបស់ខ្លួននៅឥណ្ឌានៅឡើយ។ យ៉ាងណាមិញ កាលពីឆ្នាំមុនលោក ម៉ូឌី ក៏បានអញ្ជើញទៅទស្សនកិច្ចនៅអ៊ីស្រាអែលផងដែរដើម្បីពង្រឹងទំនាក់ទំនងទ្វេភាគី។
វត្តមានរបស់លោក ម៉ូឌី នៅប៉ាឡេស្ទីននឹងក្លាយជាទស្សនកិច្ចប្រវត្តិសាស្ត្រមួយសម្រាប់ប្រជាជនប៉ាឡេស្ទីន ហើយវាក៏បញ្ជាក់ឲ្យឃើញច្បាស់ថា គោលនយោបាយឥណ្ឌាចំពោះប៉ាឡេស្ទីនមិនមានការផ្លាស់ប្តូរឡើយចាប់ពីពេលដែលលោក ម៉ូឌី ឡើងកាន់តំណែងមក។ មិនត្រឹមតែប៉ុណ្ណោះ វាក៏បញ្ជាក់ឲ្យឃើញថា ទំនាក់ទំនងជិតស្និទ្ធរវាងឥណ្ឌា និងអ៊ីស្រាអែលមិនបង្កឲ្យប៉ះពាល់ដល់ទំនាក់ទំនង និងសម្ព័ន្ធភាពរវាងឥណ្ឌា និងប៉ាឡេស្ទីនឡើយ។
រឿងដែលគួរឲ្យកត់សម្គាល់នោះ ឥណ្ឌាបានចូលរួមជាមួយបណ្តាប្រទេសជាង ១០០ ផ្សេងទៀតនៅមហាសនិ្នបាតអង្គការសហប្រជាជាតិដើម្បីបោះឆ្នោតគាំទ្រដំណោះស្រាយរបស់ស្ថាប័ននេះដើម្បីប្រឆាំងអាមេរិកដែលទទួលស្គាល់ក្រុងហ្ស៊េរុយសាឡិមជារដ្ឋធានីអ៊ីស្រាអែលនោះ។
សកម្មភាពនេះធ្វើឲ្យអ៊ីស្រាអែលអន់ចិត្តមិនតិចឡើយ។ ដូចឃើញស្រាប់ លោក ណេតាន់យ៉ាហ៊ូ បានបញ្ជាក់ក្នុងពេលបំពេញទស្សនកិច្ចនៅឥណ្ឌានៅសប្តាហ៍នេះថា លោកខកចិត្តខ្លាំងចំពោះគោលជំហររបស់ឥណ្ឌាលើបញ្ហាទីក្រុងហ្ស៊េរុយសាឡិមកន្លងមក ប៉ុន្តែលោកសង្កត់ធ្ងន់ថា ទោះបីជាបែបនេះក្តីលោកមិនអាចឲ្យបញ្ហានេះធ្វើឲ្យទំនាក់ទំនងទ្វេភាគីជាមួយឥណ្ឌាល្អក់កករឡើយ។
សូមបញ្ជាក់ថា ឥណ្ឌានិងប៉ាឡេស្ទីនមានទំនាក់ទំនងជិតស្និទ្ធយូរអង្វែងមកហើយ។ ឥណ្ឌាបានក្លាយជារដ្ឋក្រៅតំបន់អារ៉ាប់មុនគេបង្អស់ដែលទទួលស្គាល់អាជ្ញាធររំដោះប៉ាឡេស្ទីនជាតំណាងស្របច្បាប់របស់ប៉ាឡេស្ទីនកាលពីឆ្នាំ ១៩៧៤ ហើយឥណ្ឌាក៏ជាប្រទេសដំបូងដែលទទួលស្គាល់ឥណ្ឌាជារដ្ឋនៅឆ្នាំ ១៩៨៨ ដែរ៕
Tag:
នារិន្ទ្រា ម៉ូឌី
ប៉ាឡេស្ទីន
អ៊ីស្រាអែល
© រក្សាសិទ្ធិដោយ thmeythmey.com
