ពីនេះ ពីនោះ
ព័ត៍មានសុខភាព
ការថប់អារម្មណ៍ប៉ះពាល់លើក្មេងៗទៅតាមរបៀបផ្សេងៗគ្នា
× យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា ការថប់អារម្មណ៍របស់យុវវ័យត្រូវការការព្យាបាលខុសៗគ្នា។ ការដែលប្រើវិធីតែមួយសម្រាប់ព្យាបាលជំងឺថប់អារម្មណ៍លើយុវវ័យ អាចនឹងធ្វើឲ្យពួកគេមានការប្រឈមមុខនឹងបញ្ហាអ្វីផ្សេងៗទៀតនៅថ្ងៃក្រោយបាន។
ដំណឹងនេះបានមកពីការស្រាវជ្រាវមួយដែលពិនិត្យទៅលើការកំណត់រោគវិនិច្ឆ័យទៅលើក្មេងមួយក្រុម និងយុវវ័យមួយក្រុម។ គេមិនបានពិនិត្យទៅលើរបៀបដែលពួកគេត្រូវបានព្យាបាល ឬរបៀបព្យាបាលដែលមានប្រសិទ្ធភាពប៉ុណ្ណាឡើយ។
ប៉ុន្តែការស្រាវជ្រាវនេះបានសង្ខេបទៅលើបញ្ហាសំខាន់ៗជាមួយនឹងការបញ្ជាក់ថា ក្មេង អាយុពី ៥ ទៅ១៨ឆ្នាំ រងការប៉ះពាល់ដោយការថប់អារម្មណ៍តាមរបៀបដូចៗគ្នា។ ការសិក្សានេះបានពិនិត្យទៅលើការកំណត់រោគវិនិច្ឆ័យខុសៗគ្នាទៅលើក្មេងចំនួន ១០០នាក់ អាយុ ៦ ទៅ១២ឆ្នាំ និងមនុស្សវ័យជំទង់អាយុ ១៣ ទៅ១៨ឆ្នាំ ដែលពួកកេមានបញ្ហាថប់អារម្មណ៍ ហើយបានបញ្ជូនទៅជួបអ្នកជំនាញខាងរោគផ្លូវចិត្ត។
ការរកឃើញនេះបានបង្ហាញថា ថ្វីបើក្មេង និងមនុស្សវ័យជំទង់ច្រើនតែត្រូវបានគេចាត់ទុកថាជាមនុស្សមួយក្រុមដែលមានការកំណត់រោគវិនិច្ឆ័យពិសេស និងត្រូវការការព្យាបាលដែរនោះ តែរឿងនេះត្រូវការការព្យាបាលដែលខុសៗគ្នាដែរ។
ក្មេងច្រើនតែច្រើនតែមានការថប់អារម្មណ៍ខុសធម្មតាផ្សេងៗគ្នា ខណៈពេលដែលមនុស្សវ័យជំទង់ទំនងជាមានការថប់អារម្មណ៍ទូទៅខុសធម្មតា និងការខ្លាចសង្គមខុសធម្មតា។ មនុស្សវ័យជំទង់ក៏ទំនងជាដូចក្មេងៗដែឬ ដែលមានបញ្ហាផ្លូវចិត្តខុសធម្មតា និងមានបញ្ហាច្រើនជាមួយនឹងការរៀនក្នុងថ្នាក់។
យ៉ាងណាមិញ ដោយសារតែការសិក្សានេះពិនិត្យទៅលើក្មេង និងមនុស្សវ័យជំទង់តែមួយប្រភេទ ដូច្នេះវាប្រហែលជាមិនអាចដំណាងឲ្យមនុស្សវ័យគ្មេងទាំងអស់ដែលមានការថប់អារម្មណ៍ខុសធម្មតាឡើយ។ ការសិក្សានេះក៏មិនបានផ្តល់នូវអំណះអំណាងដែលបញ្ជាក់ថា ក្មេង ឬមនុស្សវ័យជំទង់កំពុងតែធ្វើរោគវិនិច្ឆ័យខុស ឬទទួលបានការព្យាបាលដែលមិនត្រឹមត្រូវដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com