ពីនេះ ពីនោះ
ព័ត៍មានសុខភាព
ក្នុងម្សៅទឹកដោះគោកូនក្មេងត្រូវបានគេរកឃើញជាតិអាលុយមីញ៉ូមកាន់តែច្រើន
× យោងទៅតាមសេចក្តីរាយការណ៍ពីសារព័ត៌មាន The Guardian បានឲ្យដឹងថា ទឹកដោះគោម្សៅកូនក្មេងបៅត្រូវបានអ្នកជំនាញជាច្រើនព្រមានថា មានជាតិអាលុយមីញ៉ូមខ្ពស់ណាស់។ ក្រុមអ្នកស្រាវជ្រាវមួយក្រុមបានវាស់ទៅលើកម្រិតនៃស្លាកយីហោរល្បីៗបំផុត និងទាមទារថា ផលិតផលរបស់ពួកគេទាំងនោះមានការគម្រាមគំហែងដល់សុខភាព។ រឿងនេះធ្វើឡើងតាមរយៈភ្នាក់ងារស្តង់ដាចំណីអាហារ ឬហៅថា Food Standards Agency (FSA)។
យកល្អគួរតែកត់សម្គាល់តាំងពីរពេលចាប់ផ្តើមថា ការសិក្សានេះមិនបានផ្តល់អំណះអំណាងអ្វីដែលថា រាល់ម៉ូដែលម្សៅទឹកដោះគោកូនក្មេងបៅទាំងអស់នៅទីផ្សាក្នុងប្រទេសអង់គ្លេសសុទ្ធតែមានគ្រោះថ្នាក់នោះទេ។ អ្នកស្រាវជ្រាវបានវាស់ទៅលើកម្រិតអាលុយមីញ៉ូមរបស់ម៉ូដែលម្សៅទឹកដោះគោកូនក្មេងបៅប្រមាណជាង ៣០ម៉ូដែលក្នុងប្រទេសអង់គ្លេស ហើយក៏សន្និដ្ឋានឃើញថា វាមានជាតិអាលុយមីញ៉ូមខ្ពស់ណាស់។
វាគ្មានហេតុផលអ្វីដែលត្រូវសង្ស័យទៅលើភាពសុក្រិតនៃការវាស់នេះឡើយ។ អ្វីដែលមិនទាន់អះអាងគឺថា ទំនុកចិត្ត និងការជឿជាក់របស់ពួកគេចំពោះកម្រិតនៃសារធាតុមួយនេះគឺប៉ះពាល់ដល់សុខភាពមែន។ រាល់ការធ្វើតេស្តទៅលើម្សៅទឹកដោះគោកូនក្មេងបៅទាំងអស់ មានកម្រិតអាលុយមីញ៉ូមដែលរាងកាយអាចសម្របសម្រួលបានប្រកបដោយសុខភាព និងសុវត្ថិភាព ព្រមទាំងមានការវាយតម្លៃដោយ FSA ទៀតហើយក៏ជាកម្រិតមួយដែលត្រូវបានគេចាត់ទុកថាមានសុវត្ថិភាពសម្រាប់ទារកទើបនឹងកើតគ្រប់គ្នាដែរ។
ការសិក្សានេះបានតស៊ូមតិដោយតម្រូវឲ្យមានគំនិតកាន់តែច្រើនទៀតទៅលើការស្រាវជ្រាវថ្មីៗ។ ការពិតនោះគឺថា ម្សៅទឹកដោះគោកូនក្មេងបៅមានជាតិអាលុយមីញ៉ូមមួយចំនួនដែលត្រូវបានគេដឹងរួចទៅហើយ។ ការបំបៅដោះកូនគឺជាមធ្យោបាយដ៏មានសុវត្ថិភាពនិងសុខភាពល្អបំផុតសម្រាប់ចិញ្ចឹមកូនបើសិនជាអ្នកមិនអាច ឬមិនចង់ប្រើប្រាស់ម្សៅទឹកដោះគោបំបៅកូន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com