ពីនេះ ពីនោះ
អ្វីទៅជា «ទម្រង់វិសមរូបអាកាសធាតុ»?
× ពាក្យ «ទម្រង់វិសមរូបអាកាសធាតុ» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «ទម្រង់វិសមរូបអាកាសធាតុ» (Modes of climate variability) ជាវិសមរូបធម្មជាតិ នៃប្រព័ន្ធអាកាសធាតុ ជាពិសេស តាមរដូវកាលនិងក្នុងរយៈពេលវែង ដែលច្រើនតែកើតឡើង ដោយមានទម្រង់ទីតាំងនិងមាត្រដ្ឋានពេលវេលាសមស្រប តាមរយៈជវភាព(dynamic) នៃចរន្តបរិយាកាសនិងតាមរយៈអន្តរកម្មរវាងផ្ទៃដីនិងមហាសមុទ្រ។
ទម្រង់ទាំងនេះច្រើនត្រូវបានគេហៅថា របបម៉ូតឬទំនាក់ទំនងពីចម្ងាយ។ ឧទាហរណ៍ ចរន្តអាត្លង់ទិកខាងជើង(NAO) ទម្រង់ប៉ាស៊ីហ្វិកអាម៉េរិកខាងជើង(PNA) ចរន្ដអែលនីញ៉ូខាងត្បូង(ENSO) ទម្រង់ជាវង់ខាងជើង និងទម្រង់ជាវង់ខាងត្បូង ជាទម្រង់វិសមរូបអាកាសធាតុ។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋាន ក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com