ពីនេះ ពីនោះ
ព័ត៍មានសុខភាព
ការ៉ុត និងសាឡាត់អាចធ្វើឲ្យមេជីវិតឈ្មោលកាន់តែមានគុណភាពល្អ
× យោងទៅតាមសារព័ត៌មាន Mail Online បានប្រកាសថា តើអ្វីទៅជាអាថ៌កំបាំងដែលនាំឲ្យមេជីវិតឈ្មោលមានសុខភាពល្អទៅ? ចម្លើយគឺ មឺមការ៉ុត។ ការសិក្សានេះបានរកឃើញថា បន្លែប្រហែលជាជួយពង្រឹងដល់គុណភាពរបស់មេជីវិតឈ្មោលបាន។
អ្នកស្រាវជ្រាវបានធ្វើការសិក្សានេះដោយសង្កត់ធ្ងន់ទៅលើចំណាប់អារម្មណ៍សំខាន់ពីរនៃគុណភាពមេជីវិតឈ្មោល៖
• ចលនារបស់មេជីវិតឈ្មោលដែលហែលឆ្ពោះទៅរកមេជីវិតញី
• រូបរាង និងទំហំរបស់មេជីវិតឈ្មោលដែលអាចមានលទ្ធភាពបង្កកំណើតជាមួយមេជីវិតញីខ្លាំងប៉ុណ្ណា
ពួកគេបានពិនិត្យទៅលើរបបអាហាររបស់បុរសវ័យក្មេងជាច្រើន និងវិភាគទៅលើមេជីវិតឈ្មោលរបស់ពួកគេ។ គេបានរកឃើញថា បុរសដែលញ៉ាំអង់ទីអុកស៊ីដង់បីប្រភេទកាន់តែច្រើនក្នុងបន្លែ និងផ្លែឈើគឺមានមេជីវិតឈ្មោលល្អទាំងចលនា និងទំហំព្រមទាំងរូបរាង។
អង់ទីអុកស៊ីដង់ទាំងបីមានដូចជា៖
• Beta-carotene មានក្នុងការ៉ុត សាឡាត់ និងស្ពៃស្ពីណាច
• Lutein មានក្នុងសាឡាត់ និងស្ពៃស្ពីណាច
• Lycopene មានក្នុងប៉េងប៉ោះ
បុរសដែលញ៉ាំ Beta-carotene និង Lutein ក្នុងកម្រិតកាន់តែខ្ពស់គឺបង្កើនចលនារបស់មេជីវិតឈ្មោល ៦.៥ភាគរយ និងអ្នកដែលញ៉ាំ Lycopene កាន់តែខ្ពស់នឹងពង្រឹងដល់រូបរាង និងទំហំមេជីវិតឈ្មោល ១.៧ភាគរយ។
យ៉ាងណាមិញ ការសិក្សានេះបានពិនិត្យទៅលើរបបអាហារ និងគុណភាពមេជីវិតឈ្មោលក្នុងពេលតែមួយ ដូច្នេះវាមិនអាចអះអាងទៅលើមូលហេតុ និងឥទ្ធិពលរបស់វាបានទេ។ ជាមួយគ្នានេះដែរ ការសិក្សាមានការចូលរួមពីបុរសវ័យក្មេងដែលមានសុខភាពល្អ ដូច្នេះលទ្ធផលប្រហែលជាមិនអាចប្រើលើអត្រាប្រជាជនខុសៗគ្នាបានឡើយ។ ជាមួយគ្នានេះដែរ ការបង្កើនការញ៉ាំបន្លែកាន់តែច្រើនក៏ទំនងជាមិនផ្តល់ទុក្ខទោសដល់មេជីវិតឈ្មោលអ្នកឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com