ពីនេះ ពីនោះ
ព័ត៍មានសុខភាព
ការគេងជាវិធីច្រោះជាតិពុលពីក្នុងខួរក្បាល
× យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា ហេតុអ្វីបានជាយើងត្រូវការគេង? អ្នកវិទ្យាសាស្ត្រអាមេរិកនិយាយថា វាគឺជាវិធីលាងសម្អាតខួរក្បាលមនុស្សយើង។ ក្រុមស្រាវជ្រាវរបស់អាមេរិកបានណែនាំថា ការគេងនឹងជួយសម្អាតផលិតផលអាក្រក់ៗចេញពីខួរក្បាល តែវាគឺជាការសិក្សាលើសត្វកណ្តុរទេ។
ថ្វីបើការគេងគឺជាផ្នែកខាងក្នុងមួយរបស់ជីវិតរស់នៅយើង តែអ្នកវិទ្យាសាស្ត្រនៅតែមិនច្បាស់ថាហេតុអ្វីបានជាការគេងដ៏ល្អមួយធ្វើឲ្យមនុស្សយើងមានអារម្មណ៍ល្អ ឬការគេងមិនបានគ្រប់ធ្វើឲ្យមានអារម្មណ៍មិនល្អដែរ។ ឥឡូវនេះ ក្រុមអ្នកស្រាវជ្រាវអង់គ្លេសបានរកឃើញថា វាអាចមានចម្លើយហើយសម្រាប់រឿងនេះ។ ការសិក្សាបានពិនិត្យទៅលើថាតើការគេងមានឥទ្ធិពលបែបនេះទៅលើរបៀបដែលខួរក្បាលបញ្ចេញនូវកាកសំណល់របស់វា។
កាកសំណល់ដែលផលិតចេញពីកោសិកាក្នុងខួរក្បាលត្រូវបានប្រមូលផ្តុំទៅក្នុងទឹកជុំវិញកោសិកា។ របៀបមួយដែលវាអាចបញ្ចេញកាកសំណល់នេះបានគឺបញ្ជូនវាទៅក្នុងទឹកខួរឆ្អឹងខ្នងនៅជុំវិញខួរក្បាល និងខួរឆ្អឹងខ្នង។ ការសិក្សាបានពិនិត្យទៅលើថា តើដំណើរការណ៍នេះមានឥទ្ធិពលបែបណាទៅលើការគេងរបស់សត្វកណ្តុរ។
គេបានរកឃើញថា នៅពេលកណ្តុរដេក ចំនួនប្រហោងនៅជុំវិញកោសិកាខួរក្បាលត្រូវបានកើនឡើង។ រឿងនេះនឹងធ្វើឲ្យមានជាតិទឹកកាន់តែច្រើនចេញពីទឹកខួរឆ្អឹងខ្នងចូលតំបន់នេះ។ រឿងនេះហាក់បីដូចជាលទ្ធផលនៃការសម្អាតកាកសំណល់លឿនពេកហើយជាពិសេសសារធាតុ Amyloid Beta ដែលជាប្រូតេអ៊ីនមួយប្រភេទកើនឡើងក្នុងខួរក្បាលរបស់អ្នកជំងឺភ្លេចភ្លាំងពេលចាស់ជរាតែម្តង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com