ពីនេះ ពីនោះ
ឥទ្ធិពលជំនោរខ្មៅសម្លាប់សត្វស្លាប និងរុក្ខជាតិដែលរស់នៅក្នុងសមុទ្រ
× «ជំនោរខ្មៅ»ជាការកំពប់ប្រេងឆៅក្នុងសមុទ្រ ដែលបង្កទៅជាស្រទាប់ប្រេង រួចរសាត់មកដល់ឆ្នេរ ក្រោមឥទ្ធិពលខ្យល់ និងជំនោរសមុទ្រ។ សត្វស្លាបជាច្រើនក្បាល ត្រូវបានបាត់បង់ជីវិតដោយលង់ទឹក និងពុលប្រេងទាំងនោះ។ រុក្ខជាតិដែលរស់នៅក្នុងបាតសមុទ្រ ក៏ត្រូវបានបាត់បង់ផងដែរ។
នៅខែឆ្នូ ឆ្នាំ១៩៩៩ មានការលិចកប៉ាល់អេរីកា ដែលបណ្តាលឱ្យមានការបំពុលឆ្នេរសមុទ្រប្រវែង ៤០០គីឡូម៉ែត្រ។ សត្វស្លាបប្រមាណពី ១៥ម៉ឺន ទៅ៣០ម៉ឺន ក្បាលបានបាត់បង់ជីវិត។ ស្រទាប់នេះ បានរារាំងពន្លឺព្រះអាទិត្យ មិនឱ្យចូលទៅដល់ពពួករុក្ខជាតិ ដែលរស់នៅក្នុងបាតសមុទ្រ ដូច្នេះធ្វើឱ្យរុក្ខជាតិទាំងនោះថប់ដង្ហើម ឬពុលសារធាតុប្រេងកាត ដែលពួកវាបានលេប។
ហេតុដូច្នេះហើយ អ្នកវិទ្យាសាស្ត្រ បានចំណាយប្រាក់អស់រាប់លានដុល្លារ និងត្រូវការរយៈពេលជាច្រើនឆ្នាំដើម្បីសំអាតជំនោរខ្មៅ ដែលមាននៅឆ្នេរសមុទ្រឱ្យស្អាតឡើងវិញ៕
ដកស្រង់ពីសៀវភៅ៖ «ស្វែងយល់ពីបរិស្ថានយើង របស់អង្គការស៊ីប៉ា»
Tag:
ប្រេង
សមុទ្រ
រុក្ខជាតិ
សត្វស្លាប
© រក្សាសិទ្ធិដោយ thmeythmey.com